WALAWI 2:2 - Biblia Ilagho Jiboie Kwa Wandu Wose

² ima ughurede kwa wakohani, wana wa Haruni. Niko mkohani uchabegha ngonde ichue ya ugho mufu ghudendere na mavuda, chiaimweri na vilungo varo vose; nao uchaghukora sa ifungu jekumbuka kukaia mufu ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WALAWI 2:2 Խաչաձեւ Հղումներ

NEHEMIA 13:14

Kunikumbuke ee Mlungu wapo, aighu ya maza iri kughitale mabonyo ghapo mecha nighibonyere kwa wundu ghwa Hekalu ya Mlungu wapo na kwa wundu ghwa wutasi ghwako.

NEHEMIA 13:22

Ngawilaghira Walawi wikueleshe weni, wichelindia mbenge, wipate kukaia na loli ituku ja Sabato jawikwa jielie. Kunikumbuke kwa wundu ghwa agha wori ee Mlungu wapo, na kuniwika nicha karakara na wubaa ghwa lukundo lwako lukatie.

KUFUMA 30:16

Kutumbanye pesa iri kufuma kwa wandu, kupate kuboisa naro Hema Ekwania; sena niwikumbukeghe wandu wa Israeli, nipate kulindia marangi ghawo.”

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

WALAWI 1:13

Uja mundu wafunya icho kizongona uchaoghosha na mkohani uchavifunya vose kwa BWANA na kuvikora aighu ya madhabahu, vikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:17

Uchaibara mawawenyi, ela ndechaitanya putu; na mkohani uchaikora yose aighu ya madhabahu, ikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:9

Uja mundu wafuya icho kizongona uchaoghosha mawula na vindo vose va ndenyi na maghu gharo, na mkohani uchavikora vose madhabahunyi, vikaie kizongona chekora; irumba ja vindo ivo jamnukiagha BWANA nicha nandighi.

WALAWI 2:16

na mkohani uchawusa ifungu itini ja viro viwishi vichanilo na mavuda na vilungo varo, uvikore sa ifungu jekumbuka kukaia viro vose vamerie kukorwa aighu ya madhabahu vikaie kizongona chekora kwa BWANA.

WALAWI 2:9

Na uo mkohani uchawusa katini ka ijo ifunyo ja viro, na kukora sa ifungu jekumbuka kukaia mkate ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WALAWI 24:7

Nao kungire marumba ghiboie kula luzaria lwa mikate, ghipate kukaia lukumbuso kwa wundu ghwa kizongona cha vindo chafunywa kwa BWANA.

WALAWI 4:31

Nao uchainja mavuda ghake ghose, sa iji koni mavuda ghiinjwagha kufuma kwa vizongona va mapatano; na kughikora aighu ya madhabahu ghikaie marumba mecha kwa BWANA. Kwa chia ihi, mkohani uchabonya mapatano kwa wundu ghwa kaung'a ra uo mundu, nao uchafuilwa wughoma.

WALAWI 5:11

“Na ikakaia ndedimagha kupata mbughi iwi angu maringo awi, niko uchafunya kilo imweri ya mufu ghudendere kwa wundu ghwa iyo kaung'a uibonyere, usedunge mavuda ghangi angu vilungo; kwa kukaia ni ifunyo kwa wundu ghwa kaung'a.

WALAWI 5:12

Nao uchaghureda kwa mkohani, ughubeghe ngonde ichue, ghukaie sa ifungu jekumbuka kukaia ghwaafunywa kwa BWANA; nao uchaghukora aighu ya vizongona madhabahunyi; ni kizongona cha vindo kwa wundu ghwa kaung'a.

WALAWI 6:15

Umu wawo uchabegha ngonde ichue ya mufu ghudendere ghwa kizongona cha viro, chiaimweri na mavuda gharo na vilungo vose viko aighu ya kizongona cha viro, nao uvikore vikaie lukumbuso kukaia vaafunywa kwa BWANA, ni irumba icha kwa BWANA.

MITALO 5:18

Niko uo mkohani uchajifungua iridia ja uo muka, nyuma ya kummbika imbiri ya BWANA; na kuwika icho kizongona cha viro mkonunyi kwake, kwa wundu ghofunukua maghesho ghisene wuloli; mkohani ukiwadia agho machi ghiwawie ghereda njowe.

MITALO 5:26

Na uo mkohani uchabegha ngonde ichue ya icho kizongona cha viro na kuchikora aighu ya madhabahu; konyuma umnyoshe uo muka agho machi.

MABONYO GHA WADUMI 10:4

Nao ukamkuya meso ukiobua na kughamba, “Ni wada Bwana?” Ukamzera, “Malombi ghako na makuwio ghako ghajoka na kukaia lukumbuso imbiri ya Mlungu.