MCHILI 4:8 - Biblia Ilagho Jiboie Kwa Wandu Wose

⁸ Mundu hoyu ooka uekeri; ndewadie mwana hata mruna; ela sena waawuyabonya kazi ngelo rose usekatwagha ni mali uko naro. Ubonyera ani kazi na ndighi huwu ukikuima raha ingi? Agha nagho ni malagho gha duu; ni irangi ja wasi.

MCHILI 4:8 Խաչաձեւ Հղումներ

KUZOYA 2:18

Nao BWANA Mlungu ukaghamba, “Si nicha uo mundu uduo uekeri, nicham'bonyera mtesia umfwanagha putu.”

ZABURI 39:6

Mdamu wadamara-mara sa kirerendi ukikuemeka duu. Wadatumbanya mali, usemanyagha nani uchaariwusa.

ZABURI 39:7

“Na idana ee BWANA, niki nawuyachisuwiria? Naawuyakusuwiria oho.

MAKATANISHO 27:20

Andu kwa Wafu ndekukatwagha jingi, na wokoni bea ya mdamu ndeikatwagha jingi.

MCHILI 1:13

Nerekufunyireghe kukufundisha na kuvumbua maza rose rawuyabonyeka wurumwengunyi; ngawona kukaia Mlungu wanekie wadamu kubonya kazi ilemere loli loli.

MCHILI 1:8

Maza rose radareda kusilwa ni ndighi, hata nderighorekagha. Iriso jikeduawona ndejikatwagha, na kudu kukeduasikira, ndekuchuagha.

MCHILI 2:21

Ngelo rimu mundu ubonyere kazi kwa hikima na kumanya na wuya, suti urisighie mndumu useribonyere ucheboilwanya naro. Agho nagho ni malagho gha duu na wuwiwi m'baa.

MCHILI 2:23

Matuku ghake ghose ghachua kuwawa na wasi; akili rake nderihoragha hata nakio. Iri naro ni maza ra duu.

MCHILI 4:7

Wokoni nawonie maza rimu ra duu wurumwengunyi:

MCHILI 5:10

Mundu ulakie na pesa, ndekatwagha. Uo ukunde kushama, ndekatwagha wokoni. Iro naro ni maza ra duu.

MCHILI 5:9

Wandu wose wadakusaghika na mavalo gha isanga, hata mzuri moni wadaghisuwiria.

ISAYA 5:8

Ni bugha kwa awo wighuagha na kuchuria nyumba aighu ya nyumba, na mbuwa aighu ya mbuwa; hata wandu wazima wisowe andu kokaia, nenyo mchakaia muekeri aghadi ya ijo isanga.

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

MATHAYO 11:28

Choonyi kwapo inyo mmbose msumbukagha na kulemerelwa ni misigo, nani nichamhoresha.

LUKA 12:20

Ela Mlungu ukamzera, ‘Ee mkelu, ichi kio cheni, roho yako ichakundwa, na ivo vindo vako kuvibonyere vichawuya vani?’

1 JOHANE 2:16

Angu iro maza rose riko wurumwengunyi, bea ra mumbi, bea ra meso, na kukujosa kwa irangi, ndevifumagha kwa uja Aba anduangi, ela vadafuma wurumwengunyi.