WALAWI 20:2 - Biblia Ilagho Jiboie Kwa Wandu Wose

² “Zera wandu wa Israeli huwu, Mndungi wa wandu wa Israeli, angu mghenyi uko aghadi konyu, ukafunya wana wake kwa mlungu Moleki, uchalaswa na magho ni wandu wa Israeli hata ufo.

WALAWI 20:2 Խաչաձեւ Հղումներ

1 WAZURI 11:7

Solomoni ukaagha aighu mghondinyi mashariki ya Jerusalemu andu kotasira ugho mlungu Kemoshi wuchafu ghwa Wamoabu, na mlungu Moleki wuchafu ghwa Waamoni.

2 WAZURI 17:17

Wikafunya wana wawo wa waka na wa womi kizongona wipate kukorwa; wikakufunya kulaghua na kubonya wusawi; wikakufunya putu kubonya mawiwi imbiri ya BWANA, hata wikam'bonya ujoko ni machu.

2 WAZURI 23:10

Mzuri Josia ukalusha Tofethi wulalo ghotasira milimu, ghuko vololonyi ya wana wa Hinomu, eri mndungi usewuefunya mwana ungi wake kizongona chekora, kwa ghuja mlungu Moleki.

2 MALAGHO GHA NGELO 28:3

Ukafukira marumba vololonyi ya Hinomu, ukafunya wana wake wikaie vizongona vekora, kunughana na tabia ra wandu wa iro mbari BWANA oreriwingieghe imbiri ya wandu wa Israeli.

2 MALAGHO GHA NGELO 33:6

Ukawikora wana wake wikaie kizongona Vololonyi ya Hinomu; ukalaghua, ukanugha mizwana, ukabonya wusawi, na kunugha maza ra pepo retambua maza. Ukabonya mawiwi loli loli imbiri ya BWANA, na kum'bonya ujoko ni machu.

ZABURI 106:38

Wikabwagha wana wawo wisewadie ikosa jingi; wikawifunya wana wawo vizongona kwa milimu ya Kanaani, ndoe ikalushwa ni uko kubwagha.

JEREMIA 32:35

Waaghie andu kotasa kwa wundu ghwa Baali andenyi ya vololo ya Hinomu, wipate kufunya wana wawo wa womi na wa waka kwa ghuja mlungu Moleki; hata ngera saki serewilaghirieghe huwo, na ilagho ijo jingi jisengia andenyi ya akili rapo, wei wibonye ugho wuchafu na kuwishekeria Juda kungia kaung'enyi.”

JEREMIA 7:31

Waaghie madhabahu Tofethi andenyi ya Vololo ya Hinomu eri wipate kukora wana wawo wa womi na wa waka modonyi kwa kuwifunya kizongona; ilagho niserewilaghirieghe, hata jingi jisengia andenyi ya maghesho ghapo.

EZEKIELI 20:26

ngawisigha wikulushe weni kwa kutumia manosi ghawo gheni wighifunyire, ngawibonya wifunye wavalwa wawo wa imbiri kizongona chekora, eri niwioboshe. Nerebonyereghe huwo eri wimanye kukaia ini ne BWANA.

EZEKIELI 20:31

Iji mwaifunyira milimu manosi, na kuwifunya wana wenyu wa womi wikaie vizongona vekora, mwaawuyakulusha mmbeni hata linu. Welee, nadima kurumiria kuchalombwa ni inyo, ee wandu wa Israeli? Sa iji nikaiagha moyo, ini Bwana MLUNGU naghamba, sichaarumiria kulombwa ni inyo.

EZEKIELI 23:37

Wabonyere wulaki na kubwagha; watasire milimu yawo, na kuifunyira vizongona va wana wawo winivaie.

EZEKIELI 23:39

Iji werewifunyagha wana wawo wibwagho kizongona kwa milimu, wedewifunya ngelo ija cheni werengirieghe Andu kwapo kwa Wueli wipate kukulusha. Huwo niko werebonyereghe andenyi ya Hekalu yapo.

