MCHILI 8:4 - Biblia Ilagho Jiboie Kwa Wandu Wose

⁴ Mzuri wadabonya malagho kwa nguma; ndekuwadie mndungi udimagha kumkotia.

MCHILI 8:4 Խաչաձեւ Հղումներ

2 SAMUELI 24:4

Ela ilagho ja mzuri jikamsima Joabu chiaimweri na wabaa wose wa majeshi. Niko Joabu na wabaa wa majeshi wikafuma kwa mzuri, wighende kuwitala wandu wa Israeli.

1 WAZURI 1:30

seji nerekughemieghe imbiri ya BWANA Mlungu wa Israeli ngighamba kukaia, mwana wako Solomoni uchabonya nguma wulalo ghwapo, na nuo uchaachiseria icho kifumbi cha nguma wulalo ghwapo, niko koni nichaabonya idime.”

1 WAZURI 2:25

Niko Mzuri Solomoni ukamduma Benaia mwana wa Jehoiada, nao ukamkaba Adonija na kum'bwagha.

1 WAZURI 2:46

Nao ukamzera Benaia mwana wa Jehoiada ughende um'bwaghe. Ukaghenda ukamkaba, nao ukafwa. Solomoni ukaghumangisha ugho wuzuri.

EZRA 6:13

Niko Tatenai m'baa wa isanga jiko magharibi ya Moda ghwa Eufrate, na Shethar-bozenai, na wambao, wikabonya sa iji koni Mzuri Dario orelaghirieghe.

AYUBU 9:12

Mlungu ukawusa-lee, nani udimagha kumghiria? Nani udimagha kumkotia, ‘Niki kubonyagha?’

KUFUMA 1:18

Mzuri wa Misri ukawiwanga awo waka wevarisha ukawizera, “Kwaki m'bonyagha huwu, muwisighaawana wa womi wikaie moyo?”

MAKATANISHO 19:12

Machu gha mzuri gheeka sa mrurumo ghwa shimba, ela wurumirio ghwake ghooka sa mami ghiko nyasinyi.

MAKATANISHO 20:2

Machu ghioboshagha gha mzuri, ni sa kururuma kwa shimba; mundu ukam'bonya ujoko ni machu, wadalaghasha irangi jake.

MAKATANISHO 30:31

Njogholo ighendagha kwa makogo; fwandi, na mzuri ughendagha imbiri ya wandu wake.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

WAROMA 9:20

Oho nani ee mdamu kudimagha kumtumbulia Mlungu? Nyungu ya wongo yadima kumkotia uo uivimbie, “Kwaki kunivimbie wa huwu?”