WALAWI 1:3 - Biblia Ilagho Jiboie Kwa Wandu Wose

³ Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 1:3 Խաչաձեւ Հղումներ

KUZOYA 22:13

Abrahamu ukazighana, ukawona nyuma yake bauru yawadikia kisachinyi kwa mbembe rake; nao ukaghenda na kuiwada iyo bauru, ukaifunya kizongona chekora wulalo ghwa mwana wake.

KUZOYA 22:2

Mlungu ukamzera, “Mmbwade mwana wako, uo mwana wako wa ititi Isaaka kumkunde na ndighi, kughende nao isanga ja Moria, kumfunye kizongona chekora aho aighu ya mghondi ghumu nichaakughoria.”

KUZOYA 22:8

Nao Abrahamu ukamtumbulia, “Mlungu moni uchafunya mwana wa ng'ondi wa icho kizongona mwanwapo.” Nawo wikachuria kughenda chiaimweri.

KUZOYA 8:20

Nao Nuhu ukamwaghia BWANA madhabahu; ukawada imu ya nyamandu rielie na imu ya nyonyi rielie, ukarifunya kizongona chekora aighu ya madhabahu.

2 MALAGHO GHA NGELO 29:32

Wandu wikamfunyira BWANA vizongona vekora njau mirongo mfungade bauru ighana, na wana wa ng'ondi maghana awi.

2 MALAGHO GHA NGELO 35:12

Vizongona vekora wikaviwikia mbai, eri wipate kuviwagha kunughana na mafungu gha nyumba ra weke ndee, ra wandu wa ndonyi, wipate kumfunyira BWANA seji iandikilo sharienyi ya Musa.

ZABURI 110:3

Ituku kulwagha na wamaiza wako, wandu wako wichakufunya cha kwako. Wandu wako wa irika wichakuchea sa mami gha luma lwa nakesho aighu ya mighondi ya wueli.

ZABURI 40:8

Naawuyaboilwa ni kubonya lukundo lwako ee Mlungu wapo.” Sharia yako eko andenyi ngolonyi kwapo.

KUFUMA 12:5

Kwadima kusaghua mwana wa ng'ondi angu wa mburi uboie wa mwaka ghumweri usewadie ikosa jingi.

KUFUMA 24:5

Niko ukawiduma wandu wa irika wa wandu wa Israeli, wikafunya vizongona vekora kwa BWANA; na ng'ombe rimu wikarifunya rikaie vizongona va mapatano.

KUFUMA 29:18

Niko kuikore yose aighu ya madhabahu, ikaie kizongona chekora. Irumba ja kizongona icho, janiboiagha na ndighi.

KUFUMA 29:4

“Kumrede Haruni na wana wake mnyangonyi ghwa Hema Ekwania, na kuwioghosha kwa machi.

KUFUMA 29:42

Kizongona chekora chichafunywa tulituli imbiri kwapo mnyangonyi ghwa Hema Ekwania. Aho niko nichaakwana na kughora na oho.

KUFUMA 32:6

Wikawuka kokesho kio na kufunya nyamandu rikaie vizongona vekora, na vindo kwa vizongona va mapatano. Wandu wikasea kidombo kuja na kunywa, wikawuka kusarigha.

KUFUMA 35:21

Kula mundu orenyavurishiroghe ngolonyi kwake, na rohonyi kwake, wikacha na kumfunyira BWANA mafunyo ghetesia Hema Ekwania, na wutasi ghwaro ghose; na kwa wundu ghwa marwao gha Wueli.

KUFUMA 35:29

Wandu wose wa Israeli waka na womi, awo ngolo rawo rerenyavurishiroghe wipate kumfunyira BWANA, seji Musa orelaghiriloghe ni BWANA; wikafunya mafunyo ghawo kwa ngolo cha kwa BWANA.