WALAWI 17:13

“Huwo koni mndungi wa wandu wa Israeli angu mghenyi uko aghadi kwawo, ukabwagha nyamandu angu nyonyi eja, suti udie bagha yake yose, sena iyo bagha uidunge ndoe.

WALAWI 17:15

Na uo ose uchaaja nyamandu ifue cheni, angu ibwaghilo ni mmbao, ukaiagha ni muisanga angu mghenyi wawuyakaia aghadi konyu, uchaoghosha nguwo rake, na kukuoghosha uo moni na machi; sena uchakaia useelie hata luma lwa kenyi.

WALAWI 17:8

“Kuchawilaghira kukaia, mndungi wa wandu Israeli, angu mghenyi uko aghadi kwawo, ukafunya kizongona chekora, angu kizongona chingi kizima,

WALAWI 18:21

Kusefunye mwana ungi wako kukorwa kizongona kwa mlungu Moleki na kujilusha irina ja Mlungu wako; Ini ne BWANA.

WALAWI 20:1

BWANA ukamzera Musa,

WALAWI 20:27

“Mndungi wa womi angu wa waka, ukakaia mlaghui olola njama kwa roho ra wandu wifue, angu ukakaia msawi, wichabwaghwa kwa kulaswa na magho, weekushekeria kufwa weni.”

WALAWI 24:14

“Mredenyi uo mundu ujisholie irina japo shighadi ya kambi, chia imweri na waja wandu weremsikireghe ukijisholia, wipate kuwikiria mikonu yawo aighu ya chongo chake kumshuhudia kukaia ni mkosi; na izungu jose jimlase na magho hata ufo.

WALAWI 24:16

Uo ose uchaajisholia irina ja BWANA, uchabwaghwa kwa kulaswa na magho ni izungu jose, ukaiagha mghenyi angu muisanga; ukekola wamsholia Mlungu, uchabwaghwa.

WALAWI 24:23

Nyuma ya Musa kughora huwo, wandu wa Israeli wikamreda uja mundu oremsholieghe BWANA shighadi ya kambi, na kumlasa na magho hata ukafwa. Huwo wandu wa Israeli wikabonya sa iji koni BWANA oremlaghirieghe Musa.

MABONYO GHA WADUMI 7:43

Inyo modeeka mkiduka hema ya mlungu ghwa Moloku na Refani mlungu onyu wa fwana ya nyerinyeri; fwana muribonyere mpate kuritasa. Olenyi nicham'barisha mwende kula kuchumba Babuloni.’

WUKUMBUSO 12:31

Msebonye huwo kwa BWANA Mlungu onyu; kwa kukaia iro maza rose rimzamiagha BWANA Mlungu wako, niro reni wiribonyeragha milungu yawo; hata wadaifunyira wana wawo wa womi na wa waka kizongona kwa kuwikora modonyi.

WUKUMBUSO 17:2

“Mndungi ukawoneka aghadi konyu ubonyagha mawiwi imbiri ya BWANA Mlungu onyu kwa kunona ilaghano jake andenyi ya imu ya mizi yenyu iyo BWANA Mlungu umnekagha, ukaiagha wa womi angu wa waka,

WUKUMBUSO 18:10

Mndungi onyu usewoneke ukimfunya mwana wake wa womi angu wa waka kizongona kwa kumuisa aghadi ya modo, angu mndungi ulaghuagha,

WUKUMBUSO 21:21

Niko wandu wose wa muzi wichamlasa na magho hata ufo. Kwa chia iyo kuchainja wuwiwi aghadi kwako, na Israeli yose ichasikira na kuobua.

WUKUMBUSO 22:21

wichamfunya uo mwai mnyangonyi ghwa nyumba ya ndee, na wandu wa muzi ghwa kwawo wichamlasa na magho hata ufo; kwa kukaia wabonyere wukelu andenyi ya Israeli kwa kubonya wumalaya uko nyumbenyi kwa ndee. Na kwa iyo chia, mchainja ugho wuwiwi aghadi konyu.