WALAWI 26:13 - Biblia Ilagho Jiboie Kwa Wandu Wose

¹³ Ini ne BWANA Mlungu onyu, uo oremfunyireghe kufuma isanga ja Misri, eri msekaie wazumba wawo. Namerie kudumbua vifungo va ghongolo renyu, na kum'bonya mghende mghorokie.

WALAWI 26:13 Խաչաձեւ Հղումներ

ZABURI 116:16

Ee BWANA ne mdumiki wako; ne mdumiki naawuyakudumikia sa iji koni orekoghe ukibonya. Kwanikirie kifonyi.

KUFUMA 14:8

BWANA ukaikurisha ngolo ya Farao mzuri wa Misri, nao ukawinugha Waisraeli ngelo werekoghe wikighenda kwa wuing'oni.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

ISAYA 51:23

Nichawineka awo werekutiriragha icho kikombe, awo wikuzerie, ‘Ghomeka diwoneida naighu yako;’ mghongo ghwako ghukawuya sa ndoe, kara kara na chia yawo eidiria!”

ISAYA 9:3

Oho kwamerie kuichuria iyo mbari ya wandu, na kuchuria kuboilwa kwawo, wawuyaboilwa imbiri kwako seji wakuwidi viro wiboilwagha; seji wandu wiboilwagha wikiwagha vilambo viwadilo wunyika.

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 28:2

BWANA wa majeshi, uo Mlungu wa Israeli waghambie huwu, “Namerie kuchikanya ghongolo ya mzuri wa Babuloni.

JEREMIA 28:4

Sena nichammbunja Jekonia mwana wa Jehoiakimu mzuri wa Juda, na wandu wose wa Juda weredwaloghe wunyika cha Babuloni; kwa kukaia nichaichikanya ghongolo ya mzuri wa Babuloni.”

EZEKIELI 30:18

Kira chichawiseria wandu wa Tapenesi, ingelo nichaainja nguma ra Misri, na kukukasa kwake kubaa kuchasia; uchafinikirwa ni iwingu, na wandu wake wichadwalwa wunyika.

EZEKIELI 34:27

Na midi ya mbuwenyi ichava matunda gharo, na mavalo gha ndoenyi ghichachurikia; richakaia banana isangenyi, naro richamanya kukaia ini ne BWANA, ingelo nichaiinja ghongolo ifume singonyi kwawo, na kurikira kufuma mikonunyi kwa awo wereribonyereghe wazumba.

HOSEA 11:4

Nerewirudieghe cha kwapo kwa wughoma, ngawimaziria kwa lukundo; ngakaia kwawo sa mundu ufunguagha ghongolo kufuma singonyi kwawo, ngaghomeka nipate kuwijisha.

WALAWI 25:38

Ini ne BWANA Mlungu wako, uo ukufunyire isanga ja Misri, upate kukuneka isanga ja Kanaani, nao moni ukaie Mlungu wako.

WALAWI 25:42

Wandu wa Israeli ni wadumiki wapo niwifunyire isanga ja Misri; ndewichauzwa jingi wikaie wazumba.

WALAWI 25:55

Kwa kukaia wandu wa Israeli ni wadumiki wa BWANA orewifunyireghe isanga ja Misri; uo ni BWANA Mlungu wako.”

NAHUMU 1:13

Nichawimeria Wasiria, na kuiinja minyororo erekufungieghe.”