MATHAYO 6:33 - Biblia Ilagho Jiboie Kwa Wandu Wose

³³ Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

MATHAYO 6:33 Խաչաձեւ Հղումներ

1 WAZURI 17:13

Elija ukamzera, “Kusakeobua, ghenda kubonye sa iji koni kwaghamba; ela kuzoye kunibonyere ini kamkate katini kuniredie, ima konyuma kukubonyere oho na mwana wako.

ZABURI 112:3

Wandu wa nyumbenyi kwake wichakaia wazuri wa mali; nao uchakaia nicha matuku ghose.

ZABURI 37:25

Nerekoghe mwana na idana naghosia; ela jingi simmbonie mhachi ungi usighilo ni Mlungu, angu wana wake wikilomba vindo.

ZABURI 37:3

Msuwirie BWANA kubonye nicha, na oho kuchakaia nicha na kudua banana isangenyi.

MAKATANISHO 10:3

BWANA ndemsighagha mhachi ukaie njala, ela wadamghiria mmbiwi usepate icho ukunde.

MAKATANISHO 28:10

Mundu uwilaghashagha wandu wecha wibonye mawiwi, uchachunuka kinenyi chake cheni; ela awo wisewadie ikosa jingi wichapata mafungu ghiboie.

MAKATANISHO 8:18

Mali na ishima vadakaia kwapo, mali redua na kuwona nicha.

MCHILI 10:2

Mundu wa hikima kwa kawaida wadabonya agho ghiko mecha, na mkelu kubonya mawiwi.

ISAYA 26:9

Ngolo yapo yakaia na bea na oho ngelo ya nakio, roho yapo kondenyi kwapo yakulola kwa kufunga ndighi. Angu iji kutanya kwako kuko ndoenyi, wandu wiko wurumwengunyi wakufundisha kubonya hachi.

ISAYA 33:6

BWANA uchakaia kumanga konyu ngelo renyu rose; uchakaia kukia konyu kwa wungi, hikima na kumanya; mali renyu richakaia ni uko kumuobua BWANA.

ISAYA 45:24

“Wandu wichaghora kukaia, hachi na kudima radafuma kwapo ini BWANA, wose wilwagha nani wichacha wikifwa waya.

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

MATHAYO 19:28

Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.

MATHAYO 19:29

Na kula umu usighie nyumba, angu waruna wa womi na wa waka, angu ndee, angu mae, angu wana, angu mbuwa kwa wundu ghwapo; uchapata mando ighana na kuchumba chiaimweri na irangi ja kala na kala.

MATHAYO 3:2

ukighamba, “Heenyi angu wuzuri ghwa Mlungu ghwavika kaavui.”

MATHAYO 4:17

Nao kufuma aho Jesu ukazoya kuchila ukighamba, “Heenyi, angu Wuzuri ghwa Mlungu ghwavika kaavui.”

MATHAYO 5:6

Warasimilwa awa wiko na njala na kau ekunda kubonya hachi, angu awo wichakatwa.

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

LUKA 12:31

Ela lolenyi kande Wuzuri ghwa Mlungu, na vilambo ivo vose uchamneka.

JOHANE 5:4

angu malaika wa Bwana orekoghe ukisea ndiwenyi kwa vimu vake kughinyavura machi; na uo ose orezoeghe kungia ndiwenyi nyuma ya machi kunyavurwa, oreboisiroghe wukongo ghwake ugho orekoghe nagho.]

JOHANE 6:27

Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”

MABONYO GHA WADUMI 20:25

“Nani idana namanya angu inyo mmbose niidie aghadi konyu ngimchilia Wuzuri ghwa Mlungu, ndemchaaniwona sena anduangi.

MABONYO GHA WADUMI 28:31

Ukachila malagho gha Wuzuri ghwa Mlungu, na kufundisha malagho gha Bwana Jesu Kristo worinyi useghirilwagha ni mndungi.

WAROMA 1:17

Angu hachi ya Mlungu yafunukulwa andenyi yaro kwa chia ya irumirio kuvikia irumirio; sa iji koni iandikilo, “Uo utalwagha kukaia na hachi kwa chia ya irumirio, uchakaia moyo.”

WAROMA 10:3

Angu wiendakaia wiseimanyagha ija hachi ifumagha kwa Mlungu, na kulola kuimangisha hachi yawo cheni, ndewicheirumiria hachi ya Mlungu.

WAROMA 14:17

Angu wuzuri ghwa Mlungu si kuja na kunywa anduangi, ela ni hachi, na sere, na kuboilwa andenyi ya Roho Mweli;

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

1 WAKORINTHO 3:22

ngera ni Paulo, Apolo, angu Kefa; ngera ni wurumwengu, irangi, angu kifwa; ngera ni ngelo ihi, angu ngelo ichagha, vose ni venyu;

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAFILIPI 3:9

Nani niwoneke andenyi kwake nisewadie hachi ingi yapo nimoni, ipatikagha kwa chia ya Sharia, ela ija hachi ipatikagha kwa chia ya irumirio jiko andenyi ya Kristo. Ija hachi ifumagha kwa Mlungu, kwa chia ya irumirio;

2 WATHESALONIKE 1:5

Maza iri ni wushuhuda ghwa kutanya kwa hachi kwa Mlungu, eri inyo mpate kubonywa wandu wifwane wa Wuzuri ghwa Mlungu; ugho ghwawuyam'bonya mpate wasi.

1 TIMOTHEO 4:8

kwa kukaia, kukuzaisira kwa mumbi kwafwana kutini, ela kuobua kwa Mlungu kwafwana kwa kula chia; angu koko na ilaghiro kwa wundu ghwa irangi iji; na kwa jija jichagha wori.

2 PETRO 1:1

Ini Simoni Petro, mdumiki na mdumi wa Jesu Kristo, nawiandikia awo wimerie kupata irumirio ja zoghori mbaa jija jeni diko najo kwa chia ya Mlungu odu na Mkiri Jesu Kristo.

2 PETRO 1:11

na kwa chia ihi, mcharumirilwa putu kungia andenyi ya Wuzuri ghwa Bwana na Mkiri odu Jesu Kristo.