WALAWI 11:32 - Biblia Ilagho Jiboie Kwa Wandu Wose

³² Gharia rawo rikapotokia kilambo chingi, chichakaia chiseelie; chikaiagha ni m'bau, nguwo, kishoo, angu igunia, na kilambo icho chose chitumilwagha kwa wundu ghungi, suti chioghosho, sena chitalo kukaia chiseelie hata luma lwa kenyi, ima chicherumirikia kukaia chaela.

WALAWI 11:32 Խաչաձեւ Հղումներ

WALAWI 11:31

Shimandu iri ni wuchafu konyu, na uo ose uchaariadada gharia rawo, uchakaia useelie hata luma lwa kenyi.

WALAWI 14:46

Aighu ya agho, mndungi ukangia iyo nyumba nyuma ya kurughwa, uchatalwa kukaia useelie hata luma lwa kenyi;

WALAWI 15:12

Kilambo cha wongo chikawadwa ni mundu ufumwaghwa ni wufia, suti chibaro, ukawada fuwa, suti ioghosho.

WALAWI 15:15

Mkohani uchafunya imu ikaie kizongona kwa wundu ghwa kaung'a na imu kwa wundu ghwa kizongona chekora, nao uchabonya mapatano kwa wundu ghwa uo mundu imbiri ya BWANA kwa wundu ghwa uko kufumwa ni wufia kwake.

WALAWI 16:26

Uo mundu ughenjere mburi kwa Azazeli, uchaoghosha nguwo rake, na kukuoghosha uo moni na machi; ima uchengia kambinyi.

WALAWI 17:15

Na uo ose uchaaja nyamandu ifue cheni, angu ibwaghilo ni mmbao, ukaiagha ni muisanga angu mghenyi wawuyakaia aghadi konyu, uchaoghosha nguwo rake, na kukuoghosha uo moni na machi; sena uchakaia useelie hata luma lwa kenyi.

WALAWI 22:6

uo mkohani uchakaia useelie hata luma lwa kenyi, nao ndechaaja ivo vindo vieleshero, hata wameria kukuoghosha uo moni na machi.

WALAWI 6:28

Ikakaia ni nyungu ya wongo yatumilwa kwa kudeka iyo nyama, ichabwarwa; ela ikakaia yaadekwa na kilambo cha shaba, icho kilambo chichazughulwa na kuoghoshwa kwa machi.

MITALO 19:15

Kula chombo chiko chiari chisefinikiro chichakaia chiseelie.

MITALO 19:7

Niko uo mkohani uchaoghosha nguwo rake, na kukuoghosha na machi, ima konyuma ungie kambinyi; nao uchatalwa kukaia useelie hata luma lwa kenyi.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

TITO 3:5

oredikirieghe; si kwa wundu ghwa mabonyo ghangi gha hachi dibonyere anduangi, ela ni kwa wundu ghwa wughoma ghwake moni kwa chia ya kuoghosha kwa kuvalwa wuwishi, na kubonywa wawishi ni Roho Mweli;