WALAWI 10:3 - Biblia Ilagho Jiboie Kwa Wandu Wose

³ Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

WALAWI 10:3 Խաչաձեւ Հղումներ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

AYUBU 2:10

Ela Ayubu ukamzera, “Kwaawuyadeda sa muka mkelu. Welee, dadapatagha mecha kufuma kwa Mlungu disepatagha mawiwi?” Kwa agho ghose, Ayubu nderebonyereghe kaung'a kwa Mlungu anduangi.

ZABURI 119:120

Naawuyakuobua; niaobua matanyo ghako.

ZABURI 148:14

Waibonyere mbari yake kukaia na ndighi eri wandu wake wose wimkase, awo wandu wa Israeli uwikunde nandighi. BWANA ndekaso!

ZABURI 39:10

Sigha kunikaba; nibwaghwa ni makabo ghako.

ZABURI 39:9

Nichanyama kima nisedede, angu ni oho kubonyere agho.

ZABURI 46:10

Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

ZABURI 93:5

Sharia rako ni ra loli putu BWANA; Hekalu yako yaelie nandighi kwa kala na kala.

KUFUMA 14:17

Nicharikurisha ngolo ra Wamisri, wipate kuwinugha, nani nichapata kukaswa aghadi ya Farao na majeshi ghake ghose; magare ghake na wajoki farasi wake.

KUFUMA 14:4

Nani nichaikurisha ngolo ya Farao, nao uchamnugha. Na wusimi ghwapo aighu ya Farao na majeshi ghake ghuchaniredia wubaa; niko Wamisri wichamanya kukaia Ini ne BWANA.” Nao Waisraeli wikabonya sa iji koni wereghoreloghe.

KUFUMA 19:22

Hata wakohani awa wichagha kaavui nani, suti wikueleshe, kuseko huwo, nichawikaba.”

KUFUMA 19:24

BWANA ukatumbulia, “Sea kwendemuonda Haruni mchanye aha, ela wakohani na wandu wisechumbe mwano kunichea, nichewikaba.”

KUFUMA 30:30

Na oho kuchamshinga Haruni na wana wake mavuda, na kuwiwika wakfu wipate kunidumikia sa wakohani.

ISAYA 39:8

Niko Hezekia ukamzera Isaya, “Ilagho ja BWANA kwajighora jaboie.” Angu oregheshereghe matuku ghake, “Kuchakaia sere na walindiri.”

ISAYA 49:3

Ukanizera, “Oho Israeli ko mdumiki wapo, ini nichanekwa wubaa kwa wundu ghwako.”

ISAYA 52:11

Fumenyi, mfume Babuloni mghende noko, mseadade kindo chingi chiseelie; fumenyi aghadi kwake mkueleshe mmbeni; inyo mmbose muvidwagha vilambo va BWANA.

EZEKIELI 20:41

Nichamrumiria sa marumba ghinukie nicha, ingelo nichaamfunya mfume kwa wandu, na kumtumbanya kufuma agho masanga moresaghisikieghe; nani nichawonyera wueli ghwapo aghadi ya iro mbari ra wandu.

EZEKIELI 28:22

kughambe kukaia ini, Bwana MLUNGU naghamba huwu: Ola nichalwa na oho ee Sidoni, nani nichawonyera wubaa ghwapo aghadi kwako; na wandu wichamanya kukaia ini ne BWANA, iji nichaareda kutanya aighu yako, na kufunukua wueli ghwapo kwako.

EZEKIELI 38:16

Kuchawichea wandu wapo Israeli sa ikungughu, kupate kulwa nawo; kuchafinikira isanga jose. Matuku gha kutua nichakureda kupate kujikaba isanga japo, eri iro mbari ra wandu ripate kunimanya, ingelo nichaawonyera wueli ghwapo imbiri kwawo kwa kukutumia oho ee Gogu.

EZEKIELI 40:46

na icho chilangayagha cha kaskazinyi ni cha wakohani awo widumikagha madhabahunyi. Awo ni wana wa Zadoku, nawo niwo wiekeri aghadi ya kichuku cha Lawi widimagha kusughuda kaavui na BWANA wikimdumikia.