KUFUMA 35:5

Mfunye mafunyo kwa BWANA. Uo ose uko na ngolo efunya, ufunye mafunyo gha dhahabu, feza na shaba;

KUFUMA 36:3

Wikawusa kufuma kwa Musa agho mafunyo ghose ghereredeloghe ni wandu wa Israeli kwa wundu ghoboisa Andu kwa Wueli. Wandu wa Israeli wikachuria kumredia Musa mafunyo ghawo kwa ngolo kula nakesho;

KUFUMA 38:1

Ukabonya madhabahu ya vizongona vekora kwa mudi ghwa mgholeka, ikatane chia rose; meta iwi na pointi iwi kwa meta iwi na pointi iwi, wuighu ghwaro meta imweri na pointi idadu.

ISAYA 1:11

BWANA waghamba, “Uko kunifunyira vizongona vingi ni kilamboki kwapo? Nakojere vizongona vekora va bauru; na mavuda gha nyamandu ribandie. Siboilwagha ni bagha ra njau, angu wana wa ng'ondi na fwandi.

EZEKIELI 20:40

Inyo wandu wose wa Israeli, muchanitasa ini aighu ya mghondi ghwa wueli, ugho mghondi ghwapo mlacha ghwa Israeli, ini Bwana MLUNGU naghamba; nenyo mmbose mchanidumikia isangenyi, na aho nichamrumiria na kukaia tayari kuwusa manosi na mafunyo ghenyu gha wueli msaghue kunineka.

EZEKIELI 40:39

Na aeni aho lukumbinyi lwa mbengenyi, korekoghe na meza iwi kula luwaru, andu vizongona vekorwa, na vizongona va kaung'a, na vizongona va malipo vibwaghilwagha.

WALAWI 1:10

“Ikakaia inosi ja uo mundu ja kizongona chekora ni ng'ondi angu mburi, uchafunya bauru angu fwandi iseko na itiko jingi anduangi.

WALAWI 14:10

“Ituku ja wunyanya, uchareda wana wa ng'ondi wa womi wawi, na ng'ondi ya waka ya mwaka ghumweri, riseko na itiko, kilo idadu ra mufu ghudendere; ghuranganyiro na mavuda, na ifungu jimweri ja kadadu ja lita ya mavuda.

WALAWI 16:7

Niko uchawada iro fwandi iwi na kuriwika imbiri ya BWANA mnyangonyi ghwa Hema ekwania;

WALAWI 17:4

kuseko na kuireda mnyangonyi ghwa Hema ekwania, ipate kukaia inosi imbiri ya BWANA, andenyi ya Andu Kokaia kwa BWANA, mundu uo uchatalwa kukaia wadia bagha kwa makosa; nao uchatalwa kukaia mkosi, na kutanywa na wandu wake.

WALAWI 17:8

“Kuchawilaghira kukaia, mndungi wa wandu Israeli, angu mghenyi uko aghadi kwawo, ukafunya kizongona chekora, angu kizongona chingi kizima,

WALAWI 17:9

kuseko na kuchireda mnyangonyi ghwa Hema ekwania, eri chipate kufunywa kwa BWANA; mundu uo uchatanywa na wandu wake.

WALAWI 23:12

Ijo ituku jesughusa kisuke chako kuchafunya mwana wa ng'ondi wa womi wa mwaka ghumweri, useko na itiko ukaie kizongona chekora kwa BWANA.

WALAWI 23:18

Chiaimweri na iyo mikate, wandu wichafunya wana wa ng'ondi mfungade wa mwaka ghumweri-ghumweri wiseko na itiko, na mwana wa njau, na bauru iwi; ripate kukaia kizongona chekora kwa BWANA, chiaimweri na kizongona cha viro na kizongona cha kunywa; mafunyo agho gheko na irumba jim'boiagha BWANA loli-loli.

WALAWI 3:1

“Ikakaia ifunyo ja mundu ni kizongona cha mapatano, na ikakaia waawuyafunya ng'ombe ya womi angu ya waka, iyo ng'ombe ikaie isewadie itiko imbiri ya BWANA.

WALAWI 4:15

na waghosi wa wandu wichawikiria mikonu yawo aighu ya chongo cha ija njau imbiri ya BWANA, nayo ichabwaghwa.

WALAWI 4:23

ukameria kuwonyerwa kaung'a yake, uchareda ifunyo ja fwandi iseko na itiko;

WALAWI 4:3

ikakaia ni Mkohani M'baa ubonyere kaung'a, na kushekeria wandu kutalwa kukaia wakosi, uchafunya mwana wa njau useko na itiko, upate kukaia kizongona kwa BWANA kwa wundu ghwa iyo kaung'a uibonyere.

WALAWI 4:32

“Ikakaia uo mundu wareda mwana wa ng'ondi ukaie kizongona chake kwa wundu ghwa kaung'a, uchareda wa waka useko na itiko;

WALAWI 5:15

“Mndungi ukabonya kaung'a usemanyire kwa kulemwa ni kulipa malipo kwa BWANA, uchareda kizongona kwa BWANA kwa wundu ghwa makosa, bauru kufuma chaghenyi iseko na itiko. Ighuri jaro jichaboiswa kunughana na malipo gha agho matuku gha Andu kwa Wueli; ni kizongona kwa wundu ghwa wuwiwi.

WALAWI 5:18

Uchareda bauru iseko na itiko kwa mkohani kufuma chaghenyi, na oho kuchabonya ighuri jaro kunughana na ighuri ja agho matuku; mkohani uchabonya mapatano kwa wundu ghwa kaung'a yake uibonyere usemanyire, nao uchafuilwa wughoma.

WALAWI 6:2

“Mndungi ukabonya kaung'a kwa BWANA na kumkalia mmbao kwa maza repokezana angu kwa kummbikia, angu kumuiwia, angu kumkoronga kwa chia ingi;

WALAWI 6:8

BWANA ukamzera Musa,

WALAWI 7:16

“Ela ikakaia ifunyo ja kizongona chake ni kwa wundu ghwa ighemi jake, angu kukunda kwake koni, nyama ya icho kizongona yadima kujighwa hata ituku ja kawi;

WALAWI 8:18

Niko ukareda bauru kwa wundu ghwa kizongona chekora, Haruni na wana wake wikawikiria mikonu yawo aighu ya chongo cha bauru.

WALAWI 8:21

Hata nyuma ya kuoghosha vindo vose va ndenyi na maghu kwa machi, Musa ukakora bauru yose aighu ya madhabahu, ikaie kizongona chekora, irumba jinukie nicha ja kizongona chekora chifunyiro kwa BWANA, sa iji koni BWANA oremlaghirieghe.

WALAWI 9:2

ukamzera Haruni, “Wada ngache ya womi ikaie kizongona kwa wundu ghwa kaung'a, na bauru ikaie kizongona chekora; rose rikaie risene itiko jingi, nao kurifunye imbiri ya BWANA.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MALAKI 1:14

Wawasirwa njowe uo mundu unifunyira kizongona chizamie ingelo uko na nyamandu iboie oreilaghirieghe kwa kukaia ini ne Mzuri m'baa, na wandu wa mbari rose wadaniobua ini.”

MITALO 15:3

nenyo mkakamfunyira BWANA kizongona chekora kufumanya na ng'ombe angu ng'ondi, angu kizongona chekatisha ighemi, angu mafunyo ghafunywa kwa ngolo, angu kufunya kwa ndima riwikilo, mafunyo ghebonya irumba jinuke nicha kwa BWANA,

MITALO 15:8

Njau ikafunywa kwa BWANA ikaie kizongona kwa wundu ghwa kaung'a chekatisha ighemi, angu kizongona cha mapatano,

MITALO 19:2

“Ihi ni sharia yapo niilaghirie kukaia wandu wa Israeli winiredie tagho ya ng'ombe ya mkundu isewadie itiko jingi, angu iboli jingi, hata isefungilo ghongolo ingi jingi.

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

MITALO 23:27

Niko Balaki ukamzera Balaamu, “Choo idana nikughenje andu kuzima, kewada Mlungu wadima kurumiria kuniwasirie awandu njowe kufuma aho.”

MITALO 23:3

Balaamu ukamzera Balaki, “Kaia kimusi aeni aha kaavui na kizongona chako chekora, nani nichaghenda; kewada BWANA wadima kucha dikwane, na ijo jose uchaaniwonyera, nichakughoria.” Ukajoka andu kuko ighu worinyi.

MITALO 23:30

Balaki ukabonya seji koni Balaamu oremzerieghe; ukafunya kizongona njau imweri na bauru imweri aighu ya kula madhabahu.

MITALO 28:11

Kula ituku jezoya mori muchamfunyira BWANA kizongona chekora cha wana wa njau wawi, bauru imweri, na wana wa ng'ondi wa womi mfungade wa mwaka ghumweri wisewadie itiko jingi.

MITALO 28:19

Mumfunyire BWANA kizongona chekora cha wana wa njau wawi, bauru imweri, na wana wa ng'ondi wa womi mfungade wa mwaka ghumweri, wose wisewadie itiko jingi.

MITALO 28:31

Mchafunya icho kizongona chekora na cha kunywa aighu ya vija vizongona vekora va tuli tuli. Lindia ivo vizongona visekaie na itiko jingi.

MITALO 29:13

Mumfunyire BWANA kizongona chekora, irumba jimnukiagha nicha; wana wa njau ikumi na wadadu, bauru iwi, na wana wa ng'ondi ikumi na bana wa mwaka ghumweri wisewadie itiko jingi.

MITALO 29:2

Mumfunyire BWANA kizongona chekora; irumba jimnukiagha nicha. Mfunye mwana wa njau umweri, bauru imweri na wana wa ng'ondi wa womi mfungade wa mwaka ghumweri wisewadie itiko jingi.

LUKA 1:35

Malaika ukamzera, “Roho Mweli uchakuchea aighu kwako, nandighi ra Uo-Uko-Aighu-Nandighi richakaia aighu kwako; kwa huwu mwana uchaavalwa uchawangwa Mweli Mwana wa Mlungu.

JOHANE 1:36

Ukamzighana Jesu ukighenda ukaghamba, “Zighanenyi Mwana wa Ng'ondi wa Mlungu.”

JOHANE 10:7

Nao Jesu ukaghora sena, “Namghoria loli, ini nuo mnyango ghwa ng'ondi.

JOHANE 10:9

Ini nuo mnyango, uo ungiagha kwa kuidiria kwapo, uchakia; nao uchangia, na kufuma, na kuwona malisho.

2 WAKORINTHO 8:12

Ikakaia ngolo efunya eko, icheni mundu uko nacho, nicho cheni chirumirilwagha ni Mlungu; hata si icho usewadie anduangi.

2 WAKORINTHO 9:7

Kula mundu ndebonye sa iji koni uririkanyire ngolonyi kwake; si kwa kuzughunuka, hata kwa kufungishwa ndighi anduangi, angu Mlungu wamkunda uhu ufunyagha kwa kuboilwa.

WAEFESO 2:18

Angu kwa uo, isi diwose dapata chia emvikia uja Aba, andenyi ya Roho umweri.

WAEFESO 5:27

eri ukupatire moni ikanisa jighokie na ndighi, jisewadie iboli angu itiko jingi, hata ilagho jingi jifwane sa ijo anduangi; jielie, jiseko na kilema chingi.

WUKUMBUSO 12:27

kufunye vizongona vako vekora va nyama na bagha aighu ya madhabahu ya BWANA Mlungu wako. Bagha ya kizongona chako, ichadilwa madhabahunyi ya BWANA Mlungu wako, ela nyama kwadima kuija.

WUKUMBUSO 15:21

Ela awo wavalwa wa imbiri, ungi ukakaia na itiko jingi, ngera ookelemia angu kufwa meso, angu itiko jingi ijo jose jizamie, kusemfunye kizongona kwa BWANA Mlungu wako.

WUKUMBUSO 17:1

“Msemfunyire BWANA Mlungu onyu vizongona va ng'ombe angu ng'ondi viko na itiko jingi ijo jose; ilagho ijo jadamzamia BWANA Mlungu onyu.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.