WAEFESO 1:4 - Biblia Ilagho Jiboie Kwa Wandu Wose

⁴ Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

WAEFESO 1:4 Խաչաձեւ Հղումներ

2 SAMUELI 22:24

Serewadieghe ikosa jingi imbiri kwake, nani nerekulindirieghe nimoni nisebonye wuwiwi.

ZABURI 135:4

Wamsaghue Jakobo ukaie wake, wandu wa Israeli wikaie mali yake cheni.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

WALAWI 19:2

“Kujizere izungu jose ja wandu wa Israeli huwu, Mkaie waeli angu ini BWANA Mlungu onyu ne Mweli.

WALAWI 20:7

Mkueleshe, mkaie waeli angu Ini ne BWANA Mlungu onyu.

MATHAYO 24:22

Na ngera agho matuku ghiserepunguziroghe, kumangu mndungi ndekiagha anduangi; elaima kwa wundu ghwa awo wasaghulwa, Mlungu uchaghipunguza matuku agho.

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 24:31

nao uchawiduma weke malaika wake na lwaka lubaa lwa tarumbeta, kuwikwanya wasaghulwa wake kufuma mbembe inya ra wurumwengu, kufuma kutua uku hata kutua kuja kwa mlungunyi.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

JOHANE 10:16

Sena nawadie ng'ondi rimu riseko ra iranu iji. Naro reni yanifwana kuriruda, naro richalusikira lwaka lwapo; nao kuchakaia chagha chimweri na mlisha umweri.

JOHANE 15:16

Inyo ndemorenisaghueghe ini anduangi, ela ni ini neremsaghueghe inyo, na kumduma mwende muve matunda, matunda ghiduagha; eri icho chose mchaalomba kwa Aba kwa irina japo umneke.

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

MABONYO GHA WADUMI 13:48

Nao iji wandu wa mbari zima wasikira huwo, wikaboilwa na kujikasa ilagho ja Mlungu; na awo wose weretaliloghe kukaia wandu wepata irangi ja kala na kala, wikarumiria.

MABONYO GHA WADUMI 15:18

waghamba Bwana, uo oreghibonyereghe malagho agha ghimanyike kufuma kala.’

MABONYO GHA WADUMI 18:10

angu ini neko andwamweri na oho, hata ndekuwadie mndungi uchaakubonya ilagho jingi jizamie anduangi; angu ini neko na wandu wengi andenyi ya muzi ughu.”

WAROMA 8:33

Nani uchaawishitakia wasaghulwa wa Mlungu? Mlungu nuo uwitalagha kukaia na hachi;

1 WAKORINTHO 1:8

Uo uchamlindia inyo hata kutua, mpate kukaia msewadie ikosa jingi Ituku ja Bwana odu Jesu Kristo.

WAGALATIA 5:13

Angu inyo wanidu morewangiloghe mkaie huru, manyenyi mseghutumie wuhuru ghonyu kwa maza ra mumbi; ela mdumikiane mmbeni na mmbeni kwa lukundo.

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WAEFESO 3:17

na Kristo ukaie andenyi ya ngolo renyu kwa chia ya irumirio. Nenyo mkidunga miri na kumanga kwa lukundo,

WAEFESO 4:2

Mkaie wa kukusera, wa mboa, na kurumaghia kose, mkirumaghiana mmbeni na mmbeni kwa lukundo;

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAEFESO 5:27

eri ukupatire moni ikanisa jighokie na ndighi, jisewadie iboli angu itiko jingi, hata ilagho jingi jifwane sa ijo anduangi; jielie, jiseko na kilema chingi.

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

WAKOLOSAI 1:22

Ela idana, wampatanishire na uo moni kwa chia ya kifwa cha Mwana wake, uko na mumbi ghwa nyama; upate kumreda inyo imbiri kwake wandu wielie, msewadie iboli hata ikosa jingi.

WAKOLOSAI 2:2

eri wipate kuhoreshwa ngolo rawo kwa kuwadanishwa chiaimweri kwa lukundo, wipate iro mali rose ra kuelelwa kwa loli, na kuimanya ngasu ya Mlungu, nayo ni Kristo;

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

1 WATHESALONIKE 3:12

na Bwana ndem'bonye mchurikie, na kukaia na lukundo mmbeni na mmbeni kwa wungi; na kuwikunda wandu wose, seji isi dawuyamkunda inyo.

1 WATHESALONIKE 4:7

Angu Mlungu nderediwangieghe diduo andenyi ya wuchafu, ela dikaie andenyi ya wueli.

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.

2 TIMOTHEO 2:10

Kwa huwu narumaghia maza rose kwa wundu ghwa wasaghulwa, eri nawo wipate kukia andenyi ya Kristo Jesu, na kupata ugho wubaa ghwaro ghwa kala na kala.

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

1 PETRO 1:2

Wandu wisaghulo na kuwikwa ni Mlungu uja Aba, na kueleshwa ni uo Roho, wipate kumsikira Jesu Kristo, na kueleshwa kwa bagha yake. Mvono na sere nderichurikie konyu.

1 PETRO 1:20

Nao oresaghuloghe imbiri wurumwengu ghuseumbilo, ela oochawoneka worinyi ngelo ra kutua kwa wundu ghonyu.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

2 PETRO 3:14

Kwa huwo wakundwa, angu mwawuyawesera maza iri, fungenyi ndighi, mkulo ni Mlungu wandu msewadie iboli hata ikosa jingi; mko na sere.

1 JOHANE 4:16

Kwa wundu ugho daichi na kurumiria ulo lukundo Mlungu udikunde nalo. Mlungu ni lukundo, na uo ukaiagha andenyi ya lukundo, wadakaia andenyi ya Mlungu, na Mlungu wadakaia andenyi kwake.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WUFUNUO 17:8

Iyo nyamandu kuiwonie erekoghe, ela ndeiduagha; yalighisa kujoka kufuma kinenyi cha abuso, na kughenda kutotenyi. Na awo wandu wiko ndoenyi awa marina ghawo ghiseandikilo andenyi ya chuo cha irangi, kufuma kuzoya kwa wurumwengu, wikashinika kwa kuiwona iyo nyamandu; angu erekoghe, ikasoweka; nayo ikawuya ikawoneka moyo sena.