TITO 1:15 - Biblia Ilagho Jiboie Kwa Wandu Wose

¹⁵ Vindo vose vaelie kwa uo uelie, ela ndekuwadie kindo chingi chielie kwa mundu mmbiwi userumiriagha; kwa kukaia akili na nia rawo reenoneka.

TITO 1:15 Խաչաձեւ Հղումներ

MAKATANISHO 21:4

Wandu wawiwi wadalongozwa ni lubando, na kukujosa, na iyo ni kaung'a.

MAKATANISHO 30:12

Weko wandu wikuwonagha weni kukaia waeli, sena wiseoghoshero wuchafu ghwawo.

HAGAI 2:13

Niko Hagai ukaghamba, “Mndungi ukakaia useelie kwa kuadada gharia, nao uadade chimu cha ivi vindo, welee vikaia viseelie?” Wakohani wikatumbulia, “Ee vikaia viseelie.”

MATHAYO 15:18

Ela agho ghifumagha momunyi ghadafuma ngolonyi, nagho nigho ghimlushagha mundu.

MABONYO GHA WADUMI 10:15

Lwaka lukamchea indo ja kawi lukighamba, “Icho Mlungu uchieleshere oho kusechiwange cha wuchafu.”

WAROMA 14:14

Ini namanya, sena nawona loli andenyi ya Bwana Jesu kukaia ndekuwadie kindo chingi chiseelie kwa asili yake anduangi; ela cheeka chiseelie kwa uo mundu uchigheshagha kukaia ndechielie.

WAROMA 14:20

Msakenona kazi ya Mlungu kwa wundu ghwa vindo. Vindo vose loli vaelie, ela ni ikosa kwa mundu kuwishekeria wazima wikuwe kwa wundu ghwa vindo ujagha.

WAROMA 14:23

Ela uo ujagha uko na kiture, uchasikira kutanywa angu wawuyaja kuseko na irumirio; na icho chose chibonywagha kuseko na irumirio ni kaung'a.

1 WAKORINTHO 10:23

Vilambo vose vaboie, ela si vose vifwanagha; vilambo vose vafwane, ela si vose viaghagha anduangi.

1 WAKORINTHO 10:25

Jenyi icho chose chiuzwagha sokonyi; msakekotia-kotia kwa wundu ghwa nia.

1 WAKORINTHO 10:31

Kwa wundu ugho, ngera mwaja angu kunywa, angu ijo jose m'bonyagha, bonyenyi ghose kwa wundu ghwa wubaa ghwa Mlungu.

1 WAKORINTHO 8:7

Elaima si wandu wose wiko na uko kumanya anduangi. Wandu wamu kwa kuilisa milimu na ndighi, hata idime, iji wakaja vindo, wadaghesha seji loli veefunywa kwa mlimu; na nia rawo ra wunyonge radalushwa.

1 TIMOTHEO 6:5

nao warashana na wandu wisene akili, wilagharilo ni iyo loli, wigheshagha wei kuobua kwa Mlungu ni chia reshama.

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 12:15

Manyenyi mndungi useghusowe ghuja mvono ghwa Mlungu, isechekaia muri ghungi ghwa kuwawa ghubuke na kureda wasi hata kuwilusha wandu wengi.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.