EZEKIELI 42:13

Niko uo mundu ukanizera, “Vumba viko chia ya kaskazinyi, na vumba viko chia ya kusinyi kulangaya cha wazenyi ni va wueli, aho niko awo wakohani wikaiagha imbiri ya BWANA, wichaaja agho mafunyo gha vizongona va wueli vichumbie, na aho niko wandu wichaakaia wikifunya agho mafunyo gha wueli ghichumbie vizongona va viro, vizongona kwa wundu ghwa kaung'a, na vizongona kwa wundu ghwa wuwiwi; angu andu aho ni kwa wueli.

WALAWI 21:15

eri wana wake wisechetalwa kukaia wiseelie aghadi ya wandu wake kwa wundu ghwa awo waka; Ini ne BWANA, nani namerie kumsaghua ukaie Mkohani M'baa.”

WALAWI 21:17

“Mzere Haruni huwu, Mndungi wa kichuku chako, kivalwa chako chose, uvalo na itiko mumbinyi kwake, usesoghode kufunya kizongona cha vindo kwapo. Ugho ni momu ghwa matuku ghose.

WALAWI 21:21

Mndungi wa kivalwa cha Haruni ukakaia na itiko jingi ja mumbinyi sa agho, usesoghode kaavui na BWANA kufunya vizongona vekora; kwa wundu ghwa ijo itiko useche kufunya kizongona cha vindo kwa Mlungu wake.

WALAWI 21:6

Wakohani wichakaia waeli kwa Mlungu wawo; kwa kukaia awo wafunyagha vizongona vekora na mkate kwa Mlungu wawo, kwa huwo suti wikaie waeli.

WALAWI 21:8

Wandu wimtale mkohani kukaia mweli kwa kukaia wafunyagha mafunyo gha vindo kwa Mlungu. Ini ne BWANA, Ini ne Mweli; nani nadabonya wandu wapo wikaie waeli.

WALAWI 22:9

“Wakohani wose wichawadia malaghiro ghapo, wisechelushwa na kungia kaung'enyi na kufwa kwa wundu ghwa kuleghasikira kwawo; Ini ne BWANA uo uwieleshagha.

WALAWI 8:35

Mchakaia aho mnyangonyi ghwa Hema ekwania kwa matuku mfungade kio na dime, mkibonya agho ghilaghirilo ni BWANA, eri msechefwa, angu huwo niko nerenekeloghe momu ni BWANA.”

MITALO 16:5

ukamzera Kora na wandu wake, “Kesho BWANA uchawonyera u mundu uko wake, nao nani uelie; na uo mundu umsaghuagha ucham'bonya usoghode kaavui nao.

MITALO 20:12

BWANA ukawizera Musa na Haruni, “Kwa kukaia msenirumirie, nenyo mwalemwa kunikuma imbiri ya wandu wa Israeli, ndemchaajingira iji ikwanyiko kwa ijo isanga niwinekie.”

MATHAYO 10:37

“Uo umkundagha ndee angu mae kuchumba ini, ndenifwanaghaanduangi; na uo umkundagha mwana wa womi angu wa waka kuchumba ini, ndenifwanagha anduangi.

JOHANE 12:28

Aba, jikase irina jako.” Nao lwaka lukacha kufuma mlungunyi, “Nameria kujikasa sena nichajikasa.”

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

WUKUMBUSO 32:51

kwa kukaia ndemorekoghe waloli kwapo aghadi ya wandu wa Israeli. Iji morekoghe machinyi gha Meriba, kaavui na muzi ghwa Kadeshi kireti cha Sini, ndemoreninekieghe ishima imbiri ya wandu.

2 WATHESALONIKE 1:10

iji wacha Ituku jija kukaswa ni waeli wake, na kushinikilwa ni wose wimerie kurumiria; kwa kukaia inyo moreghurumirieghe wushuhuda ghodu.

1 PETRO 4:17

Angu ngelo yavika kutanywa kuzoe, nako kuazoya kwa wandu wa Mlungu weni; na ikakaia kwazoya nesi, kutua kwaro wandu wisesikiragha ijo Ilagho Jiboie ja Mlungu-lee, kuchakaia wada?

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.

1 SAMUELI 3:18

Niko aho Samueli ukamghoria agho ghose oreghoreloghe ni BWANA, hata nderemvisireghe ilagho jingi anduangi. Nao Eli ukaghamba, “Uo ni BWANA, ndebonye sa iji koni wawona nicha moni.”

1 SAMUELI 6:20

Wandu wa Beth-shemeshi wikaghamba, “Nani udimagha kusimana na BWANA, uo Mlungu mweli? Dimuenja kwani udime kudiinjikia?”