NEHEMIA 7:2 - Biblia Ilagho Jiboie Kwa Wandu Wose

² Ngawika wandu wawi wikaie wazighaniri wa muzi ghwa Jerusalemu. Wandu awa ni mwanedu Hanani na Hanania m'baa wa ngome. Hanania orekoghe mundu osuwirilwa na mwoboi Mlungu kuchumba wengi.

NEHEMIA 7:2 Խաչաձեւ Հղումներ

KUZOYA 42:18

Nao ituku ja kadadu Josefu ukawizera, “Ini namuobuagha Mlungu, bonyenyi huwu mpate kukaia moyo:

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

1 WAZURI 18:12

Na nyuma ya kukusigha, Roho wa BWANA uchakudwa andu nisekumanyagha. Ahabu ukacha na kukusowa ngelo namzera wei koko aha, uchanibwagha. Kumbuka ini mdumiki wako ne mtasi Mlungu kufuma wanake ghwapo.

1 WAZURI 18:3

Ahabu ukammbanga Obadia, uo orekoghe mzighaniri wa nyumba yake, (Obadia orekoghe mtasi m'baa wa Mlungu;

NEHEMIA 1:2

Mwanidu umu uwangwaghwa Hanani ukacha kufuma Juda, chiaimweri na wandu wamu. Ngawikotia malagho gha Jerusalemu na gha wayahudi awo werefufunukieghe wisebarishiro cha Babuloni.

NEHEMIA 10:23

Hoshea, Hanania, Hashuhu,

NEHEMIA 13:13

Ngawika wandu winughagha wikaie wazighaniri wa stoo rewika vilambo: mkohani Shelemia, mwalimu wa Sharia Zadoku, na Mlawi uwangwaghwa Pedaia; na mtesia wawo ukakaia Hanani mwana wa Zakuri, wawae Matania, angu neremanyireghe werekoghe waloli, na kazi yawo erekoghe kuwiwaghia waruna vindo.

NEHEMIA 2:8

Wokoni ngalomba barua kwa Asafu mlindiri wa msidu ghwa mzuri; eri unineke midi ebonya misumbati ya mbenge reghenda cha Hekalunyi, na reagha wurigha ghwa muzi, na nyumba iyo nichaakaia. Mzuri ukanineka malombi ghapo, angu Mlungu orekoghe chiaimweri nani.

NEHEMIA 5:15

Kula m'baa wa awo werekoghe imbiri yapo, werewidukishireghe wandu misigo ilemere, nawo werekoghe wikiwusa kufuma kwa wandu vindo na divei, kula na vibelele va feza mirongo ina. Hata wadumiki wawo werekoghe wikiwikoronga wandu. Ela ini serebonyagha huwo angu neremuobueghe Mlungu.

NEHEMIA 7:3

Ngawizera, wiserughuo mbenge ra Jerusalemu nakesho hata iruwa jajoka putu; na sena rirugho na vuma imbiri walindiri wiseghendie iruwa jikaneng'ena. Walindiri muwikagha wikaie ni wandu wa ahaeni Jerusalemu; wamu wezighana andu kumu kwa suti, na wamu wezighanagha andu nyumba rawo riko.

AYUBU 1:1

Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

ZABURI 101:6

Nichawirumiria awo wiko waloli isangenyi, wikanyeghee nani; uo usebonyagha ikosa uchanidumikia.

KUFUMA 18:21

Sena aighu ya agho, kusaghuo wandu wiko na kudima, wimuobuagha Mlungu, wandu wirumirikie wisekunde kuhongwa; nao kuwiwike wikaie vilongozi va wandu. Wamu wikaie wezighana wandu wa maelfu, wamu wezighana wa maghana na wamu mirongo misanu, na wazima wa makumi.

DANIELI 6:4

Niko waja wabaa wawi na waja wabaa wazima wikawoka kulola ilagho jingi jedima kumshitakia Danieli kwa wundu ghwa kuwona seji Danieli wawuyaghenjesha wuzuri, ela ndewerepatireghe ilagho jingi hata ikosa jingi kwa Danieli, kwa kukaia orekoghe mloli.

MITALO 12:7

Ela huwo siko kungi nibonyagha na mdumiki wapo Musa; uo wawikilo aighu ya nyumba yapo yose.

MATHAYO 24:45

“Nani uo mdumiki uko mloli na wa akili, uo bwana wake uchaammbika aighu ya wandu wake, uwineke vindo kwa kimu charo?

MATHAYO 25:21

Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’

1 WAKORINTHO 4:2

Sena yakundikie wazighaniri wikaie waloli.

2 TIMOTHEO 2:2

Na agho kughisikire ngighora imbiri ya washahidi wengi, kuwifundishe wandu wazima wiko wa loli, awo wichaadima kuwifundisha wazima wokoni.