WALAWI 21:5 - Biblia Ilagho Jiboie Kwa Wandu Wose

⁵ “Mkohani ungi usedumbuo iridia jake, hata sombe rake, angu kukudema-dema mumbi ghwake kwa kuwonyera wei oko na wasi ghofuilwa.

WALAWI 21:5 Խաչաձեւ Հղումներ

ISAYA 15:2

Wandu wa muzi ghwa Diboni, wajoka cha mghondinyi andu witasiragha, wipate kulila; wandu wa Moabu wialilia Nebo na Medeba. Wamerie kuara vongo vawo na sombe rawo kwa wasi.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

JEREMIA 16:6

Wandu wabaa na watini wichafwa chiaimweri andenyi ya isanga iji; ndewichaarikwa angu kulililwa ni mndungi; na mndungi ndechaakudema-dema angu kukuara iridia kuwonyera wasi kwa wundu ghwawo anduangi.

JEREMIA 48:37

Wandu wose weeara vongo vawo, na kudumbua sombe rawo; mikonu yawo eechughwa-chughwa, na kula umu wawo waawuyarwa nguwo ya igunia.

EZEKIELI 44:20

“Wakohani wiseare vongo vawo, angu kusigha maridia ghawo ghikaie malacha, ela wichakaia wikighidumbua.

EZEKIELI 5:1

“Na oho ee mwana wa mdamu, wada lufu lukalie, kulutumie sa shembe ya kinyozi, nao kuare iridia jako na sombe rako. Kupime iridia jako na ratili kupate kujiwagha mafungu adadu.

WALAWI 10:6

Musa ukamzera Haruni na wana wake Eleazari na Ithamari, “Msakesigha maridia ghenyu ghiseshanulo, hata msakerashua nguwo renyu kuwonyera wei moko na wasi mchefwa na kuredia izungu iji jose machu gha BWANA; ela wanyinyu icho kinyumba chose cha Israeli, wadima kubonya ifwa kwa wundu ghwa ugho modo ghuredelo ni BWANA ghukabwagha.

WALAWI 21:4

Uo usekulushe kwa mariko gha wandu wiloworane anduangi.

AMOSI 8:10

Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

MIKA 1:16

Inyo wandu wa Juda, arenyi vongo venyu muwililie wana wenyu muwikunde; arenyi vongo venyu mkangaluke sa indu, kwa kukaia wana wenyu wichadwalwa wunyika kufuma konyu.

WUKUMBUSO 14:1

“Inyo mo wandu wa BWANA Mlungu onyu; mkakalila ifwa, msekudeme angu kuara maridia ghenyu sa wandu wazima.