WALAWI 16:10 - Biblia Ilagho Jiboie Kwa Wandu Wose

¹⁰ ela iyo fwandi yawonyerwa ni kura kukaia ya Azazeli, ichafunywa iko moyo kwa BWANA ipate kubonya mapatano; kwa kuilekeria ighende noko cha kireti kwa Azazeli, ikidwa kaung'a ra wandu.

WALAWI 16:10 Խաչաձեւ Հղումներ

WALAWI 14:7

Niko uchammichira uja mundu ukunde kueleshwa iyo bagha mando mfungade, na kumghora kukaia uelie. Nao uchailekeria ija nyonyi iko moyo iburuke noko.

WALAWI 16:8

nao ucharikabia kura iro fwandi iwi, imu ikaie kwa wundu ghwa BWANA, na imu ikaie kwa wundu ghwa Azazeli.

WALAWI 16:9

Niko Haruni uchawada iyo fwandi yawonyerwa ni kura ikaie kwa wundu ghwa BWANA, nao uchaifunya kizongona kwa wundu ghwa kaung'a;

WAROMA 3:25

uo Mlungu ummbikie ukaie kizongona kwa bagha yake moni, upate kuwuswa kwa irumirio, na kwa chia iyo Mlungu uwonyere hachi yake; angu kwa kurumaghia kwake kwa wulungu, ndereritalieghe kaung'a ra imbiri.

WAROMA 4:25

nao orebwaghiloghe kwa wundu ghwa mawiwi ghedu, na kurukishwa kwa wundu ghwa kutalwa kukaia na hachi kodu.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

1 JOHANE 2:2

nao nuo wushano ghwa kaung'a redu; hata si kwa wundu ghwa kaung'a redu reni riekeri anduangi, ela na ra wurumwengu ghose wori.

1 JOHANE 3:16

Kwa ilagho iji, dalumanya lukundo; kukaia, Kristo orefunyireghe irangi jake kwa wundu ghodu, nesi yadifwana difunye marangi ghedu kwa wundu ghwa awo wanidu.