WALAWI 16:12 - Biblia Ilagho Jiboie Kwa Wandu Wose

¹² Uchadwa modo ghwa maka na luwigha kufuma madhabahunyi imbiri ya BWANA, na ngonde iwi richue ra marumba mecha ghichanilo-chanilo; nao uchangia navo andenyi ya Andu Kwa Wueli Kuchumbie.

WALAWI 16:12 Խաչաձեւ Հղումներ

KUFUMA 31:11

mavuda ghedunga wandu, mranganyo ghwa marumba mecha kwa wundu ghwa Andu kwa Wueli. Awo wandu wikakabonya vilambo ivo vose, wibonye sa iji koni nerekulaghirieghe.”

KUFUMA 37:29

Wokoni ukabonya mavuda gha wueli gheshinga wandu, na marumba ghiranganyiro, ghiboie, ghinukie nicha.

WALAWI 10:1

Nao wana wa Haruni, Nadabu na Abihu wikawusa kula umu luwigha lwake, na kukumbiria maka gha modo andenyi yaro; wikakumbiria marumba na kumfunyira BWANA. Ela ghuja modo ndeghorekoghe ghwa wueli, kwa kukaia BWANA nderelaghirieghe anduangi.

MITALO 16:18

Niko kula mundu ukawada luwigha lwake ukakumba modo andenyi, na kuwikiria marumba aighu yaro; wikakaia kimusi mnyangonyi ghwa Hema ekwania, andwamweri na Musa na Haruni.

MITALO 16:46

Musa ukamzera Haruni, “Shoa luwigha lwako, kuwuse modo kufuma madhabahunyi na kughukumbiria; nao kuwikirie marumba aighu yaro, na kulughenja izungunyi shwa-shwa, eri kubonye wupatanisho kwa wundu ghwawo, kwa kukaia BWANA wamerie kujokwa ni machu, na saka ya ngawawi yazoya.”

WUKUMBUSO 33:10

Wichawifundisha wandu wako kuisikiria Sharia yako; wichafunya vizongona aighu ya madhabahu yako.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

WAEBRANIA 9:7

na iyo hema ya kawi, yadangilwa ni Mkohani M'baa uekeri mwaka indo jimweri, nao ndeoredimagha kungia usedwae bagha; uifunye kwa wundu ghwake moni, na kwa wundu ghwa makosa gha wandu.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

WUFUNUO 8:5

Niko uo malaika ukaluwada ulo luwigha lofukira marumba, ukaluchura modo kufuma madhabahunyi, na kulukumba andoenyi, ghukakaia mrurumo ghwa lukuwa, chwaka, kukaba kwa chuhehia, na msughusiko ghwa ndoe.