WALAWI 4:29 - Biblia Ilagho Jiboie Kwa Wandu Wose

²⁹ Nao uchawikiria mkonu ghwake aighu ya chongo cha iyo mburi ya kizongona kwa wundu ghwa kaung'a, na kuibwaghia andu vizongona vekora vibwaghilwagha.

WALAWI 4:29 Խաչաձեւ Հղումներ

2 WAZURI 12:16

Mafunyo gherefunyiroghe kwa wundu ghwa mawiwi na kaung'a, ndegherengiriloghe andenyi ya nyumba ya BWANA, ela gherekoghe ni mafungu gha Wakohani.

2 MALAGHO GHA NGELO 29:23

Niko fwandi ra kizongona kwa wundu ghwa kaung'a rikaredwa kwa mzuri na ikwanyiko ja wandu; wikawikiria mikonu yawo aighu yaro.

WALAWI 1:11

Uchaibwaghia chia ya kaskazinyi ya iyo madhabahu imbiri ya BWANA, na wakohani, awo wana wa Haruni wichaimichira iyo madhabahu bagha chia rose.

WALAWI 1:4

Uo mundu uchawika mkonu ghwake aighu ya chongo cha ija njau ya kizongona chekora, nayo icharumirilwa ikaie kizongona cheinja kaung'a rake.

WALAWI 1:5

Nao uchaibwagha iyo njau imbiri ya BWANA, na wana wa Haruni, awo wakohani wichafunya iyo bagha, na kuimichira madhabahu chia rose aho mnyangonyi ghwa Hema ekwania.

WALAWI 4:15

na waghosi wa wandu wichawikiria mikonu yawo aighu ya chongo cha ija njau imbiri ya BWANA, nayo ichabwaghwa.

WALAWI 4:24

nao uchawikiria mkonu ghwake aighu ya iyo fwandi, na kuibwagha imbiri ya BWANA andu aho vizongona vekorwa vibwaghilwaghwa. Ni kizongona kwa wundu ghwa kaung'a.

WALAWI 4:33

nao uchawikiria mkonu ghwake aighu ya chongo cha uo mwana wa ng'ondi wa kizongona kwa wundu ghwa kaung'a, na kum'bwagha andu aho wibwaghiagha vizongona vekora.

WALAWI 4:4

Uchaireda iyo njau imbiri ya BWANA mnyangonyi ghwa Hema ekwania, na kuwikiria mkonu ghwake aighu ya chongo cha iyo njau; niko uchaibwagha imbiri ya BWANA.