NAHUMU 2:5 - Biblia Ilagho Jiboie Kwa Wandu Wose

⁵ Wabaa wa majeshi waawuyawangwa; waawuyaghenda imbiri wikikuwa, washashira kuvika wurighenyi, na kuwika kighirio chetangala mtambo ghovuchua wurigha.

NAHUMU 2:5 Խաչաձեւ Հղումներ

JEREMIA 46:12

Iro mbari ra wandu ramerie kusikira malagho ghenyu gha waya, wandu wose wa ndoenyi wamsikire mkilila; kwa kukaia masikari wakuwarishane weni na weni, na wose wikaghwa chiaimweri.

NAHUMU 3:18

Ee mzuri wa Ashuru, wabonyi nguma wako wafwa; wandu wako wa ishima wameria kufwa. Wandu wako wasaghisika aighu mighondinyi; wasowa mndungi owitumbanya.

NAHUMU 3:3

Wajoki farasi wiarijoka; chufu riakaaka na mafumu kung'alishwa; majeshi ghabwaghwa! Kitungu cha gharia na mimbi ifue isene mtalo; wandu wiakuwarwa ni mimbi ifue.

JEREMIA 50:29

“Wizerenyi wakumbi mawanu wichelasa wandu wa Babuloni, ee, awo wose witumiagha ndana. Bonyenyi kambi mughurughaie muzi, mndungi wawo usefufunuke. Mlipenyi karakara na mabonyo ghake, mum'bonyere agho ghose karakara sa iji koni orebonyereghe, kwa kukaia wakukasire ukanimenya ini BWANA Mlungu, uo Mweli wa Israeli.

ISAYA 21:5

Nawona karamu yakaia tayari; meza yaalwa, waja kuja na kunywa. Wukenyi inyo m'bonyagha nguma, m'boise ngao renyu.

ISAYA 5:27

Ndewisilwagha hata ndewikuwagha, ndewidungumiagha hata ndewilalagha; mkowa ghwa kiwonunyi ndeghufungukagha, hata kamba ya chadu ndeidumbukagha anduangi.

NAHUMU 2:6

Mbenge ra cha modenyi rarughuka, wandu wa ngomenyi ya mzuri wangilwa ni wowa.

HABAKUKI 1:8

“Farasi rawo raangue kuchumba inge; rabirie kuchumba vikwau vasinda njala. Wajoki farasi wawo wacha wikirama-rama wikukasire wafuma kula; waghenda na iseghe sa indu rikunde kufondia madiwo ghawo.