MCHILI 11:9 - Biblia Ilagho Jiboie Kwa Wandu Wose

⁹ Mundu wa irika, boilwa ngelo kuko mdawana. Bonya ijo jose ngolo yako ikunde kujibonye. Ela kumbuka kukaia Mlungu uchakutanya kwa ghose kubonyere.

MCHILI 11:9 Խաչաձեւ Հղումներ

KUZOYA 3:6

Niko muka iji wawona angu mudi ugho ghwaboie kwa vindo, ghwaghokie mesonyi, na sena ghwakundikie kwa kumredia mundu kumanya, ukawaya matunda gharo ukaja, ukamneka na mumi wake wori, nao ukaja.

KUZOYA 6:2

wana wa Mlungu wikawiwona awo wai wa wadamu kukaia wighokie, nawo wikakusaghuya wai welowua sa iji koni werekundieghe.

1 WAZURI 18:12

Na nyuma ya kukusigha, Roho wa BWANA uchakudwa andu nisekumanyagha. Ahabu ukacha na kukusowa ngelo namzera wei koko aha, uchanibwagha. Kumbuka ini mdumiki wako ne mtasi Mlungu kufuma wanake ghwapo.

1 WAZURI 18:27

Dime ghadi, Elija ukazoya kuwikumba solo ukighamba, “Kemenyi kwa lwaka lubaa, angu uo ni mlungu; kewada waawuyapima malagho, angu kewada waafuma shighadi, angu kukaia charonyi, angu kewada waalala na suti uwusiro.”

1 WAZURI 22:15

Nao iji Mikaia wavika kwa mzuri, mzuri ukamkotia, “Welee Mikaia dijokelwa wuda Ramoth-Gileadi angu disejoke?” Ukatumbulia, “Joka, kwa kukaia BWANA uchakuneka wusimi.”

AYUBU 31:7

Ikakaia nilagharie chia, na kunugha agho nighiwonagha, angu kuilusha mikonu yapo na wuwiwi ghungi,

ZABURI 81:12

Kwa huwo nerewisighieghe wikaie wighilikie, na kubonya seji wikunde.

MCHILI 12:1

Kwa huwo kumkumbuke Muumbi wako ngelo kuko mdawana; imbiri matuku na miaka ya wasi isechee; ingelo kuchaaghora “Siwueboilwa ni irangi.”

MCHILI 12:14

Angu Mlungu uchatanya kula ilagho dibonyagha jikaiagha jiboie angu jizamie; hata agho ghibonyero kivisonyi.

MCHILI 2:10

Nerepatireghe kula kilambo nerechiwonieghe kukaia chiboie. Serekuimieghe raha ingi. Nerekukasireghe na vilambo vose nivibonyere, na agho nigho gherekoghe mafungu ghapo.

MCHILI 3:12

Naichi kukaia ndekuwadie kindo chingi chiboie kwa wadamu chichumbagha kuboilwa na kubonya nicha ngelo wiko moyo.

MCHILI 3:17

Ngaghamba ngolonyi kwapo, “Mlungu uchawitanya wahachi, na wawiwi; kwa kukaia wawikie ngelo kwa wundu ghwa kula ilagho na kwa kula kazi.”

MCHILI 6:9

Ni baa kukatwa ni icho kuko nacho kuchumba kukaia na bea ya vilambo kuseviwonagha. Ni sa kuwingisa mbeo.

MCHILI 7:14

Malagho ghikakuendia nicha, kuboilo; kukapatwa ni wasi, kuririkanye. Malagho ghose ghadabonywa ni Mlungu, eri mdamu usemanye agho ghimcheagha.

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

KILILO CHA JEREMIA 3:27

Ni nicha mundu kukufundisha irumaghio ngelo uko wa irika.

MITALO 15:30

Ela mundu ukabonya ilagho jingi kidali, ukaiagha ni mwisanga angu mghenyi, uamdukana BWANA; mundu uo, uchainjwa kufuma kwa wandu wake.

MITALO 15:39

Mchakaia mkizighanagha ijo ifindikio na kukumbukagha malaghiro ghose gha BWANA mpate kughibonya; eri msechebonya seji ngolo renyu righeshagha kunughana na maza muriwonagha na meso ghenyu; iro mkundagha kurinugha kwa bea mbaa.

MITALO 22:32

Malaika wa BWANA ukamzera, “Kwaki kwamkaba punda wako mando adadu? Ola nacha nikutangale angu kulagharilo ni chia rapo;

MATHAYO 5:28

Ela ini namzera, uo ose umzighanagha muka ukikaia na bea nao, wameria kulaka nao ngolonyi kwake.

LUKA 12:19

Nani nichajizera irangi japo, Ee irangi, koko na vindo vingi viwikilo va miaka mingi, idana hora, kuje, kunyo, kuboilo’

MABONYO GHA WADUMI 14:16

Kwa vivalwa viidie, uo moni orewisighieghe wandu wa mbari rose wighende sa iji werekundieghe weni.

MABONYO GHA WADUMI 24:25

Nao iji Paulo orekoghe ukija malagho aighu ya hachi, kukumazira, na kuja kutanywa kuchagha, Felike ukaobua ukaghamba, “Idana kwadima kughenda, ngapata wulalo, nikuwanga sena.”

WAROMA 14:10

Kwaki oho kumtanyagha mwanyinyu? Angu kwaki oho kummenyagha mwanyinyu? Angu isi diwose dichakaia kimusi imbiri ya kifumbi cha kutanya cha Mlungu;

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

WUKUMBUSO 29:19

Mndungi onyu uko aha idime usikiragha malagho gha ilaghano ijo ja ighemi, nao uhoreshe ngolo yake ukighamba, wei ukeduasikira agho malagho na kughilisha ngolo yake ndewonagha ilagho jingi. Ilagho ijo jichareda kutota kwa wose wiboie na wizamie wori.

WAEBRANIA 9:27

Na seji koni iwikilo kwa wandu kufwa indo jimweri, na nyuma yaro kutanywa,

JOSHUA 7:21

Niendawona nguwo iboie kufuma Babuloni, kilo iwi ra feza, na kipande cha dhahabu cha nusu kilo, ngawadwa ni bea ngavishoa; ola navirikie andoenyi andenyi hemenyi kwapo, na feza reko nandonyi yaro.”

2 PETRO 3:7

Ela kwa ilagho ijo jeni, mlungunyi na ndoenyi riko idana rawikilwa modo; naro raawuyawikwa hata ijo Ituku ja Kutanywa, na kutoteshwa kwa wandu wisemuobuagha Mlungu.