WALAWI 19:16 - Biblia Ilagho Jiboie Kwa Wandu Wose

¹⁶ Kusekaie mundu wa ighu ighu kwa madedo ghako sa mghori tee aghadi ya wandu wako, hata kusetangale hachi ya mmbenyu ngelo etanywa kufwa; ini ne BWANA.

WALAWI 19:16 Խաչաձեւ Հղումներ

AYUBU 17:5

Mundu uwusagha ituwo kwa kuwifunya waghenyi wake, wana wake wichapata wasi kwa wundu ghwaro.

ZABURI 101:5

Nichamtotesha mundu umdedagha mmbao kivisonyi. Sichaamrumaghia mundu ukudukie, uzighanagha kwa lung'eto.

ZABURI 15:3

Ndezighiriagha angu kumkita mghenyi wake, hata ndemdedagha mmbao ungi anduangi.

ZABURI 50:20

Kwadamdeda mwanyinyu, na kumdungia mwanyinyu wa mayo tee.

KUFUMA 20:16

“Kusakemzighiria mmbenyu kwa tee.

KUFUMA 23:1

“Kuseereshe malagho gha tee, hata kusemtesie mundu mmbiwi kwa kufunya wushuhuda ghwa tee.

KUFUMA 23:7

Kusakereda mashitakio gha tee, hata kusemmbwaghe mundu usewadie ikosa angu mhachi; kwa kukaia nichamtanya kula umu ubonyagha wuwiwi ugho.

MAKATANISHO 10:18

Uo uvisagha kuzamilwa kwake ni mtee, na uo ughendagha ukija malagho gha tee ni mkelu.

MAKATANISHO 11:13

Mundu osongoda-songoda ndelindiagha malagho, ela mundu uelelo, wadanyamia malagho.

MAKATANISHO 20:19

Mundu wa malagho mengi wadaghora ngasu; kwa huwo kusakekuranganya na mndungi udedagha wukelu.

JEREMIA 6:28

Wose ni wandu wighilikie wileghagha, wandu wighendanyagha na waghori tee, weeka sa shaba na chuma; na wose wadabonya wuwiwi.

JEREMIA 9:4

Kula mundu ndekulindie na mmbao, na mndungi usekaie na irumirio kwa mruna, kwa kukaia kula mundu mruna ni mkalii, na kula mmbenyu ni mzighirii.

EZEKIELI 22:9

Weko wandu kwako wikufunyire kughora tee kwa kubwagha wandu. Wamu wiaja vizongona vifunyiro kwa milimu a mighondinyi, na kubonya maza ra wulaki aghadi konyu.

MATHAYO 27:4

ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.”

WUKUMBUSO 27:25

“‘Mundu ukatuwa uendebwagha mundu usene ikosa jingi, uwado ni njowe.’ Na wandu wose widikie, ‘Amen.’

1 TIMOTHEO 3:11

Waka wori suti wikaie wa loli, wisekaie wezighiria, ela wikaie wikumaziragha weni, wiko waloli kwa maza rose.

2 TIMOTHEO 3:3

wisene wughoma; wichakaia wa machu, wizighiriagha, walaki, wibirie, wizamilwagha ni nicha,

TITO 2:3

Kuwilaghire wakeku wokoni wikaie na tabia ra ishima; wisakekaia wazighirii, angu wazumba wa chofi. Wifundishe agho ghiko mecha,

1 PETRO 2:1

Kwa wundu ugho, injenyi na mbai wuwiwi ghose, wukalo ghose, kusowa wuloli, iriso, na kuzighiria kose.

1 SAMUELI 24:10

Ola idime iji kwawona kumoni na meso ghako seji BWANA ukungirieghe mikonunyi kwapo aja mbangenyi; hata wandu wamu wikanilomba wei nikubwaghe, ela ngalegha kukubwagha ngighamba, ‘Sidimagha kuwusira mkonu ghwapo aighu ya bwana wapo, angu uo ni mshingwa mavuda wa BWANA.’