WAEBRANIA 12:28 - Biblia Ilagho Jiboie Kwa Wandu Wose

²⁸ Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

WAEBRANIA 12:28 Խաչաձեւ Հղումներ

ZABURI 19:14

Madedo ghapo na maririkanyo ghapo ndeghirumirikie imbiri kwako ee BWANA, mlindiri wapo na mkomboli wapo.

ZABURI 2:11

Mdumikienyi BWANA kwa kuobua na kukusera.

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

MAKATANISHO 28:24

Mundu uiwiagha wavi wake ukighesha wei si ikosa jingi, oofwanana na kitoi.

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

LUKA 1:33

Nao uchaibonyera nguma nyumba ya Jakobo kwa kala na kala; na wuzuri ghwake ndeghuchaakaia na kutua kungi anduangi.”

WAROMA 11:20

Iyo ni loli. Ela redechikanywa angu wileghie kurumiria, na oho kwaawuyamanga kwa ijo irumirio jeni. Kwa huwo kusekukase, ela kuobuo.

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

WAEFESO 5:10

mkitima kukufundisha icho chim'boiagha Bwana.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

WAEBRANIA 10:19

Kwa huwu wanidu, deko na wuwana ghongia Andu kwa Wueli kwa bagha ya Jesu;

WAEBRANIA 13:15

Idana ndedimfunyire Mlungu kizongona cha makaso tulituli kwa chia ya Jesu, nacho ni madedo gha memu ujishuhudiagha irina jake.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

WAEBRANIA 3:6

Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

1 PETRO 1:17

Na ikakaia mumlombagha Mlungu sa Aba, uo uwitanyagha wandu kula umu karakara na mabonyo ghake kuseko kutala mndungi, tumienyi ngelo yenyu isigharikie ekaia aha wughenyinyi kwa kumuobua.

1 PETRO 2:20

Kwani ni fwaidaki mpatagha mkarumaghia kukabwa kwa kubonya mawiwi? Ela mkarumaghia kutirirwa kwa kubonya nicha, mchapata kukaswa ni Mlungu.

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.

WUFUNUO 1:6

na kudibonya dikaie wuzuri, na wakohani wedumika kwa Mlungu wake nao ni Ndee; kwake uo, ndeghukaie wubaa, na kubonya nguma kwa kala na kala. Amen.

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

WUFUNUO 5:10

Kukawibonya wikaie wazuri, na wakohani wemdumikia Mlungu odu; nawo wichabonya nguma ndoenyi.”