MIKA 1:1 - Biblia Ilagho Jiboie Kwa Wandu Wose

¹ Ngelo Jothamu, na Ahazi, na Hezekia werekoghe wazuri wa Juda, BWANA oreghorieghe na Mika, mundu wa muzi ghwa Moreshethi. BWANA ukamfunukuya malagho agha aighu ya Samaria na Jerusalemu.

MIKA 1:1 Խաչաձեւ Հղումներ

2 WAZURI 15:32

Mwaka ghwa kawi ghwa kubonya nguma kwa Peka mwana wa Remalia, mzuri wa Israeli, niko Jothamu mwana wa Uzia mzuri wa Juda uzoe kubonya nguma.

2 WAZURI 15:5

Niko BWANA ukamkaba mzuri, ukawadwa ni sima hata ituku ja kufwa kwake; ukadua uekeri andenyi ya nyumba ya chiaro. Mwana wake Jothamu nuo orekoghe mzighaniri wa nyumba yose; ukawibonyera wandu nguma isangenyi.

2 WAZURI 16:1

Mwaka ghwa ikumi na mfungade ghwa kubonya nguma kwa Peka mwana wa Remalia, mzuri wa Israeli, niko Ahazi mwana wa Jothamu orewurieghe mzuri wa Juda.

2 WAZURI 18:1

Mwaka ghwa kadadu ghwa kubonya nguma kwa Hoshea mwana wa Ela, mzuri wa Israeli, niko Hezekia mwana wa Ahazi mzuri wa Juda orezoeghe kubonya nguma.

2 MALAGHO GHA NGELO 28:1

Ahazi orekoghe mundu wa irika ja miaka mirongo iwi iji orezoyagha kubonya nguma. Ukabonya nguma Jerusalemu miaka ikumi na irandadu. Nao nderebonyereghe mecha imbiri ya BWANA sa ndee Daudi;

2 MALAGHO GHA NGELO 29:1

Hezekia orezoeghe kubonya nguma uko mundu wa irika ja miaka mirongo iwi na misanu; ukabonya nguma Jerusalemu miaka mirongo iwi na ikenda. Mae orewangwagha Abija mwai wa Zekaria.

ISAYA 1:1

Mawono gha Isaya mwana wa Amozi, oreghiwonieghe kwa wundu ghwa Juda na Jerusalemu; matuku gha Uzia, Jothamu, Ahazi, na Hezekia wazuri wa Juda.

ISAYA 1:2

Sikirenyi, ee mlungunyi, kudeghe kudu, ee ndoenyi, angu BWANA waghamba, “Nalelie wana wikazoghua, ela wanilegha.

ISAYA 7:1

Ngelo ya Mzuri Ahazi, mwana wa Jothamu, wawae Uzia, mzuri wa Juda, Resini mzuri wa Siria na Peka mwana wa Remalia, mzuri wa Israeli, werechieghe Jerusalemu kubonya wuda, ela ndeweredimieghe kughuwada ugho muzi anduangi.

ISAYA 7:9

Muzi m'baa ghwa Israeli ni Samaria, na m'baa waro ni Mzuri Peka mwana wa Remalia. Kukalegha kurumiria, loli ndekuchaamanga.’”

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

HOSEA 1:1

Iji nijo ilagho ja BWANA oremnekieghe Hosea mwana wa Beeri ngelo Uzia, na Jothamu, na Ahazi, na Hezekia, werekoghe wazuri wa Juda; na wokoni iji Jeroboamu mwana wa Joashi orekoghe mzuri wa Israeli.

HOSEA 4:15

“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’

HOSEA 8:14

“Wandu wa Israeli waaghie ngome, ela wamliwie Muumbi wawo. Wandu wa Juda waaghie mizi ya ngome, ela nichaduma modo aighu ya iyo mizi ghukore ngome na mizi yawo.”

AMOSI 1:1

Agha ni malagho gha Amosi, uo orekoghe umu wa walisha wa Tekoa. Miaka iwi imbiri ya msughusiko ghwa ndoe, Mlungu oremfunukueghe Amosi maza aighu ya Israeli iji Uzia orekoghe mzuri wa Juda, na Jeroboamu mwana wa Joashi orekoghe mzuri wa Israeli.

AMOSI 6:1

Ni bugha konyu inyo mkaiagha kwa raha Sioni na kwa inyo mmbonagha kukaia moko nicha Samaria; inyo wandu wabaa wa iyo mbari mbaa ya Israeli wesuwirilwa ni wandu wa Israeli.

MIKA 1:5

Agha ghose ghaawuyacha angu wandu wa Israeli wibonyere kaung'a, na kumlegha Mlungu. Nani uko mkosa ima Israeli kaleghagha Mlungu? Welee, si Samaria cheni? Nani uko mkosi otasa milimu andenyi ya Juda? Welee, si Jerusalemu cheni?

MIKA 3:9

Nisikirenyi inyo wabonyi nguma wa Israeli, mzamilwagha ni kubonya hachi na kughalua loli iwuye tee.

HABAKUKI 1:1

Agha ni mawono gha Mlungu gherefunukuloghe mlodi Habakuki.

2 PETRO 1:21

angu na jingi wulodi ghungi ndeghorechieghe kwa ndighi ya mdamu anduangi, ela wandu wereghorieghe malagho ghifumie kwa Mlungu, wikinyavurishwa ni Roho Mweli.