WALAWI 22:23 - Biblia Ilagho Jiboie Kwa Wandu Wose

²³ Kukamfunyira BWANA inosi ja njau angu mwana wa ng'ondi uvalo kisaya, jicharumirilwa, ela ndejichaarumirilwa jikaie kizongona kwa wundu ghokatisha ighemi anduangi.

WALAWI 22:23 Խաչաձեւ Հղումներ

KUFUMA 35:29

Wandu wose wa Israeli waka na womi, awo ngolo rawo rerenyavurishiroghe wipate kumfunyira BWANA, seji Musa orelaghiriloghe ni BWANA; wikafunya mafunyo ghawo kwa ngolo cha kwa BWANA.

WALAWI 21:18

Kwa kukaia ndekuwadie mndungi uko na itiko uchaanisoghodera kunifunyira kizongona. Mndungi uko kitungure, mtighini, mkelemeri angu uvalo kisaya;

WALAWI 22:22

Msemfunyire BWANA nyamandu rifue meso, angu ritighinagha, angu rikelemere, angu rifumwaghwa ni wufia na kukusuwa. Nyamandu rifwane huwo msenifunyire, hata mserikore aighu ya madhabahu, rikaie kizongona kwapo.

WALAWI 22:24

Nyamandu yashoghonoka makende ghake, ikaiagha ghaabarika, kurashuka angu kudumbuka, kuseifunye wei ikaie kizongona kwa BWANA isangenyi kwako; kwa kukaia ndechichaarumirilwa ni BWANA.

MALAKI 1:8

Welee, iji munifunyiragha nyamandu rifue meso, angu mkongo, angu wakelemeri, rikaie kizongona, ugho si wuwiwi? Oke funya iyo nyamandu kwa m'baa wako wa isanga ngera uirumiria na kuboilwa ni oho?”

WUKUMBUSO 15:21

Ela awo wavalwa wa imbiri, ungi ukakaia na itiko jingi, ngera ookelemia angu kufwa meso, angu itiko jingi ijo jose jizamie, kusemfunye kizongona kwa BWANA Mlungu wako.

WUKUMBUSO 17:1

“Msemfunyire BWANA Mlungu onyu vizongona va ng'ombe angu ng'ondi viko na itiko jingi ijo jose; ilagho ijo jadamzamia BWANA Mlungu onyu.