Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.
Welee, isi diwose ndedeeka na aba umweri? Ndedeeumbwa ni Mlungu umweri? Kwaki sena dasowiana wuloli diweni na diweni, na kwaki dijimenyagha ilaghano jibonyero ni Mlungu kwa weke wawa?
Musa na Haruni wikaghwa kijimijimi wikaghamba, “Ee Mlungu, kuko Mlungu wa roho ra mimbi yose, wele mundu umweri ukakosa, kuajibonyera machu izungu jose?”
Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”
ela kodu isi Mlungu ni umweri, uja Aba, Muumbi wa vilambo vose; nesi kwa wundu ghwake, dadakaia moyo; na Bwana umweri Jesu Kristo, kwa chia yake uo, vilambo vose vereumbiloghe; na kwa chia yake uo, isi dakaia moyo wori.
Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.
ighu nandighi kuchumba kubonya nguma kose, na kudima, na ndighi, na wuzuri, na aighu ya kula irina jiwangilo; si kwa ngelo ihi cheni anduangi, ela hata na iyo ichagha wori.