TITO 3:13 - Biblia Ilagho Jiboie Kwa Wandu Wose

¹³ Bonya seji kudimagha kumshashira uja wakili Zena na Apolo kwa charo chawo; manya angu wisesowe kindo chingi.

TITO 3:13 Խաչաձեւ Հղումներ

MATHAYO 22:35

Umu wa walimu wa Sharia ukamkotia Jesu kwa kumtima,

LUKA 10:25

Nao mwalimu umu wa Sharia ukacha kumtima ukighamba, “Mwalimu, nibonye wada ima nipate ifwa ja irangi ja kala na kala?”

LUKA 11:45

Mwalimu umu wa Sharia ukamzera, “Mwalimu, kukaghora huwo kwaawuyadiposhua na isi wori!”

LUKA 11:52

“Ni bugha konyu inyo walimu wa Sharia, angu mwaghuinjire mfunguo ghwa kumanya, inyo mmbeni ndemorengirieghe, na awo werengiagha mkawighiria.”

LUKA 14:3

na Jesu ukaghora na walimu wa Sharia na Mafarisayo ukighamba, “Welee, Sharia edu yarumiriagha kuboisa ituku ja Sabato anguwada?”

LUKA 7:30

Ela Mafarisayo na walimu wa Sharia wereleghieghe ugho mpango ghwa Mlungu, kwa wundu ghwawo, wikalegha kubaputizwa ni Johane.

MABONYO GHA WADUMI 15:3

Niko wikadumwa ni ikanisa, nawo wikiidia Foinike na Samaria, wikaja malagho seji wandu wa mbari zima wimghalukie Mlungu, na wanidu wikaboilwa na ndighi.

MABONYO GHA WADUMI 18:24

Nao Myahudi umu uwangwagha Apolo, uvailo Alekizanderia, ukacha Efeso. Mundu uo orekoghe na wuya ghodeda loli-loli, uichi Maandiko Ghielie na ndighi.

MABONYO GHA WADUMI 19:1

Nao iji Apolo orekoghe Korintho, Paulo ukadamba ukimaria isanga ja lughu na kucha Efeso. Aho ukawikua wanughi wamu.

MABONYO GHA WADUMI 21:5

Ela matuku ghedu ghekaia aho ghiendasia, dikaghenda imbiri na charo chedu; nawo wose chiaimweri na waka na wana, wikadifumira hata shighadi ya muzi; dikadunga ngokoro mbai-mbai ya bahari, dikalomba Mlungu na kulaghana nawo.

MABONYO GHA WADUMI 28:10

Wikadineka zawadi nyingi, hata iji derezoeghe kudamba, wikakumbiria melinyi vilambo vose derekoghe na bea navo.

WAROMA 15:24

nasuwiria kummbona ngelo niidagha ngighenda Spania; mpate kunidambisha ngighenda, nyuma ya kukanya nenyo kwa ngelo ndini ngiboilwa.

1 WAKORINTHO 16:11

Mndungi usemmenye, ela mumtesie ughende imbiri na charo chake kwa sere, upate kuniwuria; angu ini na wanidu, daawuyamsuwiria.

1 WAKORINTHO 16:12

Seji iko aighu ya malagho gha mwanidu Apolo, neremvoyeghe nandighi uchanye na waja wanidu wamu konyu, ela nderewonieghe nicha uche idana. Uchacha iji wapata wulalo.