WAEBRANIA 10:33 - Biblia Ilagho Jiboie Kwa Wandu Wose

³³ Ngelo rimu mkisholelwa worinyi na kukorongwa, na ngelo rimu mkikaia ngara na awo werekoghe wikibonywa huwo.

WAEBRANIA 10:33 Խաչաձեւ Հղումներ

ZABURI 69:9

Iriso jeikunda nyumba yako janibwagha, na masholio werekusholieghe oho ghanipatire ini.

ZABURI 71:7

Ini nakaie sa kilambo cheshinikilwa kwa wengi, ela oho ko andu kwapo kumange kokimbiria.

ZABURI 74:22

Wuka ee Mlungu, kukudederie, kumbuka seji wandu wisekutalagha wawuyakuseka dime dii.

ZABURI 79:12

Kuwilipe wandu wa mbari zima mando mfungade, kwa wundu ghwa iro seko wikusekie naro ee BWANA.

ZABURI 89:51

Wamaiza wako waawuyamdukana Msaghulwa wako ee BWANA! Waawuyamdukana andu kose ughendagha.

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

NAHUMU 3:6

Nichakumichira wuchafu kumenyeke, na kukubonya kukaie kilambo chezighanwa kwa lumenyo.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

1 WAKORINTHO 4:9

Ini naawuyawona seji Mlungu oodiwika dikaie worinyi isi wadumi wa kutua, sa wandu ditanyiro kubwaghwa. Dakaia mazighano kwa wurumwengu, na kwa weke malaika, na kwa wadamu.

2 WAKORINTHO 12:10

Niko huwo, kwa wundu ghwa Kristo, naboilwa andenyi ya wunyonge, na kudukanwa, na wasi, na kukorongwa, na hasara; angu iji niko mnyonge, niko niko na ndighi.

WAFILIPI 1:7

Ni hachi ini kumririkanyira huwo inyo mmbose, kwa kukaia moko ngolonyi kwapo. Angu inyo mmbose moko wangara wa mvono andwamweri nani kwa kufungwa kwapo, na kwa kujidederia na kujimangisha ijo Ilagho Jiboie.

WAFILIPI 4:14

Ela sena mwabonyere nicha nandighi kunitesia wasi ghwapo.

1 WATHESALONIKE 2:14

Inyo wanidu moofwanana na makanisa gha Mlungu ghiko andenyi ya Kristo aja Judea; angu morejishiroghe wasi ni wamzenyu weni, sa iji koni awo wa Judea werejishiroghe wasi ni Wayahudi;

2 TIMOTHEO 1:8

Idana kusakewona waya kumshuhudia Bwana odu, hata kusakeniwonia waya ini mfungwa wake, ela kurumaghie wasi kwa ndighi ra Mlungu, kwa wundu ghwa ijo Ilagho Jiboie.

WAEBRANIA 11:26

Ukawona angu kusholelwa kwa wundu ghwa Kristo, ni mali mbaa kuchumba mali rose ra Misri; angu orekoghe ukisuwiria mafungu ghichagha.

WAEBRANIA 11:36

Wazima weresekeloghe na kukabwa na viboko, hata kufungwa na minyororo, na kungirwa kifungonyi.

WAEBRANIA 12:4

Inyo ndemcheelwa mkisimana na kaung'a hata kuvikia kudia bagha anduangi.

WAEBRANIA 13:13

Kwa huwo, ndedimghendie uo cha shighadi ya kambi, dikidwa masholio agho oreghirumaghieghe.