WAEFESO 1:1 - Biblia Ilagho Jiboie Kwa Wandu Wose

¹ Ini Paulo, mdumi wa Kristo Jesu kwa lukundo lwa Mlungu; namuandikia inyo waeli wa loli wiko andenyi ya Kristo Jesu aho Efeso.

WAEFESO 1:1 Խաչաձեւ Հղումներ

MITALO 12:7

Ela huwo siko kungi nibonyagha na mdumiki wapo Musa; uo wawikilo aighu ya nyumba yapo yose.

LUKA 16:10

Uo uko mloli kwa ghaja matini na ndighi, oko mloli kwa ghaja mabaa wori, na uo useko mloli kwa kaja katini na ndighi, ndeuko mloli kwa ghaja mabaa wori.

MABONYO GHA WADUMI 16:15

Nao uendabaputizwa andwamweri na wandu wa nyumbenyi kwake, ukadivoya ukighamba, “Ngera mwaniwona kukaia mloli kwa Bwana, choonyi mkaie nyumbenyi kwapo.” Ukadishingira na ndighi.

MABONYO GHA WADUMI 18:19

Wikavika Efeso, na Paulo ukawisigha Prisila na Akula, ukangia sunagoginyi na kukotiana malagho na Wayahudi.

MABONYO GHA WADUMI 18:21

ela iji orekoghe ukilaghana nawo ukawizera, “Nichammburia sena Mlungu ukakunda.” Nao ukadamba kwa bahari kufuma Efeso.

MABONYO GHA WADUMI 9:13

Ela Anania ukatumbulia, “Bwana, nasikire malagho gha uo mundu seji uwikorongie waeli wako aja Jerusalemu,

WAROMA 1:1

Ini Paulo, mdumiki wa Jesu Kristo, niwangilo nikaie mdumi na kuwikwa kwa wundu ghojichila Ilagho Jiboie ja Mlungu.

WAROMA 1:7

Namuandikia inyo wakundwa wose wa Mlungu muko Roma, muwangilo mkaie waeli. Mvono ndeghukaie konyu na sere ifumagha kwa Mlungu Aba odu na kwa Bwana Jesu Kristo.

WAROMA 8:1

Kwa huwu idana, ndekuwadie kutanywa kungi kwa awo wiko andenyi ya Kristo Jesu.

1 WAKORINTHO 4:12

nesi dabonya kazi, dikitumia mikonu edu cheni. Dikasholelwa diarasimia, dikatirirwa, diarumaghia;

1 WAKORINTHO 4:17

Kwa wundu ughu, namduma konyu Timotheo mwana wapo mkundwa, na mloli andenyi ya Bwana; nao uchamkumbusa chia rapo andenyi ya Kristo, seji nifundishagha andu kose, andenyi ya kula ikanisa.

2 WAKORINTHO 1:1

Ini Paulo, mdumi wa Jesu Kristo kwa lukundo lwa Mlungu, na Timotheo mwanidu; namuandikia inyo ikanisa ja Mlungu jiko Korintho, chiaimweri na waeli wose wiko Akaya kose.

WAGALATIA 1:1

Ini Paulo, mdumi usedumilo ni wandu, hata kudumwa kwa chia ya mdamu, ela kwa chia ya Jesu Kristo, na Mlungu Aba uo oremrukishireghe kufuma kwa wafu;

WAGALATIA 3:26

angu inyo mmbose moko wana wa Mlungu andenyi ya Kristo Jesu kwa chia ya irumirio.

WAGALATIA 3:28

Ndekuwadie Myahudi, angu Mgriki; ndekuwadie mzumba, angu mkitina; ndekuwadie mndwawomi, angu muka anduangi; angu inyo mmbose moko wandu wamweri andenyi ya Kristo Jesu.

WAGALATIA 3:9

Niko huwo awo wose wiko wandu wa irumirio, warasimilwa chiaimweri na Abrahamu uo orekoghe na irumirio.

WAEFESO 1:15

Kwa wundu ughu, angu nisikire malagho gha irumirio jenyu andenyi ya Bwana Jesu, na lukundo lonyu kwa waeli wose,

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WAEFESO 2:13

Ela idana, andenyi ya Kristo Jesu, inyo morekoghe kula, mwaredelo kaavui kwa bagha ya Kristo.

WAEFESO 2:6

ukadirukisha andwamweri nao, na kudisera kidombo andwamweri nao andenyi ya malalo gha mlungunyi kwa Kristo Jesu;

WAEFESO 6:21

Uo mwanidu Tukiko mkundwa, na mdumiki wa loli andenyi ya Bwana, uchamghoria maza rapo rose.

WAKOLOSAI 1:2

namuandikia inyo waeli na wanidu wa loli andenyi ya Kristo wiko Kolosai. Mvono ndeghukaie konyu na sere rifumagha kwa Mlungu Aba odu.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.