MCHILI 11:2 - Biblia Ilagho Jiboie Kwa Wandu Wose

² Waghia vindo vako wandu mfungade, angu hata wunyanya; ndekumanyire ni malaghoki ghizamie ghichagha ndoenyi.

MCHILI 11:2 Խաչաձեւ Հղումներ

NEHEMIA 8:10

Ghendenyi mzinyi muje manori, munyo divei isingie; na uo usewadie kindo chingi mumdumie vimu angu idime ni ituku jielie kwa BWANA odu; msekaie na wasi; kwa kukaia kuboilwa uko BWANA umnekagha kucham'bonya mkaie na ndighi.”

ESTA 9:19

Kwa wundu ughu Wayahudi wose wikaiagha mizi mitini mitini wadabonya karamu ituku ja ikumi na inya ja mori ghwa Adari; nawo wadaja karamu na kunekana manosi.

ESTA 9:22

Kwa agho matuku, Wayahudi werekirieghe kufuma kwa wamaiza wawo; na mori ugho, niko wasi ghwawo ghoreghalusiroghe kuboilwa, na kililo chawo chikawuya ituku ibaa ja kuboilwa na kuseka. Wikalaghirwa angu kwa matuku agho wibonyeghee karamu na maboilo; kunekana manosi mecha, na kuwineka wakiwa manosi.

AYUBU 5:19

Kukapatwa ni wasi mando arandadu, uchakukira; hata indo ja mfungade, ndekuchaapatwa ni kiwiwi chingi.

ZABURI 112:9

Wadaneka wakiwa mali rake duu; wughoma ghwake ndeghusiagha; uchakaia na ndighi nyingi na kunekwa ishima ibaa.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MAKATANISHO 6:16

Gheko malagho mfungade huwu ghimzamiagha BWANA nandighi:

MCHILI 11:3

Mawingu ghikachua, vua yadanya; mudi ghukaghwa cha kusinyi angu kaskazinyi, ghwadakaia andu koni ghwaghuya.

MCHILI 11:8

Mundu ukakaia moyo miaka mingi, ndefunye chawucha andenyi ya matuku gha irangi jake; ela ukumbuke kukaia uchafwa. Iro naro ni maza ra duu.

MCHILI 12:1

Kwa huwo kumkumbuke Muumbi wako ngelo kuko mdawana; imbiri matuku na miaka ya wasi isechee; ingelo kuchaaghora “Siwueboilwa ni irangi.”

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

MIKA 5:5

Mundu uo uchareda sere. Muashuri ukawada isanga jedu, na kuchikanya mawurighenyi kodu, dichamdumia vilongozi viwadie ndighi kumchumba wilo nao.

MATHAYO 18:22

Jesu ukamtumbulia, “Sikuzeraa wei ni mandu mfungade, ela ni mirongo mfungade mandu mfungade.

MATHAYO 5:42

Uo ukulombagha kumneke, na uo ukunde kukukopa kusakemleghia.

LUKA 17:4

Na ngera wakubonyera kaung'a mando mfungade ituku jimweri, nao ukiwuya kwako mando mfungade ukighamba, ‘Nahea,’ suti kumfue wughoma.”

WAGALATIA 6:1

Wanidu, ngera mndungi wawadwa na ikosa jingi, inyo muko wa kiroho, mumtesie kwa roho ya wumboa; mkikulindia inyo mmbeni msechetimwa wori.

WAEFESO 5:16

mkiitumia nicha ngelo muko nayo, angu matuku agha ghazamie.

WAEBRANIA 13:3

Wikumbukenyi awo wiko kifungonyi, seji moofungwa andwamweri nawo, na awo wikorongwagha, seji mwaawuyakorongwa andwamweri nawo; kwa kukaia inyo wori moko na mumbi.

1 SAMUELI 25:8

Kukawikotia wandu wako, wichakughoria. Kwa huwo, karibisha wandu wapo wa irika, angu hoku dacha ituku ja karamu, kuwineke wadumiki wako na mwana wako Daudi kindo chingi kuko nacho.’”