NEHEMIA 9:37 - Biblia Ilagho Jiboie Kwa Wandu Wose

³⁷ Mavalo gharo mengi ghaawuyaghenjwa kwa wazuri kuwiwikia widibonyere nguma kwa wundu ghwa kaung'a redu. Waawuyabonya seji wikunde aighu yedu, na mfugho redu, nesi deko na wasi m'baa.”

NEHEMIA 9:37 Խաչաձեւ Հղումներ

EZRA 4:13

Kwa huwo kumanye ee mzuri kukaia muzi ughu ghukaaghwa, na wurigha ghwaro ghusie, wandu awa ndewichaalipa kodi na wushuru, na pesa ra wuzuri richaapungua.

EZRA 6:8

Aighu ya agho, namlaghira muwitesie kuiagha. Gharama raro rilipo ni mfuko ghwa wuzuri ripatikagha kufuma kwa kodi ipatikagha masanga gha magharibi ya Moda ghwa Eufrate, eri kazi isenono.

EZRA 7:24

Ndemuna rusa elomba kodi angu wushuru kwa mkohani ungi, Walawi, wabori, walindiri, angu wadumiki wa Hekalu, angu wadumiki wazima wa iyo Hekalu.

NEHEMIA 5:8

ngighamba, “Isi datimie seji didimagha kuwighua wanidu Wayahudi wikuuzire weni kwa iro mbari ra wandu. Ela inyo mwaawuyawibonya wanyinyu wikuuze weni konyu inyo waruna Wayahudi.” Wabaa wikanyama kima wikasowa jeghora.

KILILO CHA JEREMIA 5:5

Daawuyadumikishwa kwa ndighi; dasirilo, ela ndedinekwagha kuhora kungi.

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

JOHANE 8:33

Wikatumbulia, “Isi deko kivalwa cha Abrahamu, hata na jingi ndederekoghe wazumba wa mndungi anduangi. Kwaki kughambagha wei, ‘Mchakaia wakitina.’”

WUKUMBUSO 28:33

Mbari kuseiichi, ichaja vindo kuvilimie kwa wasi, na oho kuchadua kukikorongwa na kubonywa kiwiwi;

WUKUMBUSO 28:39

Kuchawa mizabibu na kuialia, ela ndekuchaanywa divei hata kuwaya zabibu; kwa kukaia richajighwa ni kivunyu.

WUKUMBUSO 28:48

kwa wundu ugho, kuchawidumikia wamaiza wako, awo BWANA uchaawiduma kulwa na oho, kuko njala, na kau, kuko duu, sena kwasowekelwa ni vilambo vose. Nao uchakukoronga nandighi, hata umerie kukutotesha putu.

WUKUMBUSO 28:51

nawo wichaja mfugho rako na vindo vako kulimie hata kwatoteshwa; ndewichaakusighia viro vako, angu wana wako wa ng'ondi; hata wimerie kukutotesha.