WAEBRANIA 4:11 - Biblia Ilagho Jiboie Kwa Wandu Wose

¹¹ Idana isi ndedifunge ndighi kukungia kuja kuhora, eri mndungi usecheghushwa ni kuja kulegha kusikira.

WAEBRANIA 4:11 Խաչաձեւ Հղումներ

MATHAYO 11:12

Kufuma matuku gha Johane M'baputizi hata idime, wuzuri ghwa Mlungu ghwaawuyatangalwa kwa ndighi, na awo wiko nandighi wiaghuwada kwa ndighi.

MATHAYO 7:13

“Ngienyi mkiidiria mnyango msuse. Angu mnyango ni mshapa, na chia eghenda kutotenyi yaangue; wandu nawo wiidiriagha aho ni wengi.

LUKA 13:24

Ukawizera, “Fungenyi ndighi kungia kwa mnyango msuse, angu namghoria, wengi wichakunda kungia, ela ndewichaadima anduangi.

LUKA 16:16

“Sharia na maandiko gha walodi verekoghe hata ngelo ya Johane M'baputizi; kufuma aho, malagho mecha gha Wuzuri ghwa Mlungu ghaawuyachilwa, na kula umu wadaghungia kwa kufunga ndighi.

JOHANE 6:27

Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”

MABONYO GHA WADUMI 26:19

“Kwa wundu ugho ee Mzuri Agripa, sereleghieghe kughisikira agho mawono gha mlungunyi anduangi;

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

WAEFESO 5:6

Msakekalilwa ni mndungi kwa madedo maduu, angu kwa wundu ghwa maza iri, machu gha Mlungu ghawichea awo wisesikiragha.

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

WAKOLOSAI 3:6

kwa wundu ghwa agho, machu gha Mlungu ghaawuyacha aighu ya awo wisesikiragha.

TITO 1:16

Waghamba wei wamwichi Mlungu, ela waawuyamkana kwa mabonyo ghawo; ni wandu wizamie, wileghagha, wisefwanagha kwa kazi ingi ndicha.

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

WAEBRANIA 3:12

Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

WAEBRANIA 3:18

Na awo orewighemiagha kukaia ndewichaangia kuhorenyi kwake ni wiao, iseeka ni waja weni werekoghe wisesikiragha?

WAEBRANIA 4:6

Idana kwa kukaia weko wamu wichaangia, na waja werezoeghe kuwusa ijo Ilagho Jiboie walemelo ni kungia angu wileghie kusikira,

WAEBRANIA 6:11

Na isi dakunde kula umu onyu uwonyere kufunga ndighi uko koni, kwa kukatisha ijo isuwirio hata kutua.

JOSHUA 7:3

Wikawuya kwa Joshua wikamzera, “Ndedina haja eghenja wandu wengi aho, ela wandu sa elfu iwi angu idadu wijoke wikabe ugho muzi ghwa Ai; mseghenje ijeshi jose aho, ni wandu watinieri.”

2 PETRO 2:6

Mlungu oreitanyireghe mizi ya Sodoma na Gomora, ukaikora na kuiwunja maivu, na kuibonya ikaie mfwano kwa awo wisemuobuagha Mlungu.