WAEFESO 3:8 - Biblia Ilagho Jiboie Kwa Wandu Wose

⁸ Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

WAEFESO 3:8 Խաչաձեւ Հղումներ

1 MALAGHO GHA NGELO 17:16

Niko Mzuri Daudi ukangia andenyi ya Hema ekwania, ukasea kidombo imbiri ya BWANA ukaghamba, “Ee BWANA Mlungu, ini nani, na wandu wa nyumbenyi kwapo ni kilamboki hata kukadibonyera agha ghose?

ZABURI 31:19

Ni mungi saki ugho wucha ghwako, kuwiwikie awo wandu wikuobuagha oho! Kwaghubonyere imbiri ya wandu wose kwa wundu ghwa awo wikukimbiriagha oho.

LUKA 14:22

Nao uja mdumiki ukaghamba, ‘Bwana iro korelaghirieghe rameria kubonyeka, na wulalo ghumu ghoko aeni.’

JOHANE 1:16

Kwa kuchua kwake, dapatire mvono isi diwose ghusesiagha jingi.

MABONYO GHA WADUMI 5:41

Niko wikafuma mwandunyi wikiboilwa, angu watalwa kukaia wifwane kusowelwa ishima kwa wundu ghwa irina ijo.

MABONYO GHA WADUMI 9:15

Ela Bwana ukamzera, “Ghenda, angu uo moni namsaghue ukaie chombo chapo chejidwa irina japo kwa mbari zima, na wazuri, na wandu wa Israeli;

WAROMA 11:33

To! E mali, na hikima, na kumanya kwa Mlungu viko ndenyi! Nani udimagha kumanya kutanya kwake? Na nani udimagha kumanya chia rake?

WAROMA 12:10

Kundanenyi mmbeni na mmbeni kwa lukundo lwa ngolonyi; kula mundu ndemtale mmbao kukaia wa imbiri kwa ishima.

WAROMA 2:4

Angu kwaawuyaghumenya wungi ghwa wucha ghwake, na irumaghio jake ibaa; kusemanyagha angu wucha ghwa Mlungu ghwaawuyakuruda kupate kuhea?

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

1 WAKORINTHO 15:9

Angu ne mtini wa wadumi wose, hata sifwane kuwangwa mdumi anduangi; kwa kukaia nerejikorongieghe ijo ikanisa ja Mlungu.

1 WAKORINTHO 2:9

Ela sa iji koni iandikilo, “Maza mndungi usereriwonieghe na kurisikira hata kurighesha jingi, niro reni Mlungu uwiboisire awo wimkundagha.”

WAGALATIA 1:16

uendaboilwa umfunukuo Mwana wake andenyi kwapo, eri niwonemchila aghadi ya iro mbari zima, serebonyereghe njama na mndungi;

WAGALATIA 2:8

(angu uo orebonyereghe kazi ukimtumia Petro kwa wundu ghwa wudumiki ghwa wandu wishamishiro, nuo moni ubonyere kazi ukinitumia kwa wundu ghwa wudumiki ghwa wandu wa mbari zima);

WAEFESO 2:7

upate kwa ngelo richagha kuwonyera wungi ghwa mali ra mvono ghwake ghusepimikagha, ghwa kudibonyera mecha andenyi ya Kristo Jesu.

WAEFESO 3:1

Kwa wundu ughu, ini Paulo mfungwa wa Kristo Jesu, kwa wundu ghonyu inyo wandu wa mbari zima,

WAEFESO 3:16

ngimlomba umneke mundu onyu wa ndenyi ndighi ra Roho wake, karakara na wungi ghwa mali ra wubaa ghwake;

WAEFESO 3:19

na kulumanya lukundo lwa Kristo ulo luchumbie kumanya kose, mpate kuchulwa ni kuchua kose kwa Mlungu.

WAEFESO 3:2

nasuwiria angu mwamerie kusikira malagho gha wudumiki ghwa mvono ghwa Mlungu ninekelo kwa wundu ghonyu;

WAFILIPI 2:3

Msakebonya ilagho jingi kwa kukukunda mmbeni, angu kukunda wubaa ghwa duu; ela kwa kukusera, muwitale wambenyu kukaia wafwane kumchumba inyo.

WAFILIPI 4:19

Na Mlungu wapo, uchamneka icho chose mchaakunda, karakara na wungi ghwa mali ra wubaa ghwake andenyi ya Kristo Jesu.

WAKOLOSAI 1:27

Mlungu oresaghueghe kuwimanyisha awo waeli, seji ugho wungi ghwa mali ra wubaa ghwa ngasu ihi ghuko, aghadi ya wandu wa mbari zima; nagho ni Kristo andenyi konyu, isuwirio ja wubaa.

1 TIMOTHEO 1:13

hata ngera aho imbiri neremsholieghe, ngamkoronga na kumdukana, ela nerefuloghe wughoma, kwa kukaia nerekoghe ngibonya agho nisemanyagha, na kwa kusowa irumirio;

1 TIMOTHEO 1:15

Ilagho iji ni ja loli, najo jafwana kurumirilwa putu, kukaia Jesu orechieghe wurumwengunyi kukira wakaung'a; na wa imbiri wa awo wakaung'a ni ini moni;

1 TIMOTHEO 2:7

Kwa wundu ghwa ijo, ini nerewikiloghe nikaie mchili na mdumi, (Naghora loli sighoragha tee anduangi), mwalimu wa iro mbari zima, kwa irumirio na loli.

2 TIMOTHEO 1:11

Na ini nerewikiloghe nikaie mchili, na mdumi, na mwalimu wa ijo Ilagho Jiboie;

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.