WALAWI 26:44 - Biblia Ilagho Jiboie Kwa Wandu Wose

⁴⁴ Elaima kwa agho ghose, ngelo wikikaia isanga ja wamaiza wawo, sichaawisigha putu hata kuvikia kuwinona anduangi, hata sichaajiinja ilaghano japo nerejibonyereghe nawo, angu Ini ne BWANA Mlungu wawo.

WALAWI 26:44 Խաչաձեւ Հղումներ

KUZOYA 17:7

Nani nichajimangisha ilaghano japo aghadi yapo na oho, jikaie ilaghano ja kala na kala kwa kivalwa chako chose chichagha, kivalwa hata kivalwa, angu nichakaia Mlungu kwako na kwawo wose wori.

2 WAZURI 13:23

Ela BWANA ukakaia na wughoma aighu ya wandu wake, ukaghaluka uwitesie kwa wundu ghwa ijo ilaghano orejibonyereghe na Abrahamu, Isaaka, na Jakobo; ndewerewitoteshereghe hata nderewisighieghe jingi.

NEHEMIA 9:17

Wereleghieghe kusikira; wikaliwa agho ghose kuwibonyere; wikaliwa awo weke mwakilimbiti korewibonyereghe; wikakusaghuya kilongozi owiwunja Misri kwa lukaso lwawo, wipate kuwuya wuzumbenyi. Ela oho ko Mlungu wa wughoma, kuchuagha mvono na lukundo, kusebonyagha machu shwa-shwa. Wughoma ghwako ni m'baa, hata ndekorewileghieghe anduangi.

NEHEMIA 9:31

Ela sena, kwa kukaia wughoma ghwako ghuko m'baa, ndekorewileghieghe hata kuwitotesha; oho ko Mlungu wa mvono na wa wughoma mungi.

ZABURI 103:13

Sa iji koni ndee wana uwiwoniagha wana wake wughoma, niko koni BWANA uwiwoniagha wughoma awo wimuobuagha.

ZABURI 89:33

Ela sichaaleka kumkunda Daudi, hata sichaasigha kukaia mloli kwake.

ZABURI 94:14

BWANA ndechaawisigha wandu wake, hata ndechaada ifwa jake anduangi.

JEREMIA 14:21

Kwa wundu ghwa irina jako, kusakedimenya; kusakechisowia ishima kifumbi chako cha nguma, kumbuka ilaghano jako korebonyereghe nesi ee BWANA, kusakejichikanya.

JEREMIA 24:5

“BWANA, uo Mlungu wa Israeli waghamba huwu, Nichawitala wandu wa Juda awo niwibonyere widwalo wunyika cha isanga ja Wakaldayo, kukaia waboie kara kara na iri tini riboie.

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

JEREMIA 33:26

aho niko nichaalegha kivalwa cha Jakobo, na mdumiki wapo Daudi, nani sichaamsaghua ungi wa kivalwa chake ubonye nguma aighu ya kivalwa cha Abrahamu, Isaaka na Jakobo. Angu nichawifuya wughoma na kuwiwunja andu kwawo.”

EZEKIELI 16:60

elaima nichajikumbuka ilaghano japo nerejibonyereghe na oho ngelo ya wanake ghwako; nani nichajimangisha jiwuye ilaghano ja kala na kala.

WALAWI 26:11

Nichakaia aghadi konyu, hata sichazamilwa ni inyo anduangi.

WAROMA 11:2

Mlungu ndewileghie wandu wake awo orewimanyireghe kufuma imbiri. Wele ndemmanyire agho ghighorelo ni Maandiko aighu ya Elija seji orekoghe ukimvoya Mlungu aighu ya Israeli ukighamba,

WAROMA 11:26

kwa huwu Waisraeli wose wichakia, sa iji iandikilo, “Mkiri uchacha kufuma Sioni nao uchaghuinja wuwiwi ghwa Jakobo

WATANYI 2:1

Malaika wa BWANA ukafuma Gilgali ukaghenda Bokimu na kuwizera Waisraeli, “Neremfunyireghe Misri na kumreda ijo isanga nerewilaghirieghe weke wawa wenyu ngighema, ‘Jingi sichaajichikanya ilaghano japo nenyo.