WALAWI 26:26 - Biblia Ilagho Jiboie Kwa Wandu Wose

²⁶ Nichapunguza vindo venyu, hata ikaie waka ikumi wioche mkate ghonyu andenyi ya iriko jimweri; wichaghuwagha ugho mkate, nenyo mchaghuja na kulemwa ni kughuda.

WALAWI 26:26 Խաչաձեւ Հղումներ

2 WAZURI 6:25

Njala mbaa ikabuka muzi ghwa Samaria, kwa kukaia Wasiria wereghurughaieghe ugho muzi hata chongo cha punda chikauzwa kwa bei ya vibelele mirongo wunyanya va feza, na gramu maghana awi ra mavi gha mbughi rikauzwa kwa bei ya vibelele visanu va feza.

ZABURI 105:16

BWANA ukareda njala isangenyi kwawo; ikameria vindo vose.

ISAYA 3:1

Olenyi Bwana, uo BWANA wa majeshi, uchainja kula kilambo chisuwirilwagha ni wadamu, kufuma Jerusalemu na kufuma Juda; ikaiagha ni vindo, ikaiagha ni machi.

ISAYA 5:10

Kwa kukaia hekta ikumi ra mbuwa ya mizabibu, ichava lita wunyanya ra divei; na lita ighana na mirongo wunyanya ra mbeu, richava lita ikumi na wunyanya ra viro.”

ISAYA 9:19

BWANA wajikora isanga kwa wundu ghwa machu ghake, na wandu wakaia sa mbande, hata ndekuwadie mndungi ummboniagha mruna wughoma anduangi.

ISAYA 9:20

Wandu wakukwanyira vindo andu kose isangenyi, na kuja icho chose wichiwonagha, ela wasigharika wiko njala wokoni; hata wiaja wana wawo weni.

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

EZEKIELI 14:13

“Mwana wa mdamu, isanga jikanibonyera kaung'a na kulemwa ni kukaia mloli kwapo, nao nighoruo mkonu ghwapo kuwiima vindo, na kureda njala aighu ya isanga, na kubwagha wandu na nyamandu.

EZEKIELI 4:10

Ivo vindo kuchaakaia kukija vichakaia vikipimwa gramu maghana awi na mirongo idadu kwa ituku. Kuchakaia kukija indo jimweri kwa ituku.

EZEKIELI 4:16

Ukachuria kughamba, “Mwana wa mdamu, ola nichapunguza mkate andenyi ya muzi ghwa Jerusalemu, nawo wichakaia wikija mkate kwa kipimo, sena wikilindia; nawo wichakaia wikinywa machi kwa kipimo wikakambwa ni chongo.

EZEKIELI 4:17

Nichabonya huwo eri wipungukilo ni mkate na machi; wichazighanana wikishinika, nawo wichadaruma kwa wundu ghwa ikabo jawo.

EZEKIELI 5:16

Nichakuredia njala ikaie sa mawanu ghapo ghekubwagha na kukunona, iyo nichaaireda ekunona oho. Nichachuria kureda njala aighu yako, na kuinja vindo vako.

HOSEA 4:10

Mchaja ifungu jenyu ja vizongona, ela ndemchaaghuda. Mchalala na waka wengi, ela ndemchaakaia na wana, kwa kukaia mwaghulukie mkanilegha ini BWANA, mkanugha milungu mizima.”

WALAWI 26:27

“Mkachuria kunimenya na kulegha kunisikira,

MIKA 6:14

Kuchaja, ela ndekuchaaghuda; kuchasigharika na njala yako wokoni. Kuchaduka vilambo, ela ndevichaawikika; na icho chose kuchachiwika akiba, nichachinona na wuda.

HAGAI 1:6

Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.