WALAWI 11:25 - Biblia Ilagho Jiboie Kwa Wandu Wose

²⁵ na uo ose uchaadwa kipande cha gharia yaro, suti uoghoshe nguwo rake, nao utalo useelie hata luma lwa kenyi.

WALAWI 11:25 Խաչաձեւ Հղումներ

ZABURI 51:2

Kunioghoshe kiwiwi chapo putu, kunieleshe kaung'a yapo.

ZABURI 51:7

Kunieleshe kwa hisopu, nani nichaela, nioghoshe, nani nichawuya wa chokwa kuchumba theluji.

KUFUMA 19:10

Nao BWANA ukamzera, “Ghenda kuwizere wandu wikueleshe idime na kesho; kuwizere wioghoshe nguwo rawo,

KUFUMA 19:14

Niko Musa ukasea kufuma mghondinyi, ukawielesha wandu, nawo wikaoghosha nguwo rawo.

WALAWI 11:24

“Na mundu uo ose uchaadada gharia ra nyamandu iri uchakaia useelie hata luma kwa kenyi;

WALAWI 11:26

Kula nyamandu iko na kocho kocho risebarilo, na kuwaghika, hata isekeragha na kudafuna vindo vake, ndeielie konyu; uo ose uchaariadada uchakaia useelie.

WALAWI 11:28

Na uo udukagha gharia rawo, suti uoghoshe nguwo rake, sena uchakaia useelie hata luma lwa kenyi, iro nderielie konyu.

WALAWI 11:40

na uo ose uchaaja nyama yake, uchaoghosha nguwo rake, sena uchakaia useelie hata luma lwa kenyi; na wokoni, uo uchaadwa gharia ya iyo nyamandu, uchaoghosha nguwo rake, sena uchakaia useelie hata luma lwa kenyi.

WALAWI 13:6

na mkohani uchamzighana sena ituku ja mfungade. Ikakaia ija dadama yazoya kufuwia, hata ndeiwuechurikia; uchamghora uo mundu kukaia uelie, chedeeka ni chonda tu. Uja mundu uchaoghosha nguwo rake, nao uchakaia uelie.

WALAWI 14:46

Aighu ya agho, mndungi ukangia iyo nyumba nyuma ya kurughwa, uchatalwa kukaia useelie hata luma lwa kenyi;

WALAWI 14:47

na uo ose uchaalala andonyi andenyi ya nyumba iyo uchaoghosha nguwo rake; na uo ose uchaaja vindo andenyi ya nyumba iyo, uchaoghosha nguwo rake.

WALAWI 14:8

Niko uo mundu ukundagha kueleshwa, uchaoghosha nguwo rake na kuara iridia jake, na kukuoghosha machinyi, nao uchaela. Ukafuma aho, uchacha kambinyi; ela uchakaia shighadi ya hema yake kwa matuku mfungade.

WALAWI 15:13

“Uo mundu ukaboa uko kufumwa ni wufia kwake, uchaweseria matuku mfungade, niko uchaoghosha nguwo rake, sena ukuoghoshe uo moni kwa machi ghawuyaida; nao uchaela.

WALAWI 15:15

Mkohani uchafunya imu ikaie kizongona kwa wundu ghwa kaung'a na imu kwa wundu ghwa kizongona chekora, nao uchabonya mapatano kwa wundu ghwa uo mundu imbiri ya BWANA kwa wundu ghwa uko kufumwa ni wufia kwake.

WALAWI 15:5

Uo ose uchaadada wuli ghwake, uchaoghosha nguwo rake, na kukuoghosha uo moni kwa machi, sena uchatalwa kukaia useelie hata luma lwa kenyi.

WALAWI 16:26

Uo mundu ughenjere mburi kwa Azazeli, uchaoghosha nguwo rake, na kukuoghosha uo moni na machi; ima uchengia kambinyi.

WALAWI 16:28

Mundu uchaavikora suti uoghoshe nguwo rake nyuma ya kuvikora, na kukuoghosha uo moni na machi, ima ungie kambinyi.

WALAWI 17:15

Na uo ose uchaaja nyamandu ifue cheni, angu ibwaghilo ni mmbao, ukaiagha ni muisanga angu mghenyi wawuyakaia aghadi konyu, uchaoghosha nguwo rake, na kukuoghosha uo moni na machi; sena uchakaia useelie hata luma lwa kenyi.

WALAWI 22:6

uo mkohani uchakaia useelie hata luma lwa kenyi, nao ndechaaja ivo vindo vieleshero, hata wameria kukuoghosha uo moni na machi.

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

MITALO 19:10

Na uo ukwanyagha ijo ivu ja tagho, uchaoghosha nguwo rake, na kutalwa kukaia useelie hata luma lwa kenyi. Sharia ihi ichakaia ya matuku ghose kwa wandu wa Israeli na kwa mghenyi uko aghadi kwawo.

MITALO 19:19

Uo mundu uchamichira uo useelie agho machi ituku ja kadadu, na ja mfungade; na kwa chia iyo, uchamuelesha ijo ituku ja mfungade. Na uo mundu useelie uchaoghosha nguwo rake, na kukuoghosha na machi; na luma lwa kenyi, uchakaia wameria kuela.

MITALO 19:7

Niko uo mkohani uchaoghosha nguwo rake, na kukuoghosha na machi, ima konyuma ungie kambinyi; nao uchatalwa kukaia useelie hata luma lwa kenyi.

MITALO 19:8

Mundu ukoragha iyo tagho, uchaoghosha nguwo rake na kukuoghosha na machi, nao uchatalwa kukaia useelie hata luma lwa kenyi.

MITALO 31:24

Suti muoghoshe nguwo renyu ituku ja mfungade, nenyo mchaela; konyuma mngie kambinyi.”

JOHANE 13:8

Petro ukamzera, “Na jingi ndekuchaanioghosha maghu ghapo anduangi.” Jesu ukamzera, “Ngera nisekuoghoshagha maghu-lee, ndekuna wungara ghungi na ini anduangi.”

MABONYO GHA WADUMI 22:16

Idana kuweseraki? Wuka kubaputizo, kuoghosho kaung'a rako, kukijiwangia irina jake.’

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 9:10

ela gheeka kwa wundu ghwa vindo, kunywa, na kuogha; naro ni sharia ra mumbi riwikilo hata ivike ngelo ebonya maghaluso.

1 PETRO 3:21

Ilagho ijo, jafwanana na wubaputizo ghwa idana ghumkiragha inyo; si sa kuja kuinja wuchafu ghwa mumbi anduangi, ela ni kuja kubonya malaghiro kwa Mlungu kwa nia ielie, kwa chia ya kuruka kwake Jesu Kristo;

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.