WALAWI 4:15 - Biblia Ilagho Jiboie Kwa Wandu Wose

¹⁵ na waghosi wa wandu wichawikiria mikonu yawo aighu ya chongo cha ija njau imbiri ya BWANA, nayo ichabwaghwa.

WALAWI 4:15 Խաչաձեւ Հղումներ

2 MALAGHO GHA NGELO 29:23

Niko fwandi ra kizongona kwa wundu ghwa kaung'a rikaredwa kwa mzuri na ikwanyiko ja wandu; wikawikiria mikonu yawo aighu yaro.

KUFUMA 24:1

BWANA ukamzera Musa, “Joka mghondinyi aha kwapo, oho na Haruni, Nadabu, Abihu, na vilongozi va Waisraeli mirongo mfungade; nenyo mkaie kakula koni, na kutasa.

KUFUMA 24:9

Niko Musa, Haruni, Nadabu, Abihu, na vilongozi va Waisraeli, wandu mirongo mfungade wikajoka koighu mghondinyi;

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 1:4

Uo mundu uchawika mkonu ghwake aighu ya chongo cha ija njau ya kizongona chekora, nayo icharumirilwa ikaie kizongona cheinja kaung'a rake.

WALAWI 16:21

nao uchawikiria mikonu yake aighu ya chongo cha ija mburi, na kurumiria mawiwi ghose gha wandu wa Israeli, na makosa ghawo ghose na kaung'a rawo rose. Na kwa chia iyo, uchawikiria iro kaung'a aighu ya chongo cha ija mburi, na kuighenja noko cha kireti kwa mkonu ghwa mndumu wasaghulwa, nao uchailekeria noko cha kireti.

WALAWI 4:16

Niko Mkohani M'baa uchawada imu ya bagha ya iyo njau na kuidwa nokondenyi cha Hemenyi ekwania;

WALAWI 4:4

Uchaireda iyo njau imbiri ya BWANA mnyangonyi ghwa Hema ekwania, na kuwikiria mkonu ghwake aighu ya chongo cha iyo njau; niko uchaibwagha imbiri ya BWANA.

WALAWI 8:14

Niko Musa ukareda njau ikaie kizongona kwa wundu ghwa kaung'a, na Haruni na wana wake wikawikiria mikonu yawo aighu ya chongo cha ija njau ya kizongona kwa wundu ghwa kaung'a.

WALAWI 8:18

Niko ukareda bauru kwa wundu ghwa kizongona chekora, Haruni na wana wake wikawikiria mikonu yawo aighu ya chongo cha bauru.

WALAWI 8:22

Niko Musa ukaireda bauru ya kawi, iyo ewika wakohani wakfu; na Haruni na wana wake wikawikiria mikonu yawo aighu ya chongo cha iyo bauru.

MITALO 11:16

Niko BWANA ukamzera Musa, “Nikwanyire waghosi mirongo mfungade wa Israeli, awo kuwiichi kukaia ni waghosi na wabaa wawo, nao kuwirede Hemenyi ekwania, nawo wikaie kimusi aho chiaimweri na oho.

MITALO 11:25

Niko BWANA ukasea andenyi ya iwingu ukaghora na Musa, nao ukawada ifungu ja roho erekoghe na Musa, ukajiwika aighu ya awo waghosi mirongo mfungade; hata iji iyo roho yawiseria, wikafunya wulodi. Ela ndewichebonya huwo sena anduangi.

MITALO 8:10

Hata iji kwawiwika Walawi imbiri ya BWANA, wandu wa Israeli wichawiwikiria mikonu;

MITALO 8:12

Niko Walawi wichawikiria mikonu yawo aighu ya vongo va iro njau, na oho kuchafunya imu ikaie kizongona kwa wundu ghwa kaung'a, na imu ikaie kizongona chekora kwa BWANA, na kubonya wupatanisho kwa wundu gha Walawi.