WALAWI 18:30 - Biblia Ilagho Jiboie Kwa Wandu Wose

³⁰ Kwa huwo, mmbwadie malaghiro ghapo hata na jingi msakenugha tabia mbiwi ra wandu werekoghe imbiri yenyu; jingi msekulushe kwa iro tabia, Ini ne BWANA Mlungu onyu.”

WALAWI 18:30 Խաչաձեւ Հղումներ

1 WAZURI 14:24

Ahoeni korekoghe na malaya gha womi na gha waka isangenyi. Wandu wa Juda wikabonya wuchafu ghose ghorebonywagha ni iro mbari zima BWANA oreriwingieghe imbiri ya wandu wa Israeli.

1 WAZURI 21:26

Orebonyereghe wuwiwi ghuzamie ghotasa milimu sa Waamori, awo BWANA orewiwingieghe imbiri ya wandu wa Israeli.)

EZRA 9:1

Nyuma ya maza iri rose kubonywa, vilongozi vimu va wandu wa Israeli wikacha na kunighoria kukaia wandu wa Israeli, wakohani, na Walawi ndewitanyikie na waisanga wiko kaavui na isi awo Waamoni, chiaimweri na maza rawo na Wamoabu, Misri na Wakanaani, Wahiti, Waperizi, Wajebusi na Waamoni. Waawuyabonya maza ireni rizamie rawuyabonywa ni awo wandu.

WALAWI 18:29

Angu uo ose uchaabonya jingi ja agho mawiwi, uchatanywa na wandu wa Mlungu.

WALAWI 19:1

BWANA ukamzera Musa,

WALAWI 20:23

Msakenugha tabia ra wandu nawuayawifunya imbiri konyu angu kwa kubonya agho mawiwi, niko winizamie.

WALAWI 22:9

“Wakohani wose wichawadia malaghiro ghapo, wisechelushwa na kungia kaung'enyi na kufwa kwa wundu ghwa kuleghasikira kwawo; Ini ne BWANA uo uwieleshagha.

WUKUMBUSO 11:1

“Mumkunde BWANA Mlungu onyu, na kuwadia sharia rake rose.

WUKUMBUSO 12:30

mkulindie msewado ni mdegho ghosunga wutasi ghwawo nyuma ya awo kutoteshwa imbiri konyu; hata msekotie malagho gha milungu yawo seji itaswagha, wei na inyo mtase woruwo.

WUKUMBUSO 12:31

Msebonye huwo kwa BWANA Mlungu onyu; kwa kukaia iro maza rose rimzamiagha BWANA Mlungu wako, niro reni wiribonyeragha milungu yawo; hata wadaifunyira wana wawo wa womi na wa waka kizongona kwa kuwikora modonyi.

WATANYI 20:6

Niko ngammbwada na kumdumbua vipande vipande, ngammarisha isanga jose ja ifwa ja Waisraeli, kwa kukaia wabonyere wuwiwi na wuchafu andenyi ya Israeli.