WAEFESO 2:8 - Biblia Ilagho Jiboie Kwa Wandu Wose

⁸ Angu mookirwa kwa mvono kwa chia ya irumirio; najo si ibonyo jenyu jingi, ni inosi ja Mlungu;

WAEFESO 2:8 Խաչաձեւ Հղումներ

MATHAYO 16:17

Jesu ukaghamba, “Kwarasimilwa oho Simoni mwana wa Jona, angu si mdamu ungi wakutambushira wuloli ughu anduangi, ela ni Aba uko mlungunyi wakufunukuya.

MATHAYO 20:9

Iji wacha waja wa saa ikumi na imweri, werelipiloghe dinari imweri kula mundu.

MARKO 16:16

Uo urumiriagha na kubaputizwa, achaakia; ela uo userumiriagha anduangi uchatanywa utote.

LUKA 7:50

Nao ukamzera muka, “Irumirio jako jakukira, kwende na sere.”

JOHANE 3:36

Uo umrumiriagha Mwana oko na irangi ja kala na kala, ela uo usemsikiragha Mwana, ndechaapata irangi anduangi, ela machu gha Mlungu ghiadua aighu kwake.

JOHANE 4:10

Jesu ukamtumbulia, “Na ngera kodemanya inosi ja Mlungu, na nani uhu ukuzeragha, ‘Nineke machi ninyo,’ kumangu kwamlomba uo ukakuneka machi ghiko moyo.”

JOHANE 5:24

“Namghoria loli, uo ose usikiragha ilagho japo, na kumrumiria Uo orenidumieghe, oko na irangi ja kala na kala; nao ndengiagha kutanyonyi anduangi, ela wameria kuida kufuma kifonyi na kungia iranginyi.

JOHANE 6:35

Jesu ukawizera, “Ini nuo mkate ghwa irangi, uo uchagha kwapo na jingi ndechaawona njala, na uo ose urumiriagha kwapo na jingi ndechaaoma anduangi.

JOHANE 6:37

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

JOHANE 6:40

Angu ijo ujikundagha Aba nijo iji: kula mundu ummbonagha Mwana na kurumiria kwake, ukaieghe na irangi ja kala na kala. Na ini nichamrukisha Ituku ja kutua mbai.”

JOHANE 6:44

Mndungi ndedimagha kucha kwapo anduangi, ngera userudilo ni uja Aba orenidumieghe, nani nichamrukisha Ituku ja kutua mbai.

JOHANE 6:65

Nao ukaghamba, “Niko neremghorieghe angu mndungi ndedimagha kucha kwapo ngera userudilo ni uja Aba.”

MABONYO GHA WADUMI 13:39

na kwa chia yake, uo ose urumiriagha, wafungulwa kufuma kaung'enyi rose iro mseredimieghe kutana naro kwa Sharia ya Musa.

MABONYO GHA WADUMI 14:27

Hata iji wavika Antiokia, wikajikwanya ikanisa na kuwighoria malagho ghose Mlungu orekoghe waghibonya andwamweri nawo, na seji urughue mnyango ghwa irumirio kwa wandu wa mbari zima.

MABONYO GHA WADUMI 15:11

Ela darumiria angu dichakirwa kwa mvono ghwa Bwana Jesu wokoni sa awo weni.”

MABONYO GHA WADUMI 16:14

Umu wa awo weredisikireghe orekoghe muka uwangwagha Lidia, ufumie muzi ghwa Thuatira, uuzagha vilambo va rangi ya zambarau. Muka uo orekoghe mtasi Mlungu, na Bwana ukarughua ngolo yake ughisikire malagho gherekoghe ghikighorwa ni Paulo.

MABONYO GHA WADUMI 16:31

Nawo wikaghamba, “Rumiria kwa Bwana Jesu, na oho kuchakia, oho na wandu wa nyumbenyi kwako wori.”

WAROMA 10:14

Ela wandu wichajiwangia wada irina jake uo wisemrumirie? Nawo wichamrumiria wada uo wisemsikire jingi? Nawo wichasikira wada ngera mchili useko?

WAROMA 10:17

Kwa huwo irumirio jiachanya na kusikira Ilagho, na jija Ilagho jiachanya na kumchila Kristo.

WAROMA 4:16

Ni kwa wundu ughu ilaghiro jamangishwa ni irumirio, eri ijo ilaghiro jihakikishiro jikaie kwa mvono, kwa kivalwa chose cha Abrahamu. Si kwa awo wiiwadiagha Sharia wiekeri, ela na awo wori wiko na wungara na ijo irumirio ja Abrahamu; angu uo nuo aba odu isi diwose

WAROMA 4:5

Na mundu usebonyagha kazi, nao warumiria kwa Uo uwitaliagha wandu wisemuobuagha Mlungu wikaie na hachi, irumirio jake mundu uo jatalwa kukaia hachi.

WAROMA 9:16

Kwa huwo maza nderikaiagha kwa kukunda angu kwa kufunga ndighi kwa mdamu, ela ni kwa wughoma ghwa Mlungu.

WAGALATIA 3:14

na kwa chia ya Kristo Jesu, marasimio gha Abrahamu ghipate kuwivikia wandu wa mbari zima; eri dipate kuwusa ilaghiro ja Roho kwa chia ya irumirio.

WAGALATIA 3:22

Ela maandiko ghaawuyaghora kukaia wurumwengu ghose ghooka kaung'enyi, eri icho cherelaghiriloghe kwa irumirio jiko andenyi ya Jesu Kristo, chipate kunekwa awo wirumiriagha.

WAEFESO 1:19

Na seji iro ndighi rake risepimikagha ring'ane andenyi kodu isi dirumiriagha, karakara na uko kubonya kazi kwa ndighi rake mbaa;

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WAEFESO 2:5

hata iji derekoghe difue rohonyi kwa chia ya makosa ghedu, oredikaishireghe moyo chiaimweri na Kristo, (mookirwa kwa mvono)

WAFILIPI 1:29

Angu inyo mwanekelo, si uko kurumiria Kristo koni anduangi, ela hata na kutirirwa wori kwa wundu ghwake;

WAKOLOSAI 2:12

Nenyo mwarikilo andwamweri nao kwa wubaputizo, na kwa ugho wubaputizo, mkarukanya andwamweri nao kwa chia ya irumirio, kwa uko kubonya kazi kwa Mlungu; uo oremrukishireghe Kristo kufuma kwa wafu.

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

WAEBRANIA 6:4

Angu ndeidimikagha kuwiwunja wihee sena awo wandu wimerie kulangalishirwa mwengere, wikajitoa ijo inosi ja mlungunyi, wikabonywa wangara wa Roho Mweli,

1 PETRO 1:5

inyo mlindilwagha ni ndighi ra Mlungu, kwa chia ya irumirio; mpate kuvikia kukia kuko tayari kufunukulwa ngelo ya kutua.