NAHUMU 2:4 - Biblia Ilagho Jiboie Kwa Wandu Wose

⁴ Magare ghiaida na iseghe chienyi; ghiaenda iichia na iichia kiwachenyi; ghiaaka sa tochi; ghiaida sa luhehia.

NAHUMU 2:4 Խաչաձեւ Հղումներ

MAKATANISHO 31:21

Ndeobuagha mbeo ibirie, angu wandu wa nyumbenyi kwake wirushiro nguwo ra modo.

ISAYA 37:24

Kwadumie wadumiki wako winiseke ini BWANA, kukaghora wei kwajokie mighondinyi na magare ghako; kukajoka hata koigu Lebanoni, kukaghusha iyo misida yake milacha na iyo misumbesu yake iboie; kukajoka hata andu kwaro kwa ighu hata kondenyi msidunyi ghwake ghukambie.

ISAYA 66:15

BWANA uchacha na modo, na magare ghiendagha na iseghe sa mbeo upate kuwonyera worinyi machu ghake ghibirie na kukania kwake sa lumu lwa modo.

JEREMIA 4:13

Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

JEREMIA 46:9

Funyenyi momu farasi rikimbie, na magare ghizoe kughenda. Masikari ndeghifume shighadi, wandu wa Ethiopia na Libya ndewiwade ngao, na wandu wa Ludi awo wiichi kutumia ndana.’”

EZEKIELI 23:24

Nawo wichacha kufuma kaskazinyi kukukaba, wiko na magare na ijeshi ja wandu. Wichakukaba kwa kula chia, wiko na ngao ndini na mbaa, na kofia ra shaba. Nichawineka nguma retanya, nawo wichakutanya oho karakara na mawoni ghawo.

EZEKIELI 26:10

Farasi rake richakaia nyingi, rifukire teri ikufinikire. Mawurigha ghako ghichasughusika ingelo wajoki farasi wakaida na magare, ukingia mbengenyi ra muzi ghwavuchulwa.

EZEKIELI 26:7

Bwana MLUNGU waghamba huwu, “Ola nichamreda Nebukadnezari mzuri wa Babuloni kufuma cha kaskazinyi, nao ni mzuri aighu ya wazuri, uchelwa na Tiro, nao uchacha na farasi, na magare, na wajoki farasi, ijeshi ja masikari mengi.

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.