WAEFESO 5:8 - Biblia Ilagho Jiboie Kwa Wandu Wose

⁸ angu aho imbiri morekoghe kirenyi, ela idana moko mwengerenyi andenyi ya Bwana; ghendenyi sa wana wa mwengere;

WAEFESO 5:8 Խաչաձեւ Հղումներ

ZABURI 74:20

Kujitale ilaghano jako, kwa kukaia andu kose kuko kwa kira isangenyi, kwachua Wang'eti.

ISAYA 2:5

Idana ee kivalwa cha Jakobo, ndedighende kwa mwengere ghwa BWANA.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 49:9

Kuchawizera wafungwa, ‘Choonyi shwa-shwa;’ na awo wiko kirenyi ‘Fumenyi worinyi.’ Wichakaia wikija na kughuda chienyi, wichawona malisho hata andu kuko kuduu mighondinyi,

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 9:2

Isanga ja kichuku cha Zebluni na Naftali weresumbukieghe ngelo rimu, ela ngelo ra kutua ra isanga iji jichakaia ja ishima kufuma mashariki ya Mediterania hata isanga jiko kimonu cha Jordani, hata Galilaya ya mbari zima.

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

MATHAYO 3:8

Idana wonyerenyi kwa mabonyo ghenyu seji mwahea.

MATHAYO 4:16

Wandu awo werekoghe kirenyi, waghuwona mwengere m'baa. Na kwa awo werekoghe isangenyi na kiju cha kifwa, mwengere ghwalangala kwawo.”

LUKA 1:79

kuwilangalishira awo wiko kidombo kirenyi, na andenyi ya kiju cha kifwa; na kulongoza mighendo edu kwa chia ya sere.”

LUKA 16:8

Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

JOHANE 1:9

Ugho mwengere ghorekoghe ghwa loli, ghuchee wurumwengunyi kumlangalishira kula mdamu.

JOHANE 12:35

Jesu ukawitumbulia, “Mwengere ghoko andwamweri nenyo kwa ngelo vui eni. Ghendenyi iji muko na ugho mwengere, msecheserelwa ni kira, angu uo ughendagha kirenyi, ndemanyagha andu ughendagha anduangi.

JOHANE 12:36

Iji muko na ugho mwengere mughurumirie; mpate kuwuya wana wa mwengere.” Nao nyuma ya kughora malagho agho, Jesu ukaghenda chia yake, ukakuvisa, na kukaia kula nawo.

JOHANE 12:46

Ini nachee kukaia mwengere wurumwengunyi, eri uhu unirumiriagha usesigharike kirenyi.

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

MABONYO GHA WADUMI 17:30

Ngelo ra kusowa kumanya, Mlungu nderetalieghe anduangi; ela idana, walaghira wandu wose andu kose, wihee mawiwi ghawo.

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

WAROMA 1:21

kwa kukaia hata ngera weremmanyireghe Mlungu, ndeweremnekieghe ishima sa Mlungu, hata kumfunyira chawucha anduangi; ela werekoghe na maririkanyo gha duu, na akili rawo ra wukelu rikachulwa nikira.

WAROMA 13:12

Kio chalighisa kusia, na dime eko kaavui. Kwa huwu idana, ndedisighe iro kazi ra kira na kurwa maswagha gha mwengere.

WAROMA 2:19

na ikakaia loli kwawuyamanya koko kilongozi wa vitungure, mwengere kwa wandu wiko kirenyi,

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

2 WAKORINTHO 3:18

Na isi diwose, dikikaia na wushu ghusefinikiro, daghuzighana wubaa ghwa Bwana sa kwa kilole, na kughaluswa hata divikie kufwanana nao, kwa ugho wubaa ghuchumbie; angu maza iri riafuma kwa Bwana, uo uko Roho.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

2 WAKORINTHO 6:14

Msakefungwanya na wandu wiserumiriagha. Angu ghoko wungara ghwa indoki aghadi ya hachi na kiwiwi? Anguu, mwengere na kira vawadie wungara ghwa indoki?

WAGALATIA 5:25

Dikakaia moyo kwa Roho, ndedighende kwa Roho wori.

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

WAEFESO 4:18

Maririkanyo ghawo ghangirwa kira, hata ndewitambukilwagha; watanyiro na irangi ja Mlungu, kwa wundu ghwa wukelu ghuko andenyi kwawo, na kukua kwa ngolo rawo.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAEFESO 6:12

Angu ndediwuelwa na wadamu, ela daawuyalwa na mawubaa, na awo wiwadie ndighi, na wabonyi nguma wa wurumwengu ughu ghwa kira chiko idime, na majeshi gha roho rizamie, ghiko cha mlungunyi.

WAKOLOSAI 1:12

Mkimfunyira Aba chawucha, uo umdimishire kukaia wandu wifwane kukaia wangara wa ijo ifwa ja waeli, andenyi ya ugho mwengere.

WAKOLOSAI 1:13

Nao wadikirie kufuma kwa iro ndighi ra kira, ukadibarisha na kudingira andenyi ya wuzuri ghwa Mwana wake mkundwa;

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.