MCHILI 9:7 - Biblia Ilagho Jiboie Kwa Wandu Wose

⁷ Ghenda kuje vindo vako kukaie na kuboilwa; kunyo divei yako kukaie na iseko, angu Mlungu wakurumirie.

MCHILI 9:7 Խաչաձեւ Հղումներ

KUZOYA 12:19

Kwaki koreghoragha wei ni mwanyinyu; kukanishekeria ngammbusa ukaie muka wapo? Idana muka wako hoyo, mmbwade mfume noko.”

1 WAZURI 8:66

Ituku ja wunyanya, ukalaghana na wandu wikaghala. Wandu wose wikamkuma mzuri na kughenda cha mizinyi kwawo kwa kuboilwa kubaa kwa wundu ghwa wucha ghose BWANA ughubonyere kwa mdumiki wake Daudi na kwa wandu wake Israeli.

MCHILI 10:19

Karamu yadaredia wandu maboilo, na divei yadasekesha wandu, ela pesa niyo ikatishagha maza rose.

MCHILI 11:8

Mundu ukakaia moyo miaka mingi, ndefunye chawucha andenyi ya matuku gha irangi jake; ela ukumbuke kukaia uchafwa. Iro naro ni maza ra duu.

MCHILI 5:18

Neechawona huwu: ilagho jiboie putu ni mundu kuja na kunywa na kuboilwanya na icho uchibonyere kazi ngelo ya irangi jake ivui unekelo ni Mlungu. Iji nijo ifungu ja mdamu.

MCHILI 7:14

Malagho ghikakuendia nicha, kuboilo; kukapatwa ni wasi, kuririkanye. Malagho ghose ghadabonywa ni Mlungu, eri mdamu usemanye agho ghimcheagha.

MCHILI 8:15

Kwa huwo naawuyarumiriana na maboilo gha irangi, kwa kukaia ndekuwadie ilagho jingi jiboie kuchumba kwa mdamu uko wurumwengunyi, jichumbagha kuja, na kunywa na kuboilwa. Niko uchaadua ukiboilwa kazinyi kwake matuku ghose gha irangi jake Mlungu uchaamneka wurumwengunyi.

MITALO 6:20

Niko mkohani uchavisughusa vikaie kizongona chesughuswa imbiri ya BWANA; ivo ni vindo vieleshero va mkohani, chiaimweri na kidari chisughusiro, na bara; konyuma uo Mnaziri wadima kunywa divei.

MARKO 7:29

Jesu ukamzera, “Kwa ilagho iji, kwende chia yako. Pepo yamfuma mwana wako.”

LUKA 11:41

Ela funyenyi makuwio gha ivo viko nandenyi, nenyo olenyi vilambo vose vichakaia vielie konyu.

JOHANE 4:50

Jesu ukamzera, “Ghenda, mwanwako uchakaia moyo.” Nao uja m'baa ukajirumiria ilagho jija jereghoreloghe ni Jesu ukaghenda chia yake.

MABONYO GHA WADUMI 10:35

ela mundu uo ose wa kula mbari umuobuagha uo, na kubonya agho ghiko gha hachi, wadamrumiria.

WUKUMBUSO 12:12

Nenyo mchaboilwa imbiri ya BWANA Mlungu onyu; chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu uo usewadie ifungu angu ifwa jingi ja isanga chiaimweri nenyo.

WUKUMBUSO 12:7

Aho mchaja imbiri ya BWANA Mlungu onyu, nenyo mchaboilwa chiaimweri na nyumba renyu kwa wundu ghwa agho ghose m'bonyagha, kwa agho BWANA Mlungu onyu umrasimie.

RUTHU 3:7

Hata iji Boazi wameria kuja na kunywa, na ngolo yake kusikira nicha, ukaghenda konenyi andu mabunda gha shairi gheretumbanyiroghe, ukalala aho. Niko Ruthu ukacha mboa-mboa kwa kiviso ukamfunukua Boazi nguwo wakufinikira cha maghunyi; ukalala aho maghunyi.