WALAWI 17:4 - Biblia Ilagho Jiboie Kwa Wandu Wose

⁴ kuseko na kuireda mnyangonyi ghwa Hema ekwania, ipate kukaia inosi imbiri ya BWANA, andenyi ya Andu Kokaia kwa BWANA, mundu uo uchatalwa kukaia wadia bagha kwa makosa; nao uchatalwa kukaia mkosi, na kutanywa na wandu wake.

WALAWI 17:4 Խաչաձեւ Հղումներ

KUZOYA 17:14

Mundu wa womi uo ose uchaalegha kushamishwa uchatanywa na wandu wake, angu wajichikanya ilaghano japo.”

ZABURI 32:2

Warasimilwa uo mundu BWANA usemtaliagha kaung'a, uo usewadie wukalo ghungi rohonyi kwake.

KUFUMA 12:15

“Mchaja mikate isewadie chachu kwa matuku mfungade; ituku ja imbiri mchainja chachu putu nyumbenyi konyu; angu mndungi ukaja mkate ghuko na chachu kufuma ituku ja imbiri hata ituku ja mfungade, uchatengwa putu kufuma kwa wandu wa Israeli.

KUFUMA 12:19

Chachu ndeichawoneka nyumbenyi konyu kwa matuku mfungade; angu mndungi ukaja mkate ghwa chachu agho matuku, uchatengwa kufuma kwa ikwanyiko ja Israeli, ukaiagha ni mghenyi angu muisanga.

KUFUMA 30:33

Mndungi ukabonya mavuda ghifwanane na agha, angu kushinga mndungi useko mkohani, uchatengwa putu na wandu wa Israeli.’”

KUFUMA 30:38

Mndungi ukabonya marumba ghetumia kunughana na mfwano ughu, uchainjwa putu kwa wandu wake.”

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

EZEKIELI 20:40

Inyo wandu wose wa Israeli, muchanitasa ini aighu ya mghondi ghwa wueli, ugho mghondi ghwapo mlacha ghwa Israeli, ini Bwana MLUNGU naghamba; nenyo mmbose mchanidumikia isangenyi, na aho nichamrumiria na kukaia tayari kuwusa manosi na mafunyo ghenyu gha wueli msaghue kunineka.

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 17:10

“Mndungi wa nyumba ya Israeli, angu mghenyi uko aghadi konyu, ukaja bagha iyo yose, ini BWANA nichazamilwa ni uo mundu, nani nichamuinja ufume kwa wandu wapo.

WALAWI 17:14

Angu irangi ja kula nyamandu iko moyo jeeka andenyi ya bagha; niko nawizera wandu wa Israeli wiseje bagha ya nyamandu ingi, kwa kukaia irangi ja kula nyamandu jeeka baghenyi, mndungi ukaja bagha uchatanywa na wandu wake.

WALAWI 17:3

Mndungi wa wandu wa Israeli, ukabwagha ng'ombe, ng'ondi, angu mburi ikaie kizongona, ikaiagha ni andenyi angu shighadi ya kambi,

WALAWI 17:5

Agha malagho ni kwa wundu ghoghiria wandu wa Israeli wawuyafunyira vizongona vawo cha shighadi ya kambi, eri wipate kuvireda kwa mkohani mnyangonyi ghwa Hema ekwania; na kuvifunya vikaie vizongona vepatanisha kwa BWANA.

WALAWI 17:9

kuseko na kuchireda mnyangonyi ghwa Hema ekwania, eri chipate kufunywa kwa BWANA; mundu uo uchatanywa na wandu wake.

WALAWI 18:29

Angu uo ose uchaabonya jingi ja agho mawiwi, uchatanywa na wandu wa Mlungu.

WALAWI 20:16

Muka ungi ukaisoghodera nyamandu na kulala nayo ubwagho, na iyo nyamandu ibwagho; bagha yawo ichakaia aighu kwawo.

WALAWI 20:18

Mundu ukalala na muka uko merinyi na kummanya kimumbi, waachuria kurucha kwake, na muka nao wafunukua kurucha kwake; wose wawi wichainjwa na kutanywa na wandu wawo.

WALAWI 20:3

Ini moni nichalwa na uo mundu, nao uchatanywa na wandu wapo, angu waneka mlungu Moleki wana wake, na kuinona Hema ya Wueli na irina japo ja Wueli.

WALAWI 3:2

Nao uchawikiria mkonu ghwake aighu ya chongo cha iyo nyamandu, na kuibwagha aho mnyangonyi ghwa Hema ekwania; na wana wa Haruni, awo wakohani, wichaimichira madhabahu bagha chia rose.

WALAWI 7:18

Nyama ingi ya icho kizongona cha mapatano isigharikie hata ituku ja kadadu ikajighwa, kizongona cha uo mundu ndechichaarumirilwa hata kutalwa anduangi, chichawuya wuchafu. Na uo ujagha uchawuya mkosi.

JOHANE 10:7

Nao Jesu ukaghora sena, “Namghoria loli, ini nuo mnyango ghwa ng'ondi.

JOHANE 10:9

Ini nuo mnyango, uo ungiagha kwa kuidiria kwapo, uchakia; nao uchangia, na kufuma, na kuwona malisho.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

WAROMA 4:6

Na Daudi wori waghora malagho gha irasimio kwa mundu utalwagha kukaia na hachi ni Mlungu kuseko na mabonyo gha Sharia gheni:

WAROMA 5:13

Kaung'a loli erekoghe wurumwengunyi imbiri Sharia isefunyiro, ela kaung'a ndeitalwagha andu Sharia iseko.

WAROMA 5:20

Sharia erechieghe kuchuria makosa, ela andu kaung'a ichurikie, mvono nagho ghorechurikieghe kuchumba;

WUKUMBUSO 21:8

Wifue wughoma wandu wako Israeli ee BWANA, awo korewikombueghe; hata kusakewitalia wandu wako ikosa kwa wundu ghwa uo mundu ubwaghilo duu, ela kudifue wughoma ikosa ijo.’