MCHILI 9:2 - Biblia Ilagho Jiboie Kwa Wandu Wose

² Wandu wose wadapata ifungu jimweri. Kutua kumweri kwa mhachi na kwa mmbiwi; kwa mundu uboie na uzamie; kwa mundu uelie na useelie; kwa mundu ufunyagha vizongona na uo usefunyagha. Mundu uboie ndemchumbie mkaung'a na uo ughemagha ndemchumbie uo useghemagha.

MCHILI 9:2 Խաչաձեւ Հղումներ

KUZOYA 24:3

nani nichakughemesha kwa irina ja BWANA, Mlungu wa mlungunyi na ndoenyi, angu ndekuchaamlolia mwana wapo muka kufuma kwa Wakanaani awa nawuyakaia aghadi kwawo.

AYUBU 9:22

Ghose ni kara kara; niko naghamba wadatotesha wose wecha na wawiwi.

ZABURI 73:3

Kwa kukaia nedewadwa ni iriso ja wang'eti, niendawona wawiwi wikikaia nicha.

MCHILI 2:26

Mundu ukam'boia Mlungu, uchamneka hikima na kumanya, na kuboilwa. Ela Mlungu wadamneka mkaung'a kazi ekwanya na kutumbanya, upate kumneka uo mundu um'boiagha. Iro naro ni maza ra duu, ni sa kulwa na mbeo.

MCHILI 3:19

Kutua kwa wadamu na nyamandu koofwanana; nyamandu yadafwa sa iji koni mdamu ufwagha. Mdamu na nyamandu kusoda kwawo koofwanana, na mdamu ndene ilagho jingi jichumbagha nyamandu. Maza rose ni duu.

MCHILI 6:6

Hata ngera wakaie moyo miaka elfu iwi, ndemchumbie uo mwana ufushiro; Kukakoni nechi wandu wose waawuyaghenda andu kumweri.

MCHILI 7:18

Kuinjikie malagho ghichumbagha ghose. Kukakaia na kuobua kwa Mlungu, kuchakaia nicha kwa maza rose.

MCHILI 7:2

Ni baa kughenda muzi ghwa wandu wafuilwa, kuchumba kughenda muzi ghuko na karamu; kwa kukaia kifwa ni kutua kwa wandu wose, na awo wiko moyo yawifwana wikumbukeghe huwo.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

MCHILI 9:3

Wuwiwi ghuko kwa agho ghose ghawuyabonyeka wurumwengunyi ni ughu: wandu wose kupatwa ni kutua kumweri. Aighu ya agho, ingelo wandu wiko moyo, wachulwa ni wuwiwi na isu, konyuma wafwa.

JEREMIA 43:6

wandu wa womi, na wa waka, na wana, na wai wa mzuri, na kula mundu oresighiloghe ni Nebuzaradani uja m'baa wa majeshi mikonunyi kwa Gedalia mwana wa Ahikamu wawae Shafani; hata ini na Baruku mwana wa Neria wikadidwa,

MALAKI 3:15

Seji diwonie, wandu wikukasire niwo wawuyawona nicha. Wandu wawiwi ndewiwonagha nicha tu, ela hata iji wamtima Mlungu kwa uko kurumaghia kwake, wafufunuka wisepatiro ni ilagho jingi.’”

MALAKI 3:18

Niko aho mchaamanya kuwitambua awo wiko na hachi na awo wawiwi; aghadi ya uo unidumikiagha, na uo usenidumikiagha.”

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

1 SAMUELI 14:26

Wandu wose wiendangia andenyi kilembenyi wuki ghukakaia ghukitonya andonyi, ela ndekorekoghe na mndungi oredimieghe kughushoa na kughutoa; angu wandu wose wereobueghe ijo ighemi.