MIKA 6:6 - Biblia Ilagho Jiboie Kwa Wandu Wose

⁶ Ngakacha kumtasa BWANA Mlungu uko mlungunyi, nimdwaia kii? Niamdwaia ngache riboie kwa vizongona vekoraa anguwada?

MIKA 6:6 Խաչաձեւ Հղումներ

2 SAMUELI 21:3

Daudi ukawizera wandu wa Gibeoni, “Mwakunde nim'bonyereki? Ni chiaki nichaabonya kureda mapatano, eri muelo ni ngolo na wandu wa BWANA?”

ZABURI 116:12

Nimnekaki BWANA kwa wucha ghwake ghose unibonyere?

ZABURI 22:29

Wandu wose wa ndoenyi wikukasire, wichamghoghomia; awo wose wifwagha wichamdungia ngokoro hee, hata uo usedimagha kukuwika moyo moni.

ZABURI 95:2

Diche imbiri kwake dikimfunyira chawucha, dimzumie kwa kum'boria makaso.

ZABURI 95:6

Choonyi dighoghome dimtase; dimdungie ngokoro BWANA Muumbi odu.

KUFUMA 12:5

Kwadima kusaghua mwana wa ng'ondi angu wa mburi uboie wa mwaka ghumweri usewadie ikosa jingi.

KUFUMA 23:15

Mori ghwa Abibu, ugho korefumieghe Misri, kunibonyere Ndima ya Mikate Isewadie Chachu, seji nerekulaghirieghe. Kuseje mkate ghungi ghuko na chachu ngelo ya ndima iyo kwa matuku mfungade. Mndungi useche kunitasa usedwae mafunyo.

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

ISAYA 40:16

Midi yose ya Lebanoni ndeikatagha kwa mbande, hata nyamandu raro nderikatagha kwa kufunya kizongona chekora.

JEREMIA 6:20

Ugho ubani kufuma Sheba niredelwa ghwaki? Na marumba kufuma isanga ja kula? Vizongona venyu vekora sivirumirie, hata siwueboilwa ni vizongona venyu putu.

EZEKIELI 46:9

“Iji wandu wa isanga wacha kumtasa BWANA ngelo ra ndima rilaghirilo, uo ose uchaangia na mbenge ya kaskazinyi kumtasa BWANA, ngelo efuma uchatumia mbenge ya kusinyi; na uo ungiagha na mbenge ya kusinyi, uchafuma na mbenge ya kaskazinyi. Mndungi ndechaafuma kwa chia ya ija mbenge cheni wangiria, ela ukangia uchaghenda kiimbiri ukifuma.

DANIELI 3:26

Niko Nebukadnezari ukasoghoda kaavui na iwiwi ja modo ukaghamba, “Shadraka, Meshaki, na Abednego, wadumiki wa Mlungu Uko Aighu Na Ndighi, fumenyi shwa-shwa, muche aha!” Nao Shadraka, na Meshaki, na Abednego wikafuma modonyi.

DANIELI 4:9

Ee Belteshazari, m'baa wa wasawi, kwa kukaia naichi roho ya milungu ielie eko andenyi kwako, hata ndekuwadie ngasu ingi ikurie kwako, ola ndodo hei niilodere, kunimanyishe kutambua kwaro.

DANIELI 5:18

Ee mzuri, Mlungu, Uo-Uko-Aighu-Nandighi, oremnekieghe ndeyo Nebukadnezari wuzuri, ndigi na wubaa, na nguma.

DANIELI 5:21

Orefunyiroghe kwa wandu, akili rake rikaghaluswa rikawuya ra nyamandu, ukakaianya na furo na kuja nyasi sa ng'ombe; mumbi ghwake ghukakabwa ni mami kwa mishushure ya mlungunyi hata ukatambua kukaia Uo-Uko-Aighu-Nandighi wabonyeragha mawuzuri gha ndoenyi nguma, na kummbika m'baa uo ose umkundagha.

HOSEA 5:6

Wafunya mfugho rawo vizongona wikimlola BWANA, ela ndevitesiagha. Ndewimmbonagha angu uwisighie.

AMOSI 5:22

Hata ngera mwanifunyira vizongona venyu vekora na vizongona va viro, sichaavirumiria anduangi; sichaavirumiria vizongona venyu va nyamandu ribandie anduangi.

MITALO 7:51

mwanwanjau umweri, bauru imweri, mwana wa ng'ondi umweri wa womi wa mwaka ghumweri kwa wundu ghwa kizongona chekora,

MATHAYO 19:16

Nao mndumu ukamchea Jesu ukamkotia ukighamba, “Mwalimu, nibonye ilaghoki icha eri nijipate irangi ja kala na kala?”

MARKO 12:33

Na kumkunda kwa ngolo yose, na kwa akili rose, na kwa ndighi rose, na kumkunda mmbenyu sa iji kukukunde kumoni, kwachumba putu vizongona vose.”

MARKO 5:7

ukakema na lwaka lubaa ukighamba, “Nawadieki kwako Jesu Mwana wa Mlungu Uko-Aighu-Nandighi? Nakuvoya kwa irina ja Mlungu, kusakenitirira!”

LUKA 10:25

Nao mwalimu umu wa Sharia ukacha kumtima ukighamba, “Mwalimu, nibonye wada ima nipate ifwa ja irangi ja kala na kala?”

JOHANE 6:26

Jesu ukawitumbulia, “Namghoria loli, mwaawuyanilola, si angu morewonieghe uja mwakilimbiti anduangi, ela ni iji morejieghe ija mikate mkaghuda.

MABONYO GHA WADUMI 16:17

Ukamnugha Paulo andwamweri nesi ukighora kwa lwaka lubaa, “Wandu awa ni wadumiki wa Mlungu Uko Aighu Na Ndighi, nawo wamchilia malagho gha kukia.”

MABONYO GHA WADUMI 16:30

Ukawifunya shighadi ukaghamba, “Weke bwana, nibonya wada nipate kukia?”

MABONYO GHA WADUMI 2:37

Nao iji wereghisikireghe agho, wikadungwa ngolonyi kwawo wikamzera Petro na wadumi wambao, “Dibonya wada wanidu?”

WAEFESO 3:14

Kwa wundu ughu, namdungia ngokoro uja Aba,

WAEBRANIA 10:11

Na kula mkohani wadabonya wudumiki ghwake ituku ituku kalazi koni, ukifunya vizongona vija veni, ivo jingi visedimagha kuinja kaung'a.

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.