MCHILI 3:7 - Biblia Ilagho Jiboie Kwa Wandu Wose

⁷ ngelo erashua na ngelo edunga; ngelo ekaia kima na ngelo ededa;

MCHILI 3:7 Խաչաձեւ Հղումներ

KUZOYA 37:29

Nao iji Reubeni orewurieghe kinenyi na kumsowa Josefu, ukarashua nguwo rake kwa wasi,

KUZOYA 37:34

Nao Jakobo ukarashua nguwo rake kwa wasi, ukarwa nguwo ya igunia kiwonunyi kwake, na kumlilia mwana wake kwa matuku mengi.

KUZOYA 44:18

Nao Juda ukamsughudia Josefu ukamzera, “Ee bwana wapo, nakulomba kunirumirie nighore ilagho kwako bwana wapo; hata kusakenibonyera machu ini mdumiki wako, angu oho ni karakara na mzuri moni.

KUZOYA 44:34

Nichadima wada kuwuya kwa aba niseko na uhu mwana? Naobua iro maza mbiwi richaampata aba.”

2 SAMUELI 1:11

Niko Daudi na wandu wose werekwanyeghe nao wikarashua nguwo rawo kuwonyera wasi.

2 SAMUELI 3:31

Nao Daudi ukafunya momu kwa Joabu na awo wandu werekwanyeghe, ukawizera, “Rashuonyi nguwo renyu, muro magunia viwonunyi konyu, mumlilie Abneri.” Nao mzuri Daudi ukakaia ukiinugha jeneza.

1 WAZURI 21:27

Ahabu uendasikira malagho agho, ukarashua nguwo rake na kurwa nguwo ra magunia; ukafunga tumu na kulala magunienyi ukikusera nandighi.

2 WAZURI 18:36

Ela awo wandu wikanyama kima; kwa kukaia Mzuri Hezekia orewizerieghe wisemtumbulie hata ilagho.

2 WAZURI 5:7

Mzuri wa Israeli uendashoma iyo barua, ukarashua nguwo rake ukikambwa ni chongo na kughamba, “Kwani ini neeka Mlungu nidimagha kubwagha na kukaisha moyo, hata umundu unidumie mundu wake wei nim'boise wukongo ghwake ghwa sima? Zighanenyi mmbone kukaia umundu waawuyanilola zua.”

2 WAZURI 6:30

Nao iji mzuri wasikira malagho gha uo muka, ukarashua nguwo rake, ukikambwa ni chongo, na angu orekoghe ukiida aighu wurighenyi, wandu wikammbona warwa nguwo ra magunia nandenyi ya nguwo rake.

ESTA 7:4

Kwa kukaia ini, na wandu wapo damerie kuuzwa, eri dibwagho kuseko na wughoma ghungi, dimerelo putu. Ngera wei dedeuzwa dikaie wazumba womi na waka, sakaiagha na ilagho jingi jekusumbua, nadakaia kima. Kwa kukaia wasi ghodu ndeghudimagha kukatanishwa na hasara mzuri uchaipata.”

AYUBU 2:13

Niko wikaseanya kidombo andonyi kwa matuku mfungade kio na dime. Ndeweredimieghe kudedanya nao angu werewonieghe wasi ghwake kukaia m'baa.

ZABURI 39:2

Ela iji nerekoghe kima nisededagha, hata kughora ilagho jingi jiboie, wasi ghwapo ghorechurikieghe,

MCHILI 3:6

ngelo elola na ngelo elaghasha; ngelo ewika na ngelo edagha;

ISAYA 36:21

Ela awo wandu wikanyama kima sa iji koni werezereloghe ni Hezekia; ndeweremtumbulieghe hata ilagho jeni.

JEREMIA 36:24

Sena mzuri chiaimweri na wadumiki wake awo werekoghe wikisikiria agho malagho, ndewereobueghe hata kurashua nguwo rawo anduangi.

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

KILILO CHA JEREMIA 3:28

Dikatirirwa ndedikaie kima diekeri dikirumaghia; kwa kukaia BWANA nuo wadiredia ugho wasi.

JOELI 2:13

Rashuonyi ngolo renyu nguwo mbai.” Wuyenyi kwa BWANA, Mlungu onyu. Uo wachua mvono na wughoma, wachua irumaghio, nao wadamaziria malaghiro ghake; wadafuya wughoma na kuleka kukaba.

AMOSI 5:13

Kwa huwo kunyama kima niko kuchaakaia suku ngelo iyo, kwa kukaia ni ngelo mbiwi.

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

MIKA 7:5

Kuserumirie mmbenyu angu mghenyi wako. Kukulindie hata na agho kughoragha kwa mkako.

MABONYO GHA WADUMI 4:20

ela isi ndedichaaleka kughora malagho dighiwonie na kughisikira anduangi.”

MABONYO GHA WADUMI 9:39

Petro ukawuka na kughendanya nawo. Nao iji wavika, wikamghenja gorofenyi. Waka wose wifulo ni womi, wikakaia kimusi kaavui nao wikilila, na kummbonyera Petro makoti na nguwo rose Dorkasi oreribonyereghe iji orekoghe moyo.

1 SAMUELI 10:16

Sauli ukamzera awuye, “Oredighorieghe worinyi kukaia weke punda wawonekie.” Ela ukamvisa agho malagho gha wuzuri oreghoreloghe ni Samueli.