MITALO 27:3 - Biblia Ilagho Jiboie Kwa Wandu Wose

³ “Aba orefueghe kireti. Uo nderekoghe aghadi ya waja wandu werekwaneghe na Kora wikimtangala ela odefwa kwa kaung'a rake moni; nao nderewadieghe wana wa womi.

MITALO 27:3 Խաչաձեւ Հղումներ

EZEKIELI 18:4

Olenyi roho rose ni rapo, roho ya aba na roho ya mwana wori; na roho ibonyagha kaung'a niyo ifwagha.

MITALO 14:35

Ini BWANA, naghamba; loli nichajibonyera huwu izungu iji jose ja wandu wawiwi winitangalagha: wichasiria aeni aha kireti putu, nawo wichafuya aeni aha.’”

MITALO 16:19

Na Kora ukajikwanya izungu jose ja wandu mnyangonyi ghwa Hema ekwania kuwilangaya Musa na Haruni; na ugho wubaa ghwa BWANA ghukawoneka izungunyi jose ja wandu.

MITALO 16:49

Na awo wandu werebwaghiloghe ni saka, werekoghe elfu ikumi na inya na maghana mfungade; waja werefueghe kwa maza ra Kora wiko mbai.

MITALO 26:33

Selofehadi mwana wa Heferi nderenee wana wa womi, ela odeeka na wa waka. Marina ghawo nigho agha: Mahla, Noa, Hogla, Milka, na Tirza.

MITALO 27:2

Wikacha na kukaia kimusi imbiri ya Musa, na mkohani Eleazari, na vilongozi, na wandu wa izungu jose mnyangonyi ghwa Hema ekwania, wikaghamba,

MITALO 27:4

Da usowa wada irina aghadi ya kivalwa chake angu wei userewadieghe mwana wa womi? Dinekenyi ndoe aghadi ya weke mruna-aba.”

JOHANE 8:21

Nao Jesu ukawizera sena, “Nichaghenda noko nenyo mchanilola, ela mchafwa kaung'enyi konyu. Andu nighendagha, inyo ndemdimagha kucha anduangi.”

JOHANE 8:24

Huwo niko namzera angu mchafwa kaung'enyi konyu. Nenyo mchafwa kaung'enyi konyu ngera mserumiriagha angu ‘Ini Nuo Moni.’”

WAROMA 5:12

Kwa huwo, sa iji kaung'a erengirieghe wurumwengunyi kwa chia ya mundu umweri, na iyo kaung'a ikareda kifwa, huwo koni kifwa chaidie na kungia kwa wandu wose; angu wose wabonyere kaung'a.

WAROMA 5:21

eri sa iji koni kaung'a erebonyereghe nguma andenyi ya kifwa, mvono nagho ghubonye nguma kwa chia ya hachi, kuvikia irangi ja kala na kala kwa chia ya Jesu Kristo Bwana odu.

WAROMA 6:23

Angu mafungu gha kaung'a ni kifwa, ela inosi ja Mlungu ni irangi ja kala na kala andenyi ya Kristo Jesu Bwana odu.