WALAWI 5:15 - Biblia Ilagho Jiboie Kwa Wandu Wose

¹⁵ “Mndungi ukabonya kaung'a usemanyire kwa kulemwa ni kulipa malipo kwa BWANA, uchareda kizongona kwa BWANA kwa wundu ghwa makosa, bauru kufuma chaghenyi iseko na itiko. Ighuri jaro jichaboiswa kunughana na malipo gha agho matuku gha Andu kwa Wueli; ni kizongona kwa wundu ghwa wuwiwi.

WALAWI 5:15 Խաչաձեւ Հղումներ

2 WAZURI 12:16

Mafunyo gherefunyiroghe kwa wundu ghwa mawiwi na kaung'a, ndegherengiriloghe andenyi ya nyumba ya BWANA, ela gherekoghe ni mafungu gha Wakohani.

EZRA 10:19

Wikabonya ilaghiro weni ja kuwisigha waka wawo, na kufunya bauru ikaie kizongona kwa wundu ghwa kaung'a rawo.

KUFUMA 30:13

Kula mundu uchaatalwa uchafunya nusu shekeli, kunughana na kipimo cha shekeli ya Andu kwa Wueli. Kula mundu uchalipa kipimo icho chikaie kizongona kwapo.

EZEKIELI 40:39

Na aeni aho lukumbinyi lwa mbengenyi, korekoghe na meza iwi kula luwaru, andu vizongona vekorwa, na vizongona va kaung'a, na vizongona va malipo vibwaghilwagha.

WALAWI 1:10

“Ikakaia inosi ja uo mundu ja kizongona chekora ni ng'ondi angu mburi, uchafunya bauru angu fwandi iseko na itiko jingi anduangi.

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 14:12

Niko mkohani uchawada imu ya awo wana wa ng'ondi, chiaimweri na ifungu ja kadadu ja lita ya mavuda, na kuvifunya vikaie kizongona kwa wundu ghwa makosa. Niko uchavifunya vikaie kizongona chesughuswa kwa BWANA.

WALAWI 27:3

Bei ya mundu wa womi wa miaka mirongo iwi hata miaka mirongo irandadu ni vibelele va feza mirongo misanu kunughana na vipimo viwikilo.

WALAWI 4:2

“Mndungi ukachumbwa na kubonya kaung'a aighu ya jimu ja agho ghose Mlungu ulaghirie ghisakebonywa,

WALAWI 5:14

BWANA ukamzera Musa,

WALAWI 5:16

Uchalipa iyo sile ya makosa ukosere, sena uchurie mirongo iwi kwa ighana ya agho malipo na kumneka mkohani; uchaifunya iyo bauru ikaie kizongona kwa wundu ghwa makosa ghake, nao uchafuilwa wughoma.

WALAWI 5:18

Uchareda bauru iseko na itiko kwa mkohani kufuma chaghenyi, na oho kuchabonya ighuri jaro kunughana na ighuri ja agho matuku; mkohani uchabonya mapatano kwa wundu ghwa kaung'a yake uibonyere usemanyire, nao uchafuilwa wughoma.

WALAWI 6:6

Nao uchareda bauru iseko na itiko, ikaie kizongona kwa wundu ghwa makosa ghake kwa BWANA, na oho kuchabonya ighuri jaro kunughana na ighuri ja agho matuku.

WALAWI 7:1

“Ihi niyo sharia ya vizongona kwa wundu ghwa makosa, ni sharia ya wueli loli loli.

WALAWI 7:6

Kula mundu wa womi uko aghadi ya wakohani wadima kuja iro nyama; richajilwa andu kueleshero, kwa kukaia ni vindo vieleshero loli loli.

MITALO 15:24

na ikakaia mookosa izungu jose ja wandu jisemanyire, jichafunya mwanwanjau ukaie kizongona chekora; ni irumba jinukagha nicha kwa BWANA. Chichafunywanya na kizongona cha viro, na cha kunywa, kunughana na malaghiro; sena wichurie fwandi imweri ikaie kizongona kwa wundu ghwa kaung'a.

MITALO 5:5

BWANA ukamzera Musa,

MITALO 5:8

Ela ngera uo mundu wafue, na mkichuku ungi wake wa kaavui ndeuko udimagha kunekwa agho malipo, ghichaghenjwa kwa BWANA kwa wundu ghwa mkohani chiaimweri na bauru ya wupatanisho.

WUKUMBUSO 12:26

Ela kukakafunya vilambo vose vieleshero, na malipo ghako gha ighemi, kughighenje andu kotasira kusaghulo ni BWANA;

1 SAMUELI 6:3

“Mkakawunja ihi Sanduku ya Mlungu wa Israeli mseiwunje duu, ela kwa ivo vose mumghenjere na mafunyo gha kizongona kwa wundu ghwa kaung'a; niko mchaboa na kumanya sababu ra BWANA kumkaba huwo.”