WAEFESO 5:2 - Biblia Ilagho Jiboie Kwa Wandu Wose

² Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAEFESO 5:2 Խաչաձեւ Հղումներ

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

KUFUMA 29:18

Niko kuikore yose aighu ya madhabahu, ikaie kizongona chekora. Irumba ja kizongona icho, janiboiagha na ndighi.

KUFUMA 29:25

Nao sena kuviwuse kwawo, kuvikore aighu ya madhabahu kuchuria icho kizongona chekora, vipate kukaia kwapo, kizongona cha vindo. Irumba ja kizongona ichi janiboiagha na ndighi.

WALAWI 1:13

Uja mundu wafunya icho kizongona uchaoghosha na mkohani uchavifunya vose kwa BWANA na kuvikora aighu ya madhabahu, vikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:17

Uchaibara mawawenyi, ela ndechaitanya putu; na mkohani uchaikora yose aighu ya madhabahu, ikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:9

Uja mundu wafuya icho kizongona uchaoghosha mawula na vindo vose va ndenyi na maghu gharo, na mkohani uchavikora vose madhabahunyi, vikaie kizongona chekora; irumba ja vindo ivo jamnukiagha BWANA nicha nandighi.

WALAWI 3:16

Mkohani uchavikora aighu ya madhabahu vikaie vindo vifunyiro kukaia kizongona chekora; irumba jinukie nicha. Mavuda ghose ni gha BWANA.

AMOSI 5:21

BWANA waghamba, “Nadazamilwa ni ndima renyu ra dini, sidimagha kurirumaghia.

MITALO 7:21

mwanwanjau umweri, bauru imweri, mwanwang'ondi wa womi umweri wa mwaka ghumweri kwa wundu ghwa kizongona chekora,

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

JOHANE 13:34

Momu mmbishi namneka inyo: Kundanenyi mmbeni na mmbeni; sa iji koni neremkundieghe, nenyo mkundane woruwo.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

WAROMA 15:16

nipate kukaia mdumiki wa Kristo Jesu kwa wandu wa mbari zima, kwa ugho wukohani ghwa Ilagho Jiboie ja Mlungu, eri wandu wa mbari zima wikaie kizongona chirumirikiagha kwa Mlungu, chieleshero ni Roho Mweli.

WAROMA 4:25

nao orebwaghiloghe kwa wundu ghwa mawiwi ghedu, na kurukishwa kwa wundu ghwa kutalwa kukaia na hachi kodu.

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WAROMA 8:37

Hata! Ela isi dapatire wusimi m'baa nandighi aighu ya iri maza rose kwa wutesia ghwake uo oredikundieghe.

1 WAKORINTHO 16:14

Bonyenyi maza rose kwa lukundo.

1 WAKORINTHO 5:7

Ifunyenyi na mbai ija chachu ya kala, mpate kuela na kukaia sa idonge iwishi ja mufu ghusengirilo chachu ingi. Angu Kristo, mwana wa ng'ondi odu wa Pasaka, wamerie kufunywa kizongona.

2 WAKORINTHO 2:14

Ela chawucha kwa Mlungu, uo udighenjagha kari kose dikisima andenyi ya Kristo; na kueresha irumba icha ja kummanya uo kula andu, kwa kuditumia isi.

2 WAKORINTHO 2:15

Angu isi deko marumba mecha gha Kristo kwa Mlungu aghadi ya awo wikirwagha na aghadi ya awo witotagha.

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

WAGALATIA 1:4

uo orekufunyireghe moni kwa wundu ghwa kaung'a redu, upate kudikira na ngelo rizamie ra matuku agha, karakara na lukundo lwa Mlungu Aba odu;

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.

WAEFESO 1:4

Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

WAEFESO 3:17

na Kristo ukaie andenyi ya ngolo renyu kwa chia ya irumirio. Nenyo mkidunga miri na kumanga kwa lukundo,

WAEFESO 3:19

na kulumanya lukundo lwa Kristo ulo luchumbie kumanya kose, mpate kuchulwa ni kuchua kose kwa Mlungu.

WAEFESO 4:15

Wulalo ghwaro, dikighora loli kwa lukundo, dizoghuo kwa kula chia dimvikie Kristo uo uko chongo.

WAEFESO 4:2

Mkaie wa kukusera, wa mboa, na kurumaghia kose, mkirumaghiana mmbeni na mmbeni kwa lukundo;

WAEFESO 5:15

Idana manyenyi seji mghendagha, si sa wandu wisewadie suku anduangi, ela sa wandu wiwadie suku;

WAEFESO 5:25

Inyo womi, wikundenyi waka wenyu, sa iji koni Kristo orejikundieghe ikanisa; ukakufunya moni kwa wundu ghwaro,

WUKUMBUSO 27:6

Mumuaghie BWANA Mlungu onyu madhabahu ya magho ghisewachilo, nenyo mchamfunyira BWANA Mlungu onyu vizongona vekora aighu yaro.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

WAKOLOSAI 3:14

Aighu ya agha ghose, mkaie na lukundo, ulo luwadanishagha maza rose chia imweri, na kurikatisha nicha.

1 WATHESALONIKE 4:9

Idana inyo ndemne haja eandikilwa malagho gha kuwikunda wanidu anduangi, angu inyo mmbeni mwamerie kufundishwa ni Mlungu kukundana mmbeni na mmbeni;

1 TIMOTHEO 2:6

uo orekufunyireghe moni ukaie wukomboli kwa wundu ghwa wandu wose, nagho ni wushuhuda ghufunyiro kwa ngelo yaro.

1 TIMOTHEO 4:12

Mndungi usakeghumenya wudawana ghwako; ela kukaie mfwano kwa warumirii kwa chia ya madedo na tabia, kwa lukundo, kwa irumirio na wueli.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAEBRANIA 8:3

Kula Mkohani M'baa wadawikwa kwa kazi efunya manosi na vizongona, nao moni wori, suti ukaie na kindo chimu chefunya.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

WAEBRANIA 9:23

Huwo niko erekoghe suti, ivo vilambo viko fwana ya vilambo va mlungunyi, vielesho kwa iyo mizango ya dini. Ela va mlungunyi ivo, vaeleshwa kwa kizongona kicha kuchumba.

WAEBRANIA 9:26

angu aho yadakaia utiriro kalazi kufuma wurumwengu ghwazoya. Ela seji iko, wamerie kuwoneka indo jimweri tua ngelo ra kutua, upate kuriinja kaung'a kwa kukufunya kizongona moni.

1 PETRO 4:8

Na aighu ya rose, mduo na lukundo mmbeni na mmbeni lusesiagha, kwa kukaia lukundo lwafinikira wungi ghwa kaung'a.

1 JOHANE 3:16

Kwa ilagho iji, dalumanya lukundo; kukaia, Kristo orefunyireghe irangi jake kwa wundu ghodu, nesi yadifwana difunye marangi ghedu kwa wundu ghwa awo wanidu.

1 JOHANE 3:23

Na ughu nigho momu ghwake, kukaia, dimrumirie uo Mwana wake Jesu Kristo, na kukundana diweni na diweni sa iji koni Kristo oredilaghirieghe.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.