MCHILI 12:2 - Biblia Ilagho Jiboie Kwa Wandu Wose

² Ngelo iyo, iji mwengere ghwa iruwa na mori na nyerinyeri ghuchawuya kira kwako, na mawingu gha vua kuwuya.

MCHILI 12:2 Խաչաձեւ Հղումներ

KUZOYA 27:1

Nao iji Isaaka waghosia na meso ghake kusera kira usedimagha kuwona, ukammbanga Esau mwana wake m'baa ukamzera, “Mwanwapo!” Nao ukadika, “Neko aha.”

KUZOYA 48:10

Meso gha Israeli gherekoghe ghisewonagha nicha kwa wundu ghwa wughosi ghwake. Nao Josefu ukawisoghora kaavui kwake, nao ukawisusugha na kuwishishidia.

ZABURI 42:7

Ndiwa na ndiwa riawangana, rikighona; kwaiduma iyo mivo-mivo na kusalama kwa machi kuide aighu yapo.

ZABURI 71:20

Oho kunibonyere ngapatwa ni wasi na matiriro, kuchaniwusira sena. Kuchanifunya sena kufuma andu kuko ndenyi kwa ndoe.

ZABURI 77:16

Iji machi gherekuwonieghe ee Mlungu, iji machi gherekuwonieghe oho, ghikaobua; hee, andu kumilie kukasughusika.

ZABURI 90:10

Dadakaia moyo miaka mirongo mfungade; dikakaia na ndighi yavika mirongo wunyanya. Elaima yareda wasi na kuwawa; Yasia shwa shwa nesi daghenda noko.

ISAYA 13:10

Nyerinyeri rose ra mlungunyi nderichaafunya miengere, na iruwa jichasera kira jikibuka, hata mori ndeghuchaafunya miengere yaro anduangi.

ISAYA 5:30

Wicharuma ituku jija sa kuruma kwa bahari, na uo uchaazighana uchawona kira na wasi; mwengere ghwaro ghwafinikirwa ni mawingu gharo.

JOELI 3:15

Iruwa na mori vasera kira, na nyerinyeri raleka kung'ala-ng'ala.

MATHAYO 24:29

“Nyuma ya wasi ghwa matuku ghaja, iruwa jichawuya kira, na mori ndeghuchaafunya miengere yaro anduangi; nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

1 SAMUELI 3:2

Ngelo iyo, meso gha Eli gherezoeghe kufwa, hata nderedimieghe kuwona; ukakaia ukilala chumbenyi kwake.

1 SAMUELI 4:15

Ngelo iyo, Eli orekoghe mundu wa miaka mirongo ikenda na wunyanya, na meso ghake gherekoghe ghameria kufwa usedimagha kuwona.

1 SAMUELI 4:18

Uendaghora maza ra Sanduku ya Mlungu, Eli ukawuduka kinyuma-nyuma kufuma kifumbinyi kwake mbai na mbai ya mbenge, ukachika singo yake, ukafwa; kwa kukaia orekoghe mghosi ulemere; nao orewilongozereghe Waisraeli kwa miaka mirongo ina.