WALAWI 21:6 - Biblia Ilagho Jiboie Kwa Wandu Wose

⁶ Wakohani wichakaia waeli kwa Mlungu wawo; kwa kukaia awo wafunyagha vizongona vekora na mkate kwa Mlungu wawo, kwa huwo suti wikaie waeli.

WALAWI 21:6 Խաչաձեւ Հղումներ

EZRA 8:28

Niko ngawizera, “Inyo mwaelie kwa wundu ghwa BWANA, na vombo mfunyire kwa Mlungu na weke ndeyo va feza na dhahabu, vaelie.

KUFUMA 19:22

Hata wakohani awa wichagha kaavui nani, suti wikueleshe, kuseko huwo, nichawikaba.”

KUFUMA 28:36

“Kubonye kibau cha dhahabu ielie, nao kuchikote mbari ra dhahabu sa muhuri riandikilo ‘MWELI KWA BWANA.’

KUFUMA 29:44

Nichaielesha Hema na madhabahu, nani nichawiwika Haruni na wana wake wikaie wadumiki wapo kwa wukohani.

ISAYA 52:11

Fumenyi, mfume Babuloni mghende noko, mseadade kindo chingi chiseelie; fumenyi aghadi kwake mkueleshe mmbeni; inyo mmbose muvidwagha vilambo va BWANA.

EZEKIELI 44:7

Wawuyarumiria wandu wa kighenyi wiseshamishiro, hata wisenisikiragha, kungia andenyi ya Hekalu yapo na kuilusha, ingelo munifunyiragha vindo vapo, mavuda na bagha. Aho mwajichikanyire ilaghano japo, mkichuria ugho wuchafu ghonyu ghose.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

WALAWI 18:21

Kusefunye mwana ungi wako kukorwa kizongona kwa mlungu Moleki na kujilusha irina ja Mlungu wako; Ini ne BWANA.

WALAWI 19:12

Kusakeghema kwa irina japo kwa tee, kuchejilusha; ini ne BWANA Mungu wako.

WALAWI 20:3

Ini moni nichalwa na uo mundu, nao uchatanywa na wandu wapo, angu waneka mlungu Moleki wana wake, na kuinona Hema ya Wueli na irina japo ja Wueli.

WALAWI 21:17

“Mzere Haruni huwu, Mndungi wa kichuku chako, kivalwa chako chose, uvalo na itiko mumbinyi kwake, usesoghode kufunya kizongona cha vindo kwapo. Ugho ni momu ghwa matuku ghose.

WALAWI 21:21

Mndungi wa kivalwa cha Haruni ukakaia na itiko jingi ja mumbinyi sa agho, usesoghode kaavui na BWANA kufunya vizongona vekora; kwa wundu ghwa ijo itiko useche kufunya kizongona cha vindo kwa Mlungu wake.

WALAWI 21:23

Kwa wundu ghwa uo kukaia na itiko mumbinyi kwake, ndechaasoghoda kaavui na pazia ya wueli angu madhabahu, usechelusha ivo vilambo, angu Ini ne BWANA ueleshagha ivo vilambo.”

WALAWI 21:8

Wandu wimtale mkohani kukaia mweli kwa kukaia wafunyagha mafunyo gha vindo kwa Mlungu. Ini ne BWANA, Ini ne Mweli; nani nadabonya wandu wapo wikaie waeli.

WALAWI 3:11

Na mkohani uchavikora aighu ya madhabahu vikaie vindo vifunyiro kukaia kizongona chekora kwa BWANA.

MITALO 16:5

ukamzera Kora na wandu wake, “Kesho BWANA uchawonyera u mundu uko wake, nao nani uelie; na uo mundu umsaghuagha ucham'bonya usoghode kaavui nao.

MITALO 28:2

uwifundishe wandu wa Israeli kukaia mafunyo wimfunyiragha Mlungu kwa ngelo raro vikaie viboie vinukie nicha.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.