MIKA 6:8 - Biblia Ilagho Jiboie Kwa Wandu Wose

⁸ Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

MIKA 6:8 Խաչաձեւ Հղումներ

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

KUZOYA 5:22

Nyuma ya Methusela kuvalwa, Enoko ukawadana na Mlungu kwa miaka maghana adadu, nao ukava wana wamu wa womi na wa waka.

2 MALAGHO GHA NGELO 30:11

Wandu watini wa Asheri, na wa Manase, na wa Zebluni wiekeri niwo werekuserieghe weni wikacha Jerusalemu.

2 MALAGHO GHA NGELO 32:26

Ela Hezekia uendakusera, uo moni na wandu wikaiagha Jerusalemu, BWANA ndechewikaba matuku ghake.

2 MALAGHO GHA NGELO 33:19

Ilombi jake, na seji oremvoyeghe Mlungu ukasikirwa, kaung'a rake, na kusowa wuloli kwake, na andu oreaghieghe andu kotasira mighondinyi, na kuwika fwana ra mlungu ghwa waka Ashera, na fwana ra milimu imbiri usekuserie moni ghaandikilo andenyi ya Malagho gha Ngelo gha Mmboni.

2 MALAGHO GHA NGELO 33:23

Hata nderekuserieghe imbiri ya BWANA seji ndee Manase orebonyereghe. Ela uo Amoni orechurieghe kungia makosenyi kuchumba.

2 MALAGHO GHA NGELO 34:27

ghikakubonya kuhee na kukusera imbiri yapo kwendasikira kukaia nichakaba andu aha na wandu waro, kukakusera imbiri yapo, kukarashua nguwo rako na kulila, ini wori nakusikira.

NEHEMIA 9:13

Koreserieghe kufuma mlungunyi aighu ya Mghondi ghwa Sinai; kukaghora na wandu wako kufuma mlungunyi; kukawineka Sharia ndicha, na mafundisho gha loli.

ZABURI 101:1

Nichakuboria lumbo ee BWANA; nichakuboria malagho gha wuloli na gha hachi.

ZABURI 112:4

Mwengere ghwadalangala akirenyi, kwa wandu wiko wa mvono, na wughoma, na hachi.

ZABURI 112:9

Wadaneka wakiwa mali rake duu; wughoma ghwake ndeghusiagha; uchakaia na ndighi nyingi na kunekwa ishima ibaa.

ZABURI 37:26

Ngelo rose wadaneka kwa ishima na kukopesha, na wana wake, wawuya marasimio.

ZABURI 73:28

Ela ini, ni nicha nikaie kaavui na Mlungu; nipate wulindiri ghwa Bwana MLUNGU, na kueresha malagho gha kazi rake rose.

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

ISAYA 56:1

BWANA wawizera wandu wake huwu: “Wadienyi loli m'bonye hachi, angu kukia kwapo kuchacha kafwani; nako kuchafunukuka worinyi.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

JEREMIA 22:16

Oretanyireghe kwa hachi maza ra mkiwa na uo usowie, nao ukawona nicha. Uko niko kuwangwagha kummanya BWANA.

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

JEREMIA 9:23

BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

KILILO CHA JEREMIA 3:26

Kwa huwo ni nicha diwesere kwa irumaghio; dimmbesere udikire.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

EZEKIELI 33:14

Sena ngamzera mundu mmbiwi, ‘Loli kuchafwa,’ nao ughaluke na kuisigha kaung'a yake, na kubonya agho ghiko gha loli na gha hachi,

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

HOSEA 12:6

Kwa huwo idana inyo kivalwa cha Jakobo, muwuye kwa Mlungu onyu; mumrumirie na kukuzaisira lukundo na hachi, mummbeserie Mlungu onyu kwa kurumaghia upate kum'bonyera hachi.

HOSEA 6:6

Nadaboilwa ni lukundo lukatie kuchumba vizongona; nadaboilwa iji wandu wanimanya kuchumba kunifunyira vizongona vekora.

WALAWI 26:41

nani ngawilegha na kuwireda andenyi ya isanga ja wamaiza wawo; wikaghaluka ngolonyi kwawo na kukusera, hata wiboise makosa ghawo,

AMOSI 5:24

Ela hachi ndeidike-dike sa machi, na loli idike sa kamoda kiseomagha.

MIKA 6:9

Kuobua kwa BWANA niyo hikima. BWANA waawuyawanga mzinyi, “Sikirenyi inyo wandu mkwanyikagha mzinyi!

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

ZEKARIA 7:9

“Kala nerewinekieghe wandu wapo sharia iri: ‘Mlindie kubonya hachi, mkaie na wughoma mmbeni na mmbeni.

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

MATHAYO 5:7

Warasimilwa awa wiko na wughoma, angu awo wichafuilwa wughoma.

LUKA 10:42

jeekundika ilagho jimweri tu, Maria waasaghua ifungu icha, najo ndechaasokwa ni mndungi anduangi.”

LUKA 11:42

“Ela ni bugha konyu inyo Mafarisayo, angu mwafunya mafunyo gha malemba gha marumba mecha, na kula mbogha, ela mwaisigha hachi na lukundo lwa Mlungu. Maza iri eremfwanieghe muribonye, na iro zima wori mserisighe.

LUKA 12:14

Jesu ukatumbulia, “Ee mundu, nani orenibonyereghe nikaie mtanyi angu mmbaghanyi aghadi konyu?”

LUKA 6:36

Mkaie na wughoma sa iji Ndeyo onyu uko na wughoma.

WAROMA 7:16

Idana angu naawuyabonya ijo nisejikunde, iawonyera naawuyarumiria wori Sharia yaboie.

WAROMA 9:20

Oho nani ee mdamu kudimagha kumtumbulia Mlungu? Nyungu ya wongo yadima kumkotia uo uivimbie, “Kwaki kunivimbie wa huwu?”

1 WAKORINTHO 7:16

Kwamanya wada oho muka, kewada kwadima kumkira mmigho? Na oho mndwawomi, kwamanya wada kewada kwadima kumkira mkako?

WAEFESO 4:32

nenyo m'bonyerane nicha mmbeni na mmbeni. Mkaie na ngolo ya kinyoshi, mkifuyana wughoma mmbeni na mmbeni; sa iji koni Mlungu oremfueghe wughoma andenyi ya Kristo.

WUKUMBUSO 27:10

kwa huwo mumsikire na kuwadia sharia rake rose nimnekagha idime.”

WUKUMBUSO 30:15

“Ola idime nawika imbiri konyu wucha na wuwiwi; irangi na kifwa.

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

2 WATHESALONIKE 2:16

Idana Bwana odu Jesu Kristo moni, na Mlungu Aba odu, uo oredikundieghe na kudineka wuhoreshi ghwa ngolo kwa kala na kala, na isuwirio icha, kwa chia ya mvono;

JAKOBO 2:20

Welee, kwakunde kuwonyero oho mundu wa maghesho mavui seji irumirio jisene mabonyo jisevagha?

JOSHUA 24:14

Joshua ukachuria kughora, “Idana mumneke ishima na kumdumikia BWANA kwa ngolo na kwa wuloli, muinje nambai milungu ya weke ndeyo wereidumikieghe aho Mesopotamia na Misri, mpate kumdumikia BWANA.

1 PETRO 3:8

Kutua, inyo mmbose mkaie na wumweri ghwa roho, wughoma, lukundo lwa wanidu, ngolo inyoshere, na nia ya kukusera.

1 SAMUELI 12:23

Aighu ya agho, hata ini moni ndeinifwane putu kum'bonyera BWANA kaung'a esigha kumlombia inyo, ela wulalo ghwaro, nichamfundisha chia iboie na ya loli.

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.