WAEFESO 4:1 - Biblia Ilagho Jiboie Kwa Wandu Wose

¹ Kwa huwu, ini niko mfungwa kwa wundu ghwa Bwana, namlomba mkaie na kughenda kufwananagha na kuwangwa konyu uko morewangiloghe.

WAEFESO 4:1 Խաչաձեւ Հղումներ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 5:24

Enoko ukawadana na Mlungu nao ukasoweka, kwa kukaia Mlungu oremdwaeghe noko.

JEREMIA 38:20

Ngaghamba, “Ndewikuwadagha kungi. Oho sikira lwaka lwa BWANA kwa ghose nikughoriagha, na oho kuchakaia nicha hata ndekuchaabwaghwa anduangi.

MABONYO GHA WADUMI 9:31

Niko ikanisa jikakaia na sere Judea kose, Galilaya na Samaria, jikiaghika kiroho; najo jikighenda imbiri kwa kumuobua Bwana, na kuhoreshwa ni Roho Mweli, jikachurikia.

WAROMA 11:29

Angu agho manosi na uko kuwanga kwa Mlungu ndekughaluswagha anduangi.

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

1 WAKORINTHO 4:16

Niko namvoya mnughe mfwano ghwapo.

2 WAKORINTHO 10:1

Idana ini moni Paulo, niwonekagha wa mboa iji nikwanye nenyo, ela nibirie iji niko kula; namvoya kwa wumboa na nicha ya Kristo,

2 WAKORINTHO 5:20

Kwa wundu ugho, isi deeka wadumwa wa Kristo; na Mlungu waawuyamvoya inyo ukiditumia isi; nesi dikikaia wadumwa wa Kristo, damvoya inyo mpatanisho na Mlungu.

2 WAKORINTHO 6:1

Kwa huwo dikibonya kazi andwamweri na Mlungu, damvoya mseghuwuse mvono ghwake duu.

WAGALATIA 4:12

Namvoya wanidu mkaie sa iji koni niko, angu ini wori neeka sa inyo mmbeni. Inyo ndemorenikosereghe kwa ilagho jingi;

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WAEFESO 3:1

Kwa wundu ughu, ini Paulo mfungwa wa Kristo Jesu, kwa wundu ghonyu inyo wandu wa mbari zima,

WAEFESO 4:17

Idana namghoria na kumshuhudia kwa irina ja Bwana, kufuma idana mseghende seji awo wandu wa mbari zima wighendagha kwa wuduu ghwa akili rawo.

WAEFESO 4:4

Mumbi ni ghumweri, na Roho ni umweri, sa iji koni morewangiloghe ni Mlungu kwa ijo isuwirio jimweri ja kuwangwa konyu.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAFILIPI 1:27

Ilagho jikundikie konyu, ni ja inyo kughenda karakara na ijo Ilagho Jiboie ja Kristo, eri ngera nacha kummbona, angu ngera nakaia kula nenyo, nisikire wori mwawuyamanga andenyi ya roho imweri, muko na nia imweri, mkifunga ndighi chiaimweri kwa irumirio ja Ilagho Jiboie;

WAFILIPI 3:14

Nafunga ndighi kughenda imbiri, nipate kuvikia andu aho jiko ijo inosi nijiwangilo ni Mlungu, kwa chia ya Kristo Jesu.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

WAKOLOSAI 2:6

Kwa huwo, sa iji koni moremmbusireghe Kristo Jesu kukaia Bwana, duonyi huwo koni andenyi kwake;

WAKOLOSAI 4:12

Epafra mumzenyu, nao ni mdumiki wa Kristo Jesu, wamroghua. Wawuyamlombia nandighi ngelo rose, mkaie wandu mzoghue mmangishiro, muichi putu ulo lukundo lose lwa Mlungu.

1 WATHESALONIKE 2:12

angu mkaie na irangi jim'boiagha Mlungu, uo ummbangagha inyo andenyi ya Wuzuri na wubaa ghwake moni.

2 WATHESALONIKE 1:11

Kwa wundu ughu, dawuyamlombia inyo matuku ghose, eri Mlungu odu upate kum'bonya mkaie wandu wifwane kwa ijo irangi oremmbangieghe; nenyo mdime kukatisha kula ilagho icha, na kazi ya irumirio kwa ndighi rake;

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.

TITO 2:10

hata kuiwa-iwa, ela wiwonyere seji wiko waloli putu, eri wipate kwa maza rose kughirudia ishima mafundisho gha Mlungu Mkiri odu.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

1 PETRO 2:11

Namvoya wakundwa, inyo sa waghenyi na wandu weida, mkutanye na bea ra mumbi, iro ribonyagha wuda na roho renyu.

1 PETRO 3:9

Msakelipiana kiwiwi kwa kiwiwi, angu masholio kwa masholio; ela wulalo ghwa agho, mrasimie; angu morewangiloghe mpate irasimio.

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.

2 PETRO 1:3

Mlungu, kwa ndighi rake ra wulungu, wadinekie vilambo vose vifwanagha irangi na kuobua kwa Mlungu; kwa chia ya kummanya uo orediwangieghe dingie andenyi ya wubaa ghwake na wucha ghwake moni.

2 JOHANE 1:5

Na idana mkeku, nakulomba dikundane diweni na diweni, si angu wei naawuyakuandikia momu mmbishi, ela ni ghuja ghoni dikaiagha nagho kufuma kuzoya